ശിഖരിണി (വൃത്തം)
ഒരു സം‍സ്കൃതവർ‍ണ്ണവൃത്തമാണ് ശിഖരിണി. അത്യഷ്ടി എന്ന ഛന്ദസ്സിൽ പെട്ട (ഒരു വരിയിൽ 17 അക്ഷരങ്ങൾ) സമവൃത്തം.
ലക്ഷണം (വൃത്തമഞ്ജരി)തിരുത്തുക
| “ | യതിക്കാറിൽത്തട്ടും യമനസഭലം ഗം ശിഖരിണീ | ” |
വൃത്തശാസ്ത്രസങ്കേതമനുസരിച്ചു് “യ മ ന സ ഭ” എന്നീ ഗണങ്ങളും ഒരു ലഘുവും ഒരു ഗുരുവും ആറാമത്തെ അക്ഷരത്തിനു ശേഷം യതിയോടുകൂടി വരുന്ന വൃത്തമാണു ശിഖരിണി.
v - - - - - / v v v v v - - v v v -
ലക്ഷണത്തിൽ പറഞ്ഞിട്ടില്ലെങ്കിലും പന്ത്രണ്ടാമത്തെ അക്ഷരത്തിനു ശേഷവും യതി കാണാറുണ്ടു്.
ഉദാഹരണങ്ങൾതിരുത്തുക
- കഴിഞ്ഞേ പോകുന്നൂ... (കെ. എൻ. ഡി.)
| “ | കഴിഞ്ഞേ പോകുന്നൂ പകലുമിരവും ജർജ്ജരിതമായ്‌ കൊഴിഞ്ഞേ വീഴുന്നൂ നിറമുടയൊരെൻ പീലികൾ വൃഥാ |
” |