അന്താരാഷ്ട്ര വനിതാദിനത്തോടനുബന്ധിച്ച് സംഘടിപ്പിക്കുന്ന ഒരു മാസം നീളുന്ന തിരുത്തൽ യജ്ഞമാണ് വനിതാദിന തിരുത്തൽ യജ്ഞം. മലയാളം വിക്കിപീഡിയയിൽ സ്ത്രീകളെ സംബന്ധിക്കുന്ന ലേഖനങ്ങളുടെയും, സ്ത്രീകളുടെ ജീവചരിത്രങ്ങളുടെയും എണ്ണവും ഗുണനിലവാരവും വർദ്ധിപ്പിക്കുക എന്നതാണ് ഈ പരിപാടിയുടെ പ്രധാന ലക്ഷ്യം. സ്ത്രീകളെക്കുറിച്ച് എഴുതപ്പെടേണ്ട ലേഖനങ്ങൾ നാമനിർദ്ദേശം ചെയ്തും, നിലവിലുള്ള ലേഖനങ്ങൾ മെച്ചപ്പെടുത്തിയും, യജ്ഞത്തിൽ പങ്കെടുക്കുന്ന പുതിയ വനിതാ ഉപയോക്താക്കളെ വിക്കിപീഡിയ തിരുത്താൻ സഹായിച്ചുമൊക്കെ നിങ്ങൾക്കും ഈ യജ്ഞത്തിൽ പങ്കുചേരാനാവും. ലിംഗവിവേചനത്തെക്കുറിച്ചും തുല്യതയ്കായുള്ള പോരാട്ടങ്ങളെപ്പറ്റിയും ഒക്കെ പുതിയ ലേഖനങ്ങൾ ആരംഭിക്കാം. മലയാളം വിക്കിപീഡിയയിൽ ഉപയോക്താക്കളായ ആർക്കും ഈ തിരുത്തൽ യജ്ഞത്തിൽ സഹകരിക്കാം. അന്താരാഷ്ട്ര വനിതാദിനത്തോടനുബന്ധിച്ച് ഇന്ത്യയിൽ വിക്കിമീഡിയർ നടത്തുന്ന വിവിധ പരിപാടികൾക്കുളെ സംബന്ധിച്ച ഏകോപന താൾ ഇവിടെയും അന്താരാഷ്ട്ര തലത്തിൽ നടത്തുന്ന വനിതാ ചരിത്ര മാസത്തിന്റെ ഏകോപന താൾ ഇവിടെയും കാണാം.
താങ്കളുടെ പേര് ഇവിടെ ചേർത്ത് ഈ തിരുത്തൽ യജ്ഞത്തിൽ പങ്കാളിയാകൂ!
വിക്കിമീഡിയ സംരംഭങ്ങളിൽ ഉപയോക്താക്കൾ പങ്കെടുക്കുന്ന രീതികളെപ്പറ്റി പഠിക്കുവാൻ വിക്കിമീഡിയ സന്നദ്ധപ്രവർത്തകരും, വിക്കിമീഡിയ ഫൗണ്ടേഷനും സദാ തൽപ്പരരാണ്. താങ്കൾ വനിതാ ദിന പരിപാടികളുടെ ഭാഗമായി ഓൺലൈൻ തിരുത്തൽ യജ്ഞത്തിലോ, വനിതാ ദിന പഠനശിബിരങ്ങളിലോ പങ്കെടുക്കുന്നുണ്ടെങ്കിൽ ദയവായി ഈ ഫോം പൂരിപ്പിച്ച് പഠനത്തിൽ പങ്കെടുക്കാനുള്ള സന്നദ്ധത രേഖപ്പെടുത്തുക. ഈ ഫോം പൂരിപ്പിക്കുന്നതിന് 30 സെക്കന്റുകളിൽ താഴെയേ സമയമെടുക്കുകയുള്ളൂ.
