നർഗീസ് ദത്ത്

ബോളിവുഡ് ചലച്ചിത്ര രംഗത്തെ ഒരു നടി
നർഗീസ് എന്ന വാക്കാൽ വിവക്ഷിക്കാവുന്ന ഒന്നിലധികം കാര്യങ്ങളുണ്ട്. അവയെക്കുറിച്ചറിയാൻ നർഗീസ് (വിവക്ഷകൾ) എന്ന താൾ കാണുക. നർഗീസ് (വിവക്ഷകൾ)

ബോളിവുഡ് ചലച്ചിത്ര രംഗത്തെ ഒരു നടിയായിരുന്നു നർഗീസ് ദത്ത് (ഹിന്ദി: नर्गिस, ഉർദു: نرگس) (ജൂൺ 1,1929മേയ് 3, 1981).[1] 1940 - 60 കാലഘട്ടത്തെ ഒരു മികച്ച നടിയായിരുന്നു നർഗീസ്. അക്കാലത്തെ ധാരാളം വിജയചിത്രങ്ങളിൽ നർഗീസ് അഭിനയിച്ചു.

നർഗീസ്
Nargis Dutt (1929 – 1981).gif
ജനനം
ഫാത്തിമ റഷീദ്

ജൂൺ 1, 1929
മരണംമേയ് 3, 1981 (aged 51)
തൊഴിൽഅഭിനേത്രി
സജീവ കാലം1935, 1942 – 1967
ജീവിതപങ്കാളി(കൾ)സുനിൽ ദത്ത് (1958 – 1981) (her death)
കുട്ടികൾസഞ്ജയ് ദത്ത്
അഞ്ജു
പ്രിയ ദത്ത്

ആദ്യ ജീവിതംതിരുത്തുക

ഫാത്തിമ റഷീദ് എന്നായിരുന്നു നർഗീസിന്റെ ആദ്യ നാമം. [2]

അഭിനയ ജീവിതംതിരുത്തുക

1935 ൽ 6 വയസ്സുള്ളപ്പോഴാണ് നർഗീസ് ആദ്യമായി അഭിനയിക്കുന്നത്. തലാക് ഇശ്ക് എന്ന ചിത്രത്തിൽ ബേബി നർഗീസ് ആയി അഭിനയിച്ചു. ആദ്യ വേഷത്തിലെ പേരായ നർഗീസ് എന്ന പേര് തന്നെ പിന്നീടുള്ള ചിത്രങ്ങളിൽ ഉപയോഗിക്കുകയായിർന്നു. തന്റെ 14 വയസ്സിൽ നായിക വേഷത്തിൽ അഭിനയിച്ചു.[അവലംബം ആവശ്യമാണ്] 1940-50 കാലഘട്ടത്തിൽ ധാരാളം ഹിന്ദി ഉർദു ചിത്രങ്ങളിൽ നർഗീസ് അഭിനയിച്ചു. 1957 ൽ അഭിനയിച്ച മദർ ഇന്ത്യ എന്ന ചിത്രത്തിലെ അഭിനയം വളരെ ശ്രദ്ധേയമായ ഒന്നായിരുന്നു. ഇതിന് ഓസ്കാർ നാമനിർദ്ദേശം ലഭിച്ചിരുന്നു. കൂടാതെ ഇതിലെ അഭിനയത്തിന് മികച്ച നടിക്കുള്ള ഫിലിംഫെയർ പുരസ്കാരം ലഭിച്ചു. 1958 ൽ വിവാഹത്തിനു ശേഷം കുറച്ചു കാലത്തെക്ക് ചലച്ചിത്ര രംഗത്ത് നിന്ന് വിട്ടു നിന്നു. തന്റെ അവസാന ചിത്രം 1967 ൽ അഭിനയിച്ച രാത് ഓർ ദിൻ എന്ന ചിത്രമാണ്. ഇതിലെ അഭിനയത്തിന് ദേശീയ ചലച്ചിത്രപുരസ്കാരം ലഭിച്ചു.

സ്വകാര്യ ജീവിതംതിരുത്തുക

ആദ്യ കാലത്ത് നർഗിസ് പ്രമുഖ നടനായ രാജ് കപൂറുമായി പ്രണയത്തിലായിരുന്നു. പക്ഷേ, പിന്നീട് നടനായ സുനിൽ ദത്തിനെ വിവാഹം ചെയ്യുകയായിരുന്നു.[3] ഇവരുടെ വിവാഹം മാർച്ച്, 11 1958 ൽ കഴിഞ്ഞു. ഇവർക്ക് മൂന്ന് മക്കളുണ്ട്. നടനാ‍യ സഞ്ജയ് ദത്ത്, പ്രിയ ദത്ത്, നമ്രത എന്നിവരാണ് മക്കൾ.[3]

മരണംതിരുത്തുക

മേയ് 3, 1981 ൽ നർഗീസ് ദത്ത് ക്യാൻസർ മൂലം മരണമടഞ്ഞു. ആദ്യം ന്യൂ യോർക്കിൽ ചികിത്സ നേടിയതിനു ശേഷം പിന്നീട് ഇന്ത്യയിലേക്ക് തിരിച്ചു വന്നു. പക്ഷേ, രോഗം മൂർച്ചിക്കുകയും പിന്നീട് മരണം സംഭവിക്കുകയുമായിരുന്നു.[3][3] 1981 തന്റെ മകന്റെ ആദ്യ ചിത്രമായ റോക്കി എന്ന ചിത്രത്തിന്റെ ആദ്യ പ്രദർശനത്തിൽ നർഗീസിനു വേണ്ടി ഒരു ഇരിപ്പിടം ഒഴിച്ചിട്ടിരുന്നു.[3]

കൂടുതൽ വായനക്ക്തിരുത്തുക

അവലംബംതിരുത്തുക

  1. 57. Shrimati Nargis Dutt (Artiste) –1980-81 List of Nominated members, Rajya Sabha Official website.
  2. Biography of Nargis at IMDB.
  3. 3.0 3.1 3.2 3.3 3.4 Dhawan, M. (April 27, 2003). "A paean to Mother India". The Tribune. ശേഖരിച്ചത് 2008-09-07. Italic or bold markup not allowed in: |publisher= (help)CS1 maint: discouraged parameter (link)
  4. To Mr. and Mrs. Dutt, with love (Literary Review) The Hindu, Oct 7, 2007.

പുറത്തേക്കുള്ള കണ്ണികൾതിരുത്തുക

"https://ml.wikipedia.org/w/index.php?title=നർഗീസ്_ദത്ത്&oldid=3394479" എന്ന താളിൽനിന്ന് ശേഖരിച്ചത്