എലിസബത്ത് ഡൊമീഷ്യൻ

1975 മുതൽ 1976 വരെ മധ്യ ആഫ്രിക്കൻ റിപ്പബ്ലിക്കിന്റെ പ്രധാനമന്ത്രിയായിരുന്നു എലിസബത്ത് ഡൊമീഷ്യൻ (1925 – 26 ഏപ്രിൽ 2005). നാളിതുവരെ ഈ സ്ഥാനം വഹിച്ച ഒരേയൊരു സ്ത്രീയാണ് ഡൊമീഷ്യൻ.

എലിസബത്ത് ഡൊമീഷ്യൻ
മധ്യ ആഫ്രിക്കൻ റിപ്പബ്ലിക്കിന്റെ പ്രധാനമന്ത്രി
ഓഫീസിൽ 1975 ജനുവരി 2 – 1976 ഏപ്രിൽ 7
രാഷ്ട്രപതി	ഷാങ്-ബെഡൽ ബൊകാസ്സ
മുൻഗാമി	ഡേവിഡ് ഡക്കോ
പിൻഗാമി	ആൻജെ-ഫെലിക്സ് പറ്റാസ്സെ
വ്യക്തിഗത വിവരങ്ങൾ
ജനനം	1925
മരണം	26 ഏപ്രിൽ 2005 (വയസ്സ് 79–80)
രാഷ്ട്രീയ കക്ഷി	മൂവ്മെന്റ് ഓഫ് ദി സോഷ്യൽ എവല്യൂഷൻ ഓഫ് ബ്ലാക്ക് ആഫ്രിക്ക

മൂവ്മെന്റ് ഓഫ് സോഷ്യൽ എവല്യൂഷൻ ഓഫ് ബ്ലാക്ക് ആഫ്രിക്ക(എം.ഇ.എസ്.എ.എൻ.) എന്ന സംഘടനയിലൂടെയാണ് ഡൊമീഷ്യൻ രാഷ്ട്രീയത്തിൽ പ്രവേശിച്ചത്. അക്കാലത്ത് രാജ്യത്ത് നിയമസാധുതയുള്ള ഒരേയൊരു രാഷ്ട്രീയകക്ഷിയായിരുന്നു ഇത്. 1972-ൽ ഡൊമീഷ്യൻ ഈ കക്ഷിയുടെ വൈസ് പ്രസിഡന്റായി. 1975 ജനുവരി 2-ന്, ഏകാധിപതിയായിരുന്ന ഷാങ്-ബെദൽ ബൊക്കാസ്സ ഒരു പുതിയ ഭരണകൂടം സ്ഥാപിക്കുകയും പ്രധാനമന്ത്രി എന്ന തസ്തിക രൂപീകരിക്കുകയും ചെയ്തു. പിന്നീട് ഡൊമീഷ്യനെ പ്രധാനമന്ത്രി സ്ഥാനത്ത് നിയമിച്ചു. ഒരു ആഫ്രിക്കൻ രാജ്യത്തിന്റെ പ്രധാനമന്ത്രിയായ ആദ്യ വനിതയായിരുന്നു ഡൊമീഷ്യൻ.

ബൊക്കാസ്സ സ്വയം ചക്രവർത്തിയായി അവരോധിക്കുന്നതിന്റെ സാധ്യതകൾ ചർച്ച ചെയ്യാൻ തുടങ്ങിയശേഷം ഡൊമീഷ്യനും ബൊക്കാസയും തമ്മിലുള്ള ബന്ധം ഉലയാൻ തുട‌‌ങ്ങി. ഡൊമീഷ്യൻ ഈ പദ്ധതികൾ പരസ്യമായി തള്ളിക്കളഞ്ഞു. ഇതെത്തുടർന്ന് ഡൊമീഷ്യനെ പുറത്താക്കുകയും 1976 ഏപ്രിൽ 7-ന് കാബിനറ്റ് പിരിച്ചുവിടുകയും ചെയ്തു. 1979 സെപ്റ്റംബറിൽ ബൊക്കാസ്സ ചക്രവർത്തിയെ പുറത്താക്കിയശേഷം ഡൊമീഷ്യനെ അറസ്റ്റ് ചെയ്യുകയും ബൊക്കാസ്സയുടെ തട്ടിപ്പുകൾ മറച്ചുവച്ചകുറ്റത്തിന് വിചാരണ ചെയ്യുകയും ചെയ്തു. കുറച്ചുനാൾ ജയിലിൽ കഴിഞ്ഞ ഡൊമീഷ്യനെ 1980-ലെ വിചാരണയ്ക്കുശേഷം രാഷ്ട്രീയത്തിൽ തിരിച്ചുവരുന്നത് തടഞ്ഞു. എങ്കിലും മുൻകാല രാഷ്ട്രീയ നേതാവ്, വ്യവസായി എന്നീ നിലകളിൽ ഡൊമീഷ്യൻ ഒരു പ്രധാന വ്യക്തിയായി തുടർന്നു.