പ്രധാന മെനു തുറക്കുക

ആറും ഏഴും കേരള നിയമസഭകളിലെ അംഗവും ഏഴാം സഭയിലെ സഹകരണ വകുപ്പു മന്ത്രിയായിരുന്നു[1] എം. കമലം(ജനനം :14 ആഗസ്റ്റ് 1926). വനിതാ കമ്മിഷൻ ചെയർപേഴ്സണായും പ്രവർത്തിച്ചു. കെ പി സി സി ജനറൽ സെക്രട്ടറിയായും വൈസ് പ്രസിഡന്റായും പ്രവർത്തിച്ച അവർ കോൺഗ്രസിലെ പിളർപ്പിനെ തുടർന്ന് കോൺഗ്രസ് (ഒ)-ൽ നിലകൊണ്ടു. ജനതാ പാർട്ടി രൂപീകരിക്കപ്പെട്ടപ്പോൾ അതിന്റെ കോഴിക്കോട് ജില്ലാ ചെയർ പേഴ്സണായും സംസ്ഥാന എക്സിക്യൂട്ടീവ് കമ്മിറ്റി അംഗമായും പ്രവർത്തിച്ചു.

എം. കമലം
M. Kamalam.jpg
എം. കമലം
ജനനം14 ആഗസ്റ്റ് 1926
ദേശീയതഇന്ത്യൻ
തൊഴിൽപൊതുപ്രവർത്തക
പ്രശസ്തിനിയമസഭാ സാമാജിക

1948 മുതൽ 1963 വരെ കോഴിക്കോട് മുനിസിപ്പൽ കൗൺസിൽ അംഗമായി പ്രവർത്തിച്ചു. 1980 ലും 1982 ലും കൽപ്പറ്റ നിയോജക മണ്ടലത്തിൽ നിന്നും കേരള നിയമസഭയിലേക്ക് തിരഞ്ഞെടുക്കപ്പെട്ടു. 24.05.1982 മുതൽ 25.03.1987 വരെ കരുണാകരൻ മന്ത്രിസഭയിൽ സഹകരണ വകുപ്പു മന്ത്രിയായി ചുമതല വഹിച്ചു.

നീണ്ടകാലത്തെ പൊതുജീവിതത്തിൽ ജീവിതത്തിന്റെ നാനാ തുറകളിൽ വിവിധ പദവികൾ വഹിച്ച അവർ വിമോചന സമരകാലത്തും അടിയന്തരാവസ്ഥക്കാലത്തും ജയിൽ വാസം അനുഭവിച്ചിട്ടുണ്ട്.

[2][3]

അവലംബംതിരുത്തുക

"https://ml.wikipedia.org/w/index.php?title=എം._കമലം&oldid=3113146" എന്ന താളിൽനിന്ന് ശേഖരിച്ചത്