മലപ്പുറം ജില്ല
അപരനാമം: കേരളത്തിന്റെ ഫുട്ബോൾ ഈറ്റില്ലം

11°02′N 76°03′E / 11.03°N 76.05°E / 11.03; 76.05
{{{ബാഹ്യ ഭൂപടം}}}
ഭൂമിശാസ്ത്ര പ്രാധാന്യം	ജില്ല
രാജ്യം	ഇന്ത്യ
സംസ്ഥാനം	കേരളം
ആസ്ഥാനം	മലപ്പുറം
ഭരണസ്ഥാപനങ്ങൾ	ജില്ലാ പഞ്ചായത്ത്‌ ജില്ലാ കലക്ട്രേറ്റ്‌
ജില്ലാ പഞ്ചായത്ത്‌ പ്രസിഡൻറ് ജില്ലാ കലക്ടർ	എ.പി.ഉണ്ണികൃഷ്ണൻ^[1] കെ ഗോപാലകൃഷ്ണൻ ഐ എ എസ്
വിസ്തീർണ്ണം	3,550ചതുരശ്ര കിലോമീറ്റർ
ജനസംഖ്യ (2011) പുരുഷൻ‌മാർ സ്ത്രീകൾ സ്ത്രീ പുരുഷ അനുപാതം	41,10,956^[2] 19,61,014 21,49,942 1,096
ജനസാന്ദ്രത	1158/ച.കി.മീ
സാക്ഷരത	93.55%^[3] %
കോഡുകൾ • തപാൽ • ടെലിഫോൺ	6763** ++91 494 , +91 483 , +91 4933
സമയമേഖല	UTC +5:30
പ്രധാന ആകർഷണങ്ങൾ	തുഞ്ചൻപറമ്പ്, കോട്ടകുന്ന്, കടലുണ്ടി പക്ഷി സങ്കേതം

ഇതേ പേരിലുള്ള നഗരത്തിന്, ദയവായി മലപ്പുറം കാണുക.

കേരളത്തിന്റെ വടക്കേ അറ്റത്തു നിന്നും അഞ്ചാമതായി സ്ഥിതി ചെയ്യുന്ന ജില്ലയാണ് മലപ്പുറം. മലപ്പുറം നഗരമാണ് ജില്ലയുടെ ആസ്ഥാനം. ജനസാന്ദ്രതയേറിയ ജില്ലകളിലൊന്നാണിത്. നിലവിൽ കേരളത്തിൽ ഏറ്റവും കൂടുതൽ ഗ്രാമപഞ്ചായത്തുകൾ ഉള്ള ജില്ലയാണ് ഇത്.^[4] 2011-ലെ സെൻസസ് പ്രകാരം 41,10,956 പേർ അധിവസിക്കുന്നു. 3550 ചതുരശ്ര കിലോമീറ്ററാണിതിന്റെ വിസ്തൃതി. 80% ജനങ്ങളും ഗൾഫിനെ ആശ്രയിച്ച് കഴിയുന്നു^{[അവലംബം ആവശ്യമാണ്]}. NB: മലപ്പുറം ജില്ലയുടെ വളർച്ച വേഗത്തിലാണെങ്കിലും , ജനസംഖ്യാനുപാതികമായി അടിസ്ഥാന സൗകര്യങ്ങൾ എത്തിച്ച് വികസനം കൂടുതൽ വേഗത്തിൽ ആക്കാൻ ജില്ലയെ വിഭജിക്കാൻ ശ്രമം നടക്കുന്നുണ്ട്‌,

1969^[5] ജൂൺ 16-നാണ് മലപ്പുറം ജില്ല രൂപീകൃതമായത്. 7 താലൂക്കുകളും 15 ബ്ലോക്ക് പഞ്ചായത്തുകളും 94 ഗ്രാമപഞ്ചായത്തുകളും ജില്ലയിലുണ്ട്^[6]. മലപ്പുറം, മഞ്ചേരി, കൊണ്ടോട്ടി,തിരൂർ, പൊന്നാനി,പെരിന്തൽമണ്ണ, നിലമ്പൂർ, കോട്ടക്കൽ , വളാഞ്ചേരി, താനൂർ, പരപ്പനങ്ങാടി, തിരൂരങ്ങാടി, എന്നിവയാണ് ജില്ലയിലെ 12 നഗരസഭകൾ.

കാലിക്കറ്റ് സർ‌വ്വകലാശാല, തുഞ്ചത്തെഴുത്തച്ഛൻ മലയാളസർവകലാശാല, അലീഗഡ് മുസ്ലിം യൂണിവേഴ്സിറ്റി ഓഫ് കാമ്പസ്, കോഴിക്കോട് അന്താരാഷ്ട്ര വിമാനത്താവളം (കരിപ്പൂർ വിമാനത്താവളം) എന്നിവ മലപ്പുറം ജില്ലയിലാണ് സ്ഥിതിചെയ്യുന്നത്.

.

അതിർത്തികൾതിരുത്തുക

വടക്ക് കോഴിക്കോട്, വയനാട് ജില്ലകൾ, വടക്കു കിഴക്കു വശത്ത് തമിഴ്‌നാട്ടിലെ നീലഗിരി ജില്ല, തെക്കുഭാഗത്തും തെക്കു കിഴക്കു വശത്തുമായി പാലക്കാട് ജില്ല. തെക്കു പടിഞ്ഞാറു വശത്തായി തൃശ്ശൂർ ജില്ല, പടിഞ്ഞാറ് അറബിക്കടൽ ഇവയാണ് മലപ്പുറം ജില്ലയുടെ അതിർത്തികൾ.

മലപ്പുറം ജില്ലയിലെ പൊന്നാനി താലൂക്കിൽ വെളിയംകോട് സ്കൂൾ പടിയിൽ പ്രവർത്തിക്കുന്ന പ്ലാൻറ് വില്ലേജ് ചാരിറ്റബിൾ സൊസൈറ്റി (Plant village charitable society)എന്ന നേച്ചർ ക്ലബ് പ്രവർത്തകർ ഒരു അരയാൽ മരത്തെ ദത്തെടുത്ത് സംരക്ഷിക്കുന്നു.Peepal tree ശാസ്ത്രീയ നാമം Ficus religiosa കുടുംബം Moraceae.

ചരിത്രംതിരുത്തുക

‌മദിരാശി സംസ്ഥാനത്തിലെ പ്രമുഖ ജില്ലയാ‍യിരുന്ന മലബാർ കേരളപ്പിറവിക്കു ശേഷം (1956 നവംബർ 1) കണ്ണൂർ,കോഴിക്കോട്,പാലക്കാട് എന്നീ മൂന്നുജില്ലകളായി വിഭജിക്കപ്പെട്ടു. അതിൽ കോഴിക്കോടു ജില്ലയിലെ ഏറനാട് താലൂക്കും തിരൂർ താലൂക്കും പാലക്കാട് ജില്ലയിലെ പൊന്നാനി, പെരിന്തൽമണ്ണ താലൂക്കിലെ ഭൂരിഭാഗം വരുന്ന പ്രദേശങ്ങളും കൂട്ടിച്ചേർത്തുകൊണ്ടാണ് 1969 ജൂൺ 16ന് ഈ ജില്ല രൂപവത്കരിച്ചത്.

മലബാർ‍ കലാപവും ഖിലാഫത്ത് സമരവും മലപ്പുറത്തിന് ചരിത്ര പ്രാധാന്യം നല്കുന്നു. ബ്രിട്ടീഷുകാരുടെ ആധിപത്യത്തിനും നാട്ടുകാരായ ജന്മികൾക്കും എതിരെയുള്ള കലാപം ഇന്ത്യാചരിത്രത്തിലെ ശ്രദ്ധേയമായ അദ്ധ്യായമാണ്. ഈ പോരാട്ടങ്ങൾ ഇന്ത്യൻ സ്വാതന്ത്ര്യസമരത്തിന്റെ ഭാഗമായാണ് ചരിത്രകാരന്മാർ രേഖപ്പെടുത്തിയിരിക്കുന്നത്. മത സൗഹാർദ്ദത്തിൽ ജീവിക്കുന്ന സുന്ദരമാന് ഈ പ്രദേശം.

ക്രമസമാധാനംതിരുത്തുക

മലപ്പുറം ജില്ല 1969 - ൽ രൂപീകരിച്ച അന്നുമുതൽ തന്നെ ജില്ലാ പോലീസും രൂപപെട്ടിട്ടുണ്ട്. ആദ്യത്തെ ജില്ലാ പോലീസ് സൂപ്രണ്ട് ജെ. പത്മഗിരീശ്വരൻ ഐ.പി.എസ് ആണ്. പെരിന്തൽമണ്ണ, തിരൂർ എന്നീ രണ്ട് സബ് ഡിവിഷനുകളും, മലപ്പുറം, മഞ്ചേരി, നിലമ്പൂർ, തിരൂർ, പൊന്നാനി തുടങ്ങി ആറു സർക്കിളുകളുമാണ് അന്ന് ഉണ്ടായിരുന്നത്.

An old village house in Malappuram District

ജില്ലയിലെ അത്യാഹിത സംവിധാനങ്ങൾതിരുത്തുക

അഗ്നിശമന സേന മലബാർ സ്പെഷ്യൽ പോലിസ്‌- MSP -Para Military Police

മലപ്പുറം ജില്ലയിലെ പോലീസ്‌ സ്റ്റേഷനുകൾതിരുത്തുക

മലപ്പുറം പോലിസ്‌ സ്റ്റേഷൻ, മഞ്ചേരി പോലിസ്‌ സ്റ്റേഷൻ, മങ്കട പോലീസ്‌ സ്റ്റേഷൻ, കൽപകഞ്ചേരി പോലീസ്‌ സ്റ്റേഷൻ, പെരിന്തൽമണ്ണ പോലീസ്‌ സ്റ്റേഷൻ, ചങ്ങരംകുളം പോലീസ്‌ സ്റ്റേഷൻ, വേങ്ങര പോലീസ്‌ സ്റ്റേഷൻ, തിരൂരങ്ങാടി പോലീസ്‌ സ്റ്റേഷൻ, താനൂർ പോലീസ്‌ സ്റ്റേഷൻ, തിരൂർ പോലീസ്‌ സ്റ്റേഷൻ, പൊന്നാനി പോലീസ്‌ സ്റ്റേഷൻ, നിലമ്പൂർ പോലീസ്‌ സ്റ്റേഷൻ, വഴിക്കടവ് പോലീസ്‌ സ്റ്റേഷൻ, കൊണ്ടോട്ടി പോലീസ്‌ സ്റ്റേഷൻ, വാഴക്കാട് പോലീസ്‌ സ്റ്റേഷൻ, വളാഞ്ചേരി പോലീസ്‌ സ്റ്റേഷൻ, കുറ്റിപ്പുറം പോലീസ്‌ സ്റ്റേഷൻ, വണ്ടൂർ പോലീസ്‌ സ്റ്റേഷൻ, കൊളത്തൂർ പോലീസ് സ്റ്റേഷൻ, എടവണ്ണ പോലീസ് സ്റ്റേഷൻ എടക്കര പോലീസ് സ്റ്റേഷൻ, കാളികാവ് പോലീസ് സ്റ്റേഷൻ, കരുവാരകുണ്ട് പോലീസ് സ്റ്റേഷൻ, പൂക്കോട്ടുംപാടം പോലീസ് സ്റ്റേഷൻ പാണ്ടിക്കാട് പോലീസ് സ്റ്റേഷൻ മേലാറ്റൂർ പോലീസ് സ്റ്റേഷൻ പോത്തുകൽ പോലീസ് സ്റ്റേഷൻ എടപ്പാൾ പോലീസ് സ്റ്റേഷൻ അരീകോട്,[[കാടാമ്പുഴ]] പോലീസ് സ്റ്റേഷൻ