മഞ്ജു വാര്യർ
ഈ ലേഖനം ഏതെങ്കിലും സ്രോതസ്സുകളിൽ നിന്നുള്ള വേണ്ടത്ര തെളിവുകൾ ഉൾക്കൊള്ളുന്നില്ല. ദയവായി യോഗ്യങ്ങളായ സ്രോതസ്സുകളിൽ നിന്നുമുള്ള അവലംബങ്ങൾ ചേർത്ത് ലേഖനം മെച്ചപ്പെടുത്തുക. അവലംബമില്ലാത്ത വസ്തുതകൾ ചോദ്യം ചെയ്യപ്പെടുകയും നീക്കപ്പെടുകയും ചെയ്തേക്കാം. |
മലയാള സിനിമയിലെ നായിക നടിയാണ് മഞ്ജു വാര്യർ. സ്കൂൾ വിദ്യാഭാസ കാലഘട്ടത്തിൽ തന്നെ പ്രതിഭ തെളിയിച്ച മഞ്ജു രണ്ട് വർഷം തുടർച്ചയായി കേരള സംസ്ഥാന സ്കൂൾ യുവജനോത്സവത്തിൽ കലാ തിലകം പട്ടം നേടി. സഹോദരൻ മധു വാര്യരും ചലച്ചിത്ര അഭിനേതാവാണ്‌. മഞ്ജുവിന്റെ ഭർത്താവായിരുന്നു സിനിമ നടൻ ദിലീപ്.
മഞ്ജു വാരിയർ | |
|---|---|
 2018ലെ കെ‌എൽ‌എഫിൽ മഞ്ജു വാരിയർ | |
| ജനനം | മഞ്ജു വാര്യർ 10 സെപ്റ്റംബർ 1978 കന്യാകുമാരി ജില്ല, കേരളം, ഇന്ത്യ |
| സജീവ കാലം | 1995–1999, 2014-തുടരുന്നു |
| ജീവിതപങ്കാളി(കൾ) |
|
| കുട്ടികൾ | മീനാക്ഷി |
| വെബ്സൈറ്റ് | http://manjuwarrier.com/ |
ജീവിത രേഖതിരുത്തുക
അഭിനയ ജീവിതംതിരുത്തുക
രണ്ട് വർഷം തുടർച്ചയായി സംസ്ഥാന സ്കൂൾ യുവജനോത്സവത്തിൽ കലാ തിലകം പട്ടം അണിഞ്ഞിട്ടുള്ള മഞ്ജു വാര്യർ 1995-ൽ പുറത്തിറങ്ങിയ സാക്ഷ്യം എന്ന ചലച്ചിത്രത്തിലാണ് ആദ്യമായി അഭിനയിച്ചത്[1]. തന്റെ 18-മത്തെ വയസ്സിൽ സല്ലാപം (1996) എന്ന ചലച്ചിത്രത്തിലെ നായികാ കഥാപത്രം അവതരിപ്പിച്ച് ശ്രദ്ധേയയായി. അതിൽ നായകനായി അഭിനയിച്ചത് ദിലീപ് ആയിരുന്നു. അതിനു ശേഷം ഏകദേശം 20 ഓളം മലയാള സിനിമകളിൽ മൂന്ന് വർഷത്തെ കാലയളവിൽ വ്യക്തിത്വമുള്ള ഒട്ടേറെ നായികാ കഥാപാത്രങ്ങളിലൂടെ മഞ്ജു പ്രേക്ഷകരെയും സഹപ്രവർത്തകരെയും ഒരു പോലെ വിസ്മയിപ്പിച്ചു. ഈ പുഴയും കടന്ന് എന്ന ചിത്രത്തിലെ അഭിനയത്തിന് മഞ്ജുവിന് മികച്ച അഭിനേത്രിക്കുള്ള സംസ്ഥാന ചലച്ചിത്ര അവാർഡ് ലഭിച്ചു. 1999-ൽ കണ്ണെഴുതി പൊട്ടൂം തൊട്ട് എന്ന ചിത്രത്തിലെ അഭിനയത്തിന് ദേശീയ ജൂറിയുടെ പ്രത്യേക പരാമർശവും ലഭിച്ചു. നടൻ ദിലീപുമായിട്ടുള്ള വിവാഹത്തിനു ശേഷം മഞ്ജു വാര്യർ സിനിമ അഭിനയം നിർത്തി. 14 വർഷങ്ങൾക്കു ശേഷം 2012 ഒക്ടോബർ 24-നാണ് മഞ്ജു വാര്യർ വീണ്ടും അരങ്ങിലെത്തിയത്. ഗുരുവായൂർ ക്ഷേത്ര സന്നിധിയിലെ മേൽപ്പത്തൂർ ഓഡിറ്റോറിയത്തിലാണ് അവർ നൃത്തം ചെയ്തത്. മലയാളത്തിൽ വ്യക്തിത്വമുള്ള സ്ത്രീ കഥാപാത്രങ്ങൾ കുറയുമ്പോഴുണ്ടാകുന്ന ചർച്ചകളിൽ എപ്പോഴും മഞ്ജു വാര്യർ എന്ന പേര് ഒന്നാമതായി ഉയർന്നിരുന്നു.[2] 16 വർഷങ്ങൾക്കു ശേഷം 2014-ൽ ഹൗ ഓൾഡ് ആർ യൂ എന്ന ചിത്രത്തിലൂടെ തിരിച്ചു വരവ് നടത്തി. തുടർന്ന് 2015-ൽ എന്നും എപ്പോഴും, റാണി പത്മിനി എന്നീ ചിത്രങ്ങളിലും അവർ അഭിനയിച്ചു.
ചലച്ചിത്രങ്ങൾതിരുത്തുക
പുരസ്കാരങ്ങൾതിരുത്തുക
- 1999 – പ്രത്യേക ജൂറി പരാമർശം – കണ്ണെഴുതി പൊട്ടുംതൊട്ട്
- 1996 – മികച്ച നടി – ഈ പുഴയും കടന്ന്
- 1998 – മികച്ച നടി – കന്മദം
- 1999 – മികച്ച നടി – കണ്ണെഴുതി പൊട്ടുംതൊട്ട്, പത്രം
- ഫിലിംഫെയർ പുരസ്കാരം
- 1996 – മികച്ച നടി (മലയാളം) – ഈ പുഴയും കടന്ന്
- 1998 – മികച്ച നടി (മലയാളം) – കന്മദം
- 1999 – മികച്ച നടി (മലയാളം) – പത്രം
- സ്ക്രീൻ-വീഡിയോകോൺ പുരസ്കാരം
- 1996 – മികച്ച നടി – ഈ പുഴയും കടന്ന്
- 1997 – മികച്ച നടി – ആറാം തമ്പുരാൻ, കൃഷ്ണഗുഡിയിൽ ഒരു പ്രണയകാലത്ത്
- ഫിലിം ഫാൻസ് പുരസ്കാരം
- 1996 – മികച്ച നടി – തൂവൽ കൊട്ടാരം
അവലംബംതിരുത്തുക
- ↑ "സാക്ഷ്യം ഐ.എം.ഡി.ബി. താൾ". ശേഖരിച്ചത് 2010 മേയ് 6. Check date values in:
|accessdate=(help) - ↑ "വീണ്ടും ചിലങ്കൾ കിലുങ്ങുന്നു". മൂലതാളിൽ നിന്നും 2013-03-18-ന് ആർക്കൈവ് ചെയ്തത്. ശേഖരിച്ചത് 2013-04-19.
പുറത്തേക്കുള്ള കണ്ണികൾതിരുത്തുക
- ഇന്റർനെറ്റ് മൂവി ഡാറ്റാബേസിൽ നിന്ന് മഞ്ജു വാര്യർ
വിക്കിമീഡിയ കോമൺസിലെ Manju Warrier എന്ന വർഗ്ഗത്തിൽ ഇതുമായി ബന്ധപ്പെട്ട കൂടുതൽ പ്രമാണങ്ങൾ ലഭ്യമാണ്.