കേരളസംസ്ഥാന ചലച്ചിത്രപുരസ്കാരം 2011
കേരള സർക്കാറിന്റെ 2011-ലെ സംസ്ഥാന ചലച്ചിത്ര അവാർഡുകൾ 2012 ജൂലൈ 19-നു് തിരുവനന്തപുരത്ത് പ്രഖ്യാപിച്ചു. സംസ്ഥാന ചലച്ചിത്ര അക്കാദമിയുടെ മേൽനോട്ടത്തിൽ തമിഴ് നടൻ ഭാഗ്യരാജ് അധ്യക്ഷനായി രൂപീകരിച്ച ജൂറിയുടെ മുൻപാകെ ആകെ നാൽപ്പത് ചിത്രങ്ങളാണ് പ്രദർശിപ്പിച്ചത്. ജൂലൈ 7-നാണ് ഇതിനായുള്ള പ്രദർശനം ആരംഭിച്ചത്. പുതിയ മാർഗ്ഗ നിർദ്ദേശങ്ങൾ പ്രകാരമാണ് 2012-ൽ അവാർഡ് നിർണ്ണയ ജൂറിയെ നിശ്ചയിച്ചിരിക്കുന്നത്. അതിനാൽ എട്ടംഗ ജൂറിയിൽ അധ്യക്ഷൻ ഉൾപ്പെടെ ആറു പേരെങ്കിലും മലയാളം അറിയാവുന്നവർ ആയിരിക്കണമെന്നു നിഷ്കർഷിച്ചിരിക്കുന്നു. ജൂറിയിലെ രണ്ട് പേർ ചലച്ചിത്രസംവിധായകരും ഒരാൾ സാങ്കേതിക വിദഗ്ദ്ധനും രണ്ടുപേർ എഴുത്തുകാരും ആയിരിക്കണമെന്നുതും പുതുക്കിയ നിർദ്ദേശങ്ങളിൽ ഉൾപ്പെടുന്നു[1]. തമിഴ് സംവിധായകൻ ഭാഗ്യരാജ് ചെയർമാനായ ജൂറിയിൽ സംവിധായൻ ബി. അജയൻ, ഡോ. ബി. അരുന്ധതി, കെ.ആർ. മീര, സി.ആർ. ചന്ദ്രൻ, ടി.കെ. ലോറൻസ്, ആര്യാടൻ ഷൗക്കത്ത്, ചലച്ചിത്ര അക്കാദമി മെംബർ സെക്രട്ടറി കെ. മനോജ് കുമാർ എന്നിവരും അംഗങ്ങളായിരുന്നു[2]. മികച്ച ചലച്ചിത്ര ഗ്രന്ഥത്തിനും ചലച്ചിത്രസംബന്ധ ലേഖനത്തിനുമുള്ള അവാർഡ് നിർണയിക്കുന്നതു ഡോ. ജോർജ് ഓണക്കൂർ അധ്യക്ഷനായ സമിതിയാണ്. ഡോ. ടി. അനിതകുമാരി, സിബി കാട്ടാന്പള്ളി, കെ. മനോജ്കുമാർ (മെംബർ സെക്രട്ടറി) എന്നിവരാണു മറ്റു കമ്മിറ്റി അംഗങ്ങൾ.[3]
ജെ.സി. ഡാനിയേൽ പുരസ്കാരം തിരുത്തുക
ചലച്ചിത്രത്തിനു ലഭിച്ച പുരസ്കാരങ്ങൾ തിരുത്തുക
| പുരസ്കാരം | ചലച്ചിത്രം | സംവിധായകൻ |
|---|---|---|
| മികച്ച ചിത്രം | ഇന്ത്യൻ റുപ്പി | രഞ്ജിത്ത് |
| മികച്ച രണ്ടാമത്തെ ചിത്രം | ഇവൻ മേഘരൂപൻ | പി. ബാലചന്ദ്രൻ |
| മികച്ച ജനപ്രിയ ചിത്രം | സോൾട്ട് ആന്റ് പെപ്പർ | ആശിഖ് അബു |
| മികച്ച കുട്ടികളുടെ ചിത്രം | മഴവിൽ നിറവിലൂടെ | രാജേഷ്‌കുമാർ ആർ. |
| മികച്ച ഡോക്യുമെന്ററി | ട്രാവൻകൂർ എ സാഗ ഓഫ് ബനവലൻസ് | ബി. ജയചന്ദ്രൻ |
വ്യക്തിഗത പുരസ്കാരങ്ങൾ തിരുത്തുക
- പ്രത്യേക ജൂറി പുരസ്കാരങ്ങൾ
- സംവിധാനം – ഡോ. ബിജു (ആകാശത്തിന്റെ നിറം)
- അഭിനയം – മാസ്റ്റർ പ്രജിത്ത് (ആദിമധ്യാന്തം)
- ചലച്ചിത്രഗ്രന്ഥം – സി.എസ്. വെങ്കിടേശ്വരൻ (മലയാളസിനിമാ പഠനങ്ങൾ)
അവാർഡ് നിർണയത്തിനായി ജൂറി കണ്ട ചിത്രങ്ങൾ തിരുത്തുക
കഥാചിത്രങ്ങൾ തിരുത്തുക
കഥേതര ചിത്രങ്ങൾ തിരുത്തുക
| നമ്പർ | ചിത്രം | സംവിധായകൻ |
|---|---|---|
| 1 | സ്നേഹപക്ഷികൾ | |
| 2 | ഛായ | |
| 3 | കവിയൂർ രേവമ്മ | |
| 4 | ഏകരൂപം | |
| 5 | വിങ്ങ്സ് ഓഫ് ഫയർ | |
| 6 | ട്രാവൻ കൂർ എ സാഗ ഓഫ് ബനവലൻസ് | ബി. ജയചന്ദ്രൻ |
അവലംബം തിരുത്തുക
- ↑ 1.0 1.1 1.2 "ചലച്ചിത്ര അവാർഡ്: റിലീസ് ചെയ്യാത്ത ചിത്രങ്ങൾ ഏറെ, മനോരമ ഓൺലൈൻ". മൂലതാളിൽ നിന്നും 2012-07-13-ന് ആർക്കൈവ് ചെയ്തത്. ശേഖരിച്ചത് 2012-07-13.
- ↑ "ലാലും അനുപംഖേറും; നറുക്ക് ദിലീപിനു്". മൂലതാളിൽ നിന്നും 2012-07-20-ന് ആർക്കൈവ് ചെയ്തത്. ശേഖരിച്ചത് 2012-07-19.
- ↑ സംസ്ഥാന ചലച്ചിത്ര അവാർഡ് പ്രഖ്യാപനം 20ന്[പ്രവർത്തിക്കാത്ത കണ്ണി]