ഇ.ടി. മുഹമ്മദ് ബഷീർ

പതിനാറാം ലോകസഭയിൽ പൊന്നാനി ലോകസഭാമണ്ഡലത്തെ പ്രതിനിധീകരിക്കുന്ന അംഗമാണ്‌ ഇ.ടി. മുഹമ്മദ് ബഷീർ‍ (ജനനം: ജൂൺ 1, 1946 - ). ഇന്ത്യൻ യൂണിയൻ മുസ്ലിം ലീഗ് അംഗമായ ഇദ്ദേഹം മുസ്ലിം ലീഗ് സംസ്ഥാന ജനറൽ സെക്രട്ടറി, കേരളത്തിലെ മുൻ വിദ്യാഭ്യാസ മന്ത്രി എന്നീ നിലകളിൽ സേവനമനുഷ്ഠിച്ചിട്ടുണ്ട്. 1985 (ഉപതെരഞ്ഞെടുപ്പ് ), 1991, 1996 , 2001 എന്നീ വർഷങ്ങളിൽ കേരള നിയമസഭയിലേക്ക് തെരഞ്ഞെടുക്കപ്പെട്ടിട്ടുണ്ട്.പതിനഞ്ചാം ലോകസഭയിലേക്കുള്ള തെരഞ്ഞെടുപ്പിൽ പൊന്നാനി ലോകസഭാമണ്ഡലത്തിൽ നിന്ന് 82,684 വോട്ടുകളുടെ ഭൂരിപക്ഷത്തോടെ വിജയിച്ചു.

ഇ.ടി. മുഹമ്മദ് ബഷീർ
Member of Indian Parliament
മണ്ഡലം	പൊന്നാനി
വ്യക്തിഗത വിവരണം
ജനനം	(1946-07-01) ജൂലൈ 1, 1946
രാഷ്ട്രീയ പാർട്ടി	ഐ യു എം എൽ
പങ്കാളി	റുക്കിയാ

ലോക്സഭയിലേക്ക് മൂന്നാം തവണ തിരഞ്ഞെടുക്കപ്പെട്ട ഇ ടി അറിയപ്പെടുന്ന വാഗ്മിയും പ്രഗല്ഭനായ പാർലെമെന്റിയനുമാണ് ..

ദേശിയ തലത്തിൽ മുസ്ലിം ലീഗിന്റെ മുഖമായി പ്രവർത്തിക്കുകയും ജാർഖണ്ഡിൽ അടക്കം നിരവധി ഉത്തരേന്ധ്യൻ സംസ്ഥാനങ്ങളിൽ നിരവധി ജീവകാരുണ്യ പ്രവർത്തനങ്ങൾ ഏകോപ്പിക്കുകയും അവശരുടെ അത്താണി എന്ന നിലയിൽ പ്രവർത്തിക്കുകയും ചെയ്യുന്നു ..

2018 മുസ്ലിം ലീഗ് അഖിലേന്ത്യാ ഓർഗനൈസിങ് സെക്രട്ടറിയായി അദ്ദേഹം തിരഞ്ഞെടുക്കപ്പെട്ടു

ജീവിതരേഖ

മലപ്പുറം ജില്ലയിലെ വാഴക്കാട് മപ്രം എരഞ്ഞിക്കൽ തലാപ്പിൽ മൂസ കുട്ടി ഫാത്തിമ ദമ്പതികളുടെ മകനായി 1946 ജൂലൈ ഒന്നിന് ജനനം.

തിരഞ്ഞെടുപ്പുകൾ

തിരഞ്ഞെടുപ്പുകൾ

വർഷം	വിജയിച്ച സ്ഥാനാർത്ഥി	പാർട്ടിയും മുന്നണിയും വോട്ടും	മുഖ്യ എതിരാളി	പാർട്ടിയും മുന്നണിയും വോട്ടും	രണ്ടാമത്തെ മുഖ്യ എതിരാളി	പാർട്ടിയും മുന്നണിയും വോട്ടും
2019	പൊന്നാനി ലോകസഭാമണ്ഡലം	ഇ.ടി. മുഹമ്മദ് ബഷീർ	മുസ്ലീം ലീഗ്, യു.ഡി.എഫ് 521824	പി.വി. അൻവർ	സ്വതന്ത്ര സ്ഥാനാർത്ഥി, എൽ.ഡി.എഫ്. 328551	രമ	ബി.ജെ.പി., എൻ.ഡി.എ. 110603
2014	പൊന്നാനി ലോകസഭാമണ്ഡലം	ഇ.ടി. മുഹമ്മദ് ബഷീർ	മുസ്ലീം ലീഗ്, യു.ഡി.എഫ് 378503	വി. അബ്ദുറഹ്മാൻ	സ്വതന്ത്ര സ്ഥാനാർത്ഥി, എൽ.ഡി.എഫ്. 353093	നാരായണൻ മാസ്റ്റർ	ബി.ജെ.പി., എൻ.ഡി.എ. 75212
2009	പൊന്നാനി ലോകസഭാമണ്ഡലം	ഇ.ടി. മുഹമ്മദ് ബഷീർ	മുസ്ലീം ലീഗ്, യു.ഡി.എഫ് 385801	ഹുസൈൻ രണ്ടത്താണി	സ്വതന്ത്ര സ്ഥാനാർത്ഥി, എൽ.ഡി.എഫ്. 303117	കെ. ജനചന്ദ്രൻ	ബി.ജെ.പി., എൻ.ഡി.എ. 57710