എം.പി. അബ്ദുസമദ് സമദാനി

ഇന്ത്യയിലെ ഒരു രാഷ്ട്രീയ പ്രവർത്തകൻ
ഡോ.എം.പി.അബ്ദുസ്സമദ് സമദാനി
Mp abdussamad samadani.jpg
Member of Parliament
ഔദ്യോഗിക കാലം
2021 may
വ്യക്തിഗത വിവരണം
ജനനം (1959-01-01) 1 ജനുവരി 1959  (62 വയസ്സ്)
Kottakkal, India
രാഷ്ട്രീയ പാർട്ടിIndian Union Muslim League
വസതിKottakkal, Malappuram

ജീവിതരേഖതിരുത്തുക

1959 ജനുവരി 1ൽ മലപ്പുറം ജില്ലയിലെ കോട്ടക്കലിൽ ജനനം. പിതാവ് ജ്ഞാനിയും ബഹുഭാഷാപണ്ഡിതനുമായിരുന്ന എം.പി. അബ്ദുൽ ഹമീദ് ഹൈദരി. മാതാവ് ശൈഖ് സൈനുദ്ദീൻ മഖ്ദൂമിന്റെ കുടുംബ പരമ്പരയിൽ പെട്ട ഒറ്റകത്ത് സൈനബ്. ചിന്തകൻ, വാഗ്മി, എഴുത്തുകാരൻ, പൊതുപ്രവർത്തകൻ. സാമൂഹിക, രാഷ്ട്രീയ, സാംസ്കാരിക, കലാ, സാഹിത്യ മേഖലകളിലെ പ്രവർത്തനങ്ങളിലൂടെ പൊതുരംഗത്ത് സജീവം. സാമൂഹികസൗഹൃദത്തിന്റേയും സമുദായമൈത്രിയുടെയും ബഹുസ്വരതയുടെയും മാനവികതയുടെയും പരിപോഷണം മുഖ്യ കർമ്മമണ്ഡലം. ഇംഗ്ലീഷ്, അറബി, സംസ്കൃതം, ഹിന്ദി, ഉർദു, പേർഷ്യൻ ഭാഷകളിൽ പ്രാവിണ്യം. ഒന്നാം റാങ്കോടെ ബി.ഏയും രണ്ടാം റാങ്കോടെ എം.ഏയും. എം. ഫിൽ,എൽ.എൽ.ബിയും,ജെ.എൻ.യുവിൽ നിന്നും ഫിലോസഫിയിൽ പി.എച്ച്.ഡിയും നേടി.[1] രണ്ടു തവണ പാർലമെൻറംഗം ( രാജ്യസഭ: 1994- 2000, 2000-2006). നിയമസഭയിലും അംഗമായിരുന്നു (കോട്ടക്കൽ മണ്ഡലം: 2011- 2016). ഉന്നത വിദ്യാഭ്യാസത്തിനായുള്ള പാർലമെന്റി ഉപസമിതിയുടെ കൺവീനറായും കേന്ദ്ര സർക്കാറിന്റെ വിദ്യാഭ്യാസ ഉപദേശക സമിതി അംഗമായും നോമിനേറ്റ് ചെയ്യപ്പെട്ടു. സൗദി അറേബിയയിലേക്കും ഈജിപ്ത്, സിറിയ, ജോർദ്ദാൻ എന്നീ രാജ്യങ്ങളിലേക്കുമായി കേന്ദ്ര സർക്കാർ നിയോഗിച്ച ഔദ്യോഗിക പ്രതിനിധി സംഘങ്ങളിൽ അംഗമായിരുന്നു.[2] കേരള സാഹിത്യ അക്കാദമിയിലും കേരള കലാ മണ്ഡലത്തിലും അംഗത്വം വഹിച്ചു.[1] എം.എസ്.എഫിന്റെ സംസ്ഥാന സമിതി അംഗം, മുസ്ലിം യൂത്ത് ലീഗ് മലപ്പുറം ജില്ലാ ട്രഷറർ എന്നീ സ്ഥാനങ്ങൾ വഹിച്ചു. ഫാറുഖ് കോളേജ്,വളാഞ്ചേരിയിലെ മർകസുത്തർബിയത്തിൽ ഇസ്ലാമിയ്യ എന്നിവിടങ്ങളിൽ കുറച്ച് നാൾ അദ്ധ്യാപകനായി ജോലി ചെയ്തു. ഇമ്മാനുവൽ കാന്റിന്റെയും മുഹമ്മദ് ഇഖ്ബാലിന്റെയും ദർശനങ്ങളെ കുറിച്ചുള്ള താരതമ്യപഠനത്തിന്‌ കാലിക്കറ്റ് സർവ്വകലാശാലയിൽ നിന്ന് എം.ഫിൽ കരസ്ഥമാക്കി.ന്യൂഡൽഹി ജവഹർലാൽ നെഹ്റു സർവകലാശാലയിൽനിന്ന് ഫിലോസഫിയിൽ ഡോക്ടറേറ്റും നേടി. 1994 മെയിൽ ഗുരുവായൂർ ഉപതെരഞ്ഞെടുപ്പിൽ പി.ടി. കുഞ്ഞഹമ്മദുമായി മത്സരിച്ചു പരാജയപെട്ടു. [3]

നിയമ നിർമാണ സഭകളിൽതിരുത്തുക

രണ്ടു തവണ പാർലമെൻറംഗം ( രാജ്യസഭ: 1994- 2000, 2000-2006). നിയമസഭയിലും അംഗമായിരുന്നു (കോട്ടക്കൽ മണ്ഡലം: 2011- 2016). ഉന്നത വിദ്യാഭ്യാസത്തിനായുള്ള പാർലമെൻ്ററി ഉപസമിതിയുടെ കൺവീനറായും കേന്ദ്ര സർക്കാറിൻ്റെ വിദ്യാഭ്യാസ ഉപദേശക സമിതി അംഗമായും നോമിനേറ്റ് ചെയ്യപ്പെട്ടു. സഊദി അറേബിയയിലേക്കും ഈജിപ്ത്, സിറിയ, ജോർദ്ദാൻ എന്നീ രാജ്യങ്ങളിലേക്കുമായി കേന്ദ്ര സർക്കാർ നിയോഗിച്ച ഔദ്യോഗിക പ്രതിനിധി സംഘങ്ങളിൽ അംഗമായിരുന്നു. പതിനേഴാം ലോക്സഭാംഗമായിരുന്ന പി.കെ. കുഞ്ഞാലിക്കുട്ടി രാജിവച്ചതിനേത്തുടർന്ന് 2021 ഏപ്രിൽ 6ന് മലപ്പുറം ലോക്സഭാ മണ്ഡലത്തിൽ നടന്ന ഉപതിരഞ്ഞെടുപ്പിൽ വിജയിച്ച് പതിനേഴാം ലോക്സഭയിലംഗമായി[4].

പ്രഭാഷകൻതിരുത്തുക

പ്രഭാഷകനെന്ന നിലയിൽ മലയാളികൾക്ക് സുപരിചിതനായ എം പി അബ്ദുസമദ് സമദാനി ഭാഷാസൗന്ദര്യവും വാഗ്മികതയുടെ സ്വതസ്സിദ്ധമായ രീതിവിശേഷങ്ങളും കൊണ്ട് മലയാളത്തിലെ കിടയറ്റ പ്രഭാഷകരുടെ ശ്രേണിയിലും ജനഹൃദയത്തിലും ഒരുപോലെ സ്ഥാനം നേടി[അവലംബം ആവശ്യമാണ്].

'മദീനയിലേക്കുള്ള പാത' എന്ന സമദാനിയുടെ വാർഷികപ്രഭാഷണം കോഴിക്കോട് കടപ്പുറത്ത് ജനലക്ഷങ്ങളുടെ സാന്നിധ്യംകൊണ്ട് ശ്രദ്ധേയമാവുകയുണ്ടായി.[അവലംബം ആവശ്യമാണ്] സാമൂഹിക, സാംസ്ക്കാരിക, കല-സാഹിത്യ, ശാസ്ത്ര സംബന്ധിയായ വിവിധ വിഷയങ്ങളെ പുരസ്ക്കരിച്ചു നടത്തുന്ന ഈ പ്രഭാഷണങ്ങളുടെ വേദിയിൽ എം ടി വാസുദേവൻ നായർ അടക്കമുള്ള മലയാളത്തിൻറെ പ്രമുഖ വ്യക്തിത്വങ്ങൾ മുഖ്യാതിഥികളായി പങ്കെടുക്കുകയുണ്ടായി.ശ്രീ എം ടി വാസുദേവൻ നായർ വശ്യവചസ്സ് എന്നാണ് സമദാനിയെ വിശേഷിപ്പിച്ചിട്ടുള്ളത്.[2]

അവഗണിക്കപ്പെടുന്ന മാതൃത്വത്തെ മനുഷ്യഹൃദയങ്ങളിലേക്ക് വീണ്ടെടുക്കാൻ സമൂഹത്തെ സജ്ജമാക്കിയ സമദാനിയുടെ നാട്ടിക കടപ്പുറത്തെ സുപ്രസിദ്ധമായ പ്രഭാഷണം ഇതിനകം സാമൂഹിക മാധ്യമങ്ങളിലൂടെ അസംഖ്യംപേരാണ് ശ്രവിച്ചുകൊണ്ടിരിക്കുന്നത്.[അവലംബം ആവശ്യമാണ്] 'അമ്മ പ്രസംഗം' എന്ന പേരിൽ ഏറെ വിശ്രുതമായിത്തീർന്ന ഈ പ്രഭാഷണം നടന്നുകൊണ്ടിരിക്കുമ്പോൾ തന്നെ വേദിയിലുണ്ടായിരുന്ന പ്രശസ്ത നടൻ മോഹൻലാൽ അടക്കമുള്ള പ്രശസ്ത വ്യക്തികൾ കണ്ണുനീർതൂകിയത് മാധ്യമങ്ങൾ റിപ്പോർട്ട്‌ ചെയ്തിരുന്നു.[അവലംബം ആവശ്യമാണ്]

കേരളത്തിലെ സുപ്രധാനമായ സാംസ്കാരിക വേദികളിലെ പ്രശസ്ത പ്രഭാഷകൻ എന്നതോടൊപ്പം ഇന്ത്യയിലെ രാഷ്ട്രീയ, സാംസ്കാരിക മേഖലകളിലെ നിരവധി പ്രമുഖരുടെ പ്രസംഗ പരിഭാഷകനുമായി. ഡോ: മൻമോഹൻസിംഗ്‌,സോണിയാഗാന്ധി, രാഹുൽഗാന്ധി, ഫാറൂഖ് അബ്ദുല്ല, ഗുലാം നബി ആസാദ്, കപിൽ സിബൽ, മണിശങ്കർ അയ്യർ, മുലായം സിംഗ് യാദവ്, നിധീഷ് കുമാർ, ഡോ. കരൺ സിംഗ്, ഗുൽസാർ, രാജ് ബബ്ബർ തുടങ്ങിയവരും പരേതരായ മൗലാനാ അബുൽ ഹസൻ അലി നദ് വി, ഇബ്രാഹിം സുലൈമാൻ സേട്ട്, ഗുലാം മഹ്മൂദ് ബനാത്ത് വാല, അർജുൻസിംഗ്‌, കുൽദീപ് നയാർ, പണ്ഡിറ്റ് ജസ് രാജ്, അലി സർദാർ ജാഫ്റി, പത്മശ്രീ ഷംസു റഹ് മാൻ ഫാറൂഖി എന്നിവരും അടങ്ങുന്ന വിശിഷ്ട വ്യക്തികളുടെ പ്രഭാഷണങ്ങൾ മൊഴിമാറ്റം ചെയ്തിട്ടുണ്ട്.

ബാല്യകാലംതൊട്ടെ പ്രസംഗവേദികളിൽ ശോഭിച്ച് തുടങ്ങിയ സമദാനിക്ക് പ്രഭാഷണകലയിൽ നിരവധി പുരസ്‌ക്കാരങ്ങൾ ലഭിച്ചിട്ടുണ്ട്[അവലംബം ആവശ്യമാണ്].

കലാ-സാംസ്കാരികംതിരുത്തുക

കേരള സാഹിത്യ അക്കാദമിയിലും കേരള കലാ മണ്ഡലത്തിലും അംഗത്വം വഹിച്ചു.സാംസ്കാരിക പ്രവർത്തനങ്ങൾക്കുള്ള വൈക്കം മുഹമ്മദ് ബഷീർ അവാർഡ്, മതേതരത്വത്തിനുള്ള മുഹമ്മദ് അബ്ദുറഹ്മാൻ സാഹിബ് അവാർഡ്, സമുദായ സൗഹാർദ്ദത്തിനായുള്ള കെ. എം. സീതി സാഹിബ് അവാർഡ്, കെ. കെ. രാഹുലൻ അവാർഡ്, മികച്ച പത്രലേഖനത്തിനുള്ള സി. എച്ച്. മുഹമ്മദ് കോയാ അവാർഡ്, സമുദായമൈത്രിക്കുള്ള സയ്യിദ് മുഹമ്മദലി ശിഹാബ് തങ്ങൾ അവാർഡ്, ഇൻ്റർനാഷനൽ ഗുരുകുലം യോഗ ഭവൻ്റെ ഇൻ്റർ ഫെയ്ത്ത് ലീഡർഷിപ്പ് അവാർഡ്, കെ. പി. സി. സി. മൈനോറിറ്റി ഡിപ്പാർട്ട്മെൻ്റിൻ്റെ മൗലാനാ ആസാദ് അവാർഡ് എന്നീ പുരസ്കാരങ്ങൾ നേടുകയും കോഴിക്കോട് രേവതി പട്ടത്താനത്തിൽ സാമൂതിരി പി. കെ. ഏട്ടനുണ്ണി രാജയിൽ നിന്ന് ആദരം ഏറ്റുവാങ്ങുകയും ചെയ്തു.

രചയിതാവ്തിരുത്തുക

മികച്ച സാഹിത്യ രചനക്കുള്ള എസ്. കെ. പൊറ്റെക്കാട്ട് അവാർഡ് ('ഭാരതീയഗീതം' എന്ന കൃതിക്ക്)

പദവികൾതിരുത്തുക

  • പാർലമെന്റ് അംഗമായിരിക്കെ ഇദംപ്രഥമായി രൂപീകൃതമായ ഉന്നതവിദ്യഭ്യാസ പാർലമെന്ററി ഉപസമിതിയുടെ കൺവീനറായി രണ്ടുതവണ പ്രവർത്തിച്ചു.
  • കേന്ദ്ര സർക്കാറിന്റെ വിദ്യാഭ്യാസ ഉപദേശക സമിതി, മൂല്യാധിഷ്ഠിത വിദ്യാഭ്യാസത്തിനുള്ള പാർലമെന്ററി ഉപസമിതി എന്നിവയിലും അംഗമായിരുന്നു.
  • കേരള സാഹിത്യ അക്കാദമിയിലും കേരള കലാമണ്ഡലത്തിലും അംഗമായി പ്രവർത്തിച്ചു. 
  • ഡയറക്ടർ , ഇൻഡ്യൻനസ് അക്കാദമി
  • ചെയർമാൻ,ഡോക്ടർ സുകുമാർ അഴീക്കോട് ഫൗണ്ടേഷൻ
  • പ്രസിഡന്റ്, അൻഞ്ചുമൻ തർഖി-ഏ ഉറുദു കേരള ശാഖാ
  • മുഖ്യ രക്ഷാധികാരി, കേരള സംസ്‌കൃത പ്രചാര സമിതി
  • സീനിയർ വൈസ് പ്രസിഡന്റ് , ഇന്ത്യൻ യൂണിയൻ മുസ്‌ലിം ലീഗ്

രാജ്യസഭ കാലഘട്ടംതിരുത്തുക

  • 2000-2006 : മുസ്ലീം ലീഗ്, യു.ഡി.എഫ്.
  • 1996-2000 : മുസ്ലീം ലീഗ്, യു.ഡി.എഫ്.

അവലംബംതിരുത്തുക

  1. 1.0 1.1 "Members - Kerala Legislature". ശേഖരിച്ചത് 2021-05-27.
  2. 2.0 2.1 "സമദാനി; ഒരു വാഗ്മിയുടെ നിശ്ശബ്‍ദ വിജയം!". ശേഖരിച്ചത് 2021-05-27.
  3. ഇസ്ലാമിക വിജ്ഞാനകോശം രണ്ടാം വാള്യം-ഇസ്ലാമിക് പബ്ലിഷിംഗ് ഹൗസ്, കോഴിക്കോട്.
  4. "IUML's Abdussamad Samadani wins Malappuram bye-election" (ഭാഷ: ഇംഗ്ലീഷ്). 2021-05-03. ശേഖരിച്ചത് 2021-05-27.


പുറത്തേക്കുള്ള കണ്ണികൾതിരുത്തുക

പതിനേഴാം ലോകസഭയിൽ കേരളത്തിൽ നിന്നുള്ള അംഗങ്ങൾ  
രാജ്‌മോഹൻ ഉണ്ണിത്താൻ | കെ. സുധാകരൻ | കെ. മുരളീധരൻ | രാഹുൽ ഗാന്ധി | എം.കെ. രാഘവൻ | പി.കെ. കുഞ്ഞാലിക്കുട്ടി | എം.പി. അബ്ദുസമദ് സമദാനി | ഇ.ടി. മുഹമ്മദ് ബഷീർ | വി.കെ. ശ്രീകണ്ഠൻ | രമ്യ ഹരിദാസ് | ടി.എൻ. പ്രതാപൻ | ബെന്നി ബെഹനാൻ | ഹൈബി ഈഡൻ| ഡീൻ കുര്യാക്കോസ് | തോമസ് ചാഴിക്കാടൻ | എ.എം. ആരിഫ് | കൊടിക്കുന്നിൽ സുരേഷ് | ആന്റോ ആന്റണി | എൻ.കെ. പ്രേമചന്ദ്രൻ | അടൂർ പ്രകാശ് | ശശി തരൂർ
"https://ml.wikipedia.org/w/index.php?title=എം.പി._അബ്ദുസമദ്_സമദാനി&oldid=3671729" എന്ന താളിൽനിന്ന് ശേഖരിച്ചത്