വി.കെ. ശ്രീകണ്ഠൻ

കേരളത്തിലെ പാലക്കാട് ജില്ലയിലെ ഇന്ത്യൻ നാഷണൽ കോൺഗ്രസ് പാർട്ടിയുടെ ഒരു നേതാവാണ് വി.കെ. ശ്രീകണ്ഠൻ. 2019 ലെ ലോക്സഭാ തെരഞ്ഞെടുപ്പിൽ പാലക്കാട് മണ്ഡലത്തിലെ ഐക്യ ജനാധിപത്യ മുന്നണിയുടെ  സ്ഥാനാർത്ഥിയായി സിറ്റിംഗ് എം പി എം ബി രാജേഷിനെതിരെ   മത്സരിച്ച് വിജയിച്ചു. .

വി.കെ. ശ്രീകണ്ഠൻ
ജനനം	ഷൊർണൂർ, പാലക്കാട് ജില്ല,കേരളം, ഇന്ത്യ
ദേശീയത	ഇന്ത്യ
ജീവിതപങ്കാളി(കൾ)	പ്രഫ. കെ.എ. തുളസി
മാതാപിതാക്ക(ൾ)	എം.കൊച്ചുകൃഷ്ണൻ നായർ ,വി.കാർത്യായനി അമ്മ
വെബ്സൈറ്റ്	www.sreekandan.com

ജീവിത രേഖ

വിദ്യാർത്ഥി പ്രസ്ഥാനമായ കെ.എസ്.യു വിലൂടെയാണ് രാഷ്ട്രീയ പ്രവർത്തനം ആരംഭിച്ചത്. 1993-ൽ കെ.എസ്.യു സംസ്ഥാന വൈസ് പ്രസിഡന്റായി.മീറത്തിലെ ശോഭിത് സർവകലാശാലയിൽ നിന്നും BA ഹിസ്റ്ററി ബിരുദം നേടി.2012 മുതൽ കെ.പി.സി.സി സെക്രട്ടറിയായ വി.കെ. ശ്രീകണ്ഠൻ ജില്ലയിലെ കോൺഗ്രസ് പ്രസ്ഥാനത്തിന്റെ അമരക്കാരനാകുന്നത് ദീർഘമായ സംഘടനാ പ്രവർത്തന പരിചയത്തിന്റെ പിൻബലത്തിലാണ്. സംഘടനാ പ്രവർത്തകൻ എന്നതിനപ്പുറം പാലക്കാട്ടെയും പ്രത്യേകിച്ച് സ്വദേശമായ ഷൊർണൂരിലെയും ജനകീയ പ്രശ്നങ്ങളിൽ സജീവ സാന്നിദ്ധ്യമാണ് വി.കെ. ശ്രീകണ്ഠൻ. 2000 മുതൽ ഷൊർണൂർ മുനിസിപ്പാലിയിറ്റിയിലെ കോൺഗ്രസ് അംഗം. 2005, 2010, 2015 വർഷങ്ങളിൽ തുടർച്ചയായി ഷൊർണൂർ മുനിസിപ്പാലിറ്റിയിലേക്ക് മത്സരിച്ച് ജയിച്ചു. നിലവിൽ ഷൊർണൂർ മുനിസിപ്പാലിറ്റി പ്രതിപക്ഷ നേതാവ്. കാലിക്കറ്റ് യൂണിവേഴ്സിറ്റി സെനറ്റ് അംഗമായും കാർഷിക സർവ്വകലാശാല ജനറൽ കൗൺസിൽ അംഗമായും പ്രവത്തിച്ചിട്ടുണ്ട്. 2011ൽ ഒറ്റപ്പാലത്ത് നിന്ന് കോൺഗ്രസ് സ്ഥാനാർഥിയായി നിയമസഭയിലേക്ക് മത്സരിച്ചു  എങ്കിലും പരാജയപ്പെട്ടു. ചേലക്കര മണ്ഡലത്തിൽ നിന്ന് നിയമസഭയിലേക്ക് മത്സരിച്ചിട്ടുള്ള മുൻ വനിതാ കമ്മിഷൻ അംഗം കൂടിയായ പ്രഫ. കെ.എ. തുളസിയാണ് ഭാര്യ. എം.കൊച്ചുകൃഷ്ണൻ നായർ, വി. കാർത്യായനി അമ്മ എന്നിവരാണ് മാതാപിതാക്കൾ. രാഗിണി ഏക സഹോദരി ആണ്.. എംപി എന്ന നിലയിൽ പാലക്കാട് ടൗൺ റെ യിൽ പിറ്റ് ലൈൻ,മലബാറിലേക്ക് 5000കോടിയുടെ ആറുവരി ഗ്രീൻ ഫീൽഡ് ഹൈവേ, അട്ടപ്പാടി ആദിവാസി ഊരു വികസനം, മണ്ണാർക്കാട് kendeeeyavidyalaya , കഞ്ചിക്കോ കോച്ച് നിർമാണ ഫാക്റ്ററി,കിസാൻ ഫുഡ്park,. പാലക്കാട് എയർപോർട്ട് , ഡിഫൻസ് അക്കാദമി, ഒരു ലക്ഷം കോടിയുടെ

കൊച്ചി-കഞ്ചിക്കോട്-Banglore വ്യവസായ ഇടനാഴി,      പുതിയ  Ksrtc ടെർമിനൽ,  ഗവ . ആശുപത്രികളുടെവികസനം- സോളാർ ഇലക്ട്രിസിറ്റിപാർക്ക് , നിള നദി സംരക്ഷണം എന്നീ വിവിധ പദ്ധതികൾ നടപ്പിലാക്കുന്നു..

നേട്ടങ്ങൾ

• 1983 - കെ‌എസ്‌യു യൂണിറ്റ് പ്രസിഡന്റ് (ഗവൺമെന്റ് ഹൈസ്‌കൂൾ, ഷോർനൂർ)

• 1986 - കെ‌എസ്‌യു താലൂക്ക് സെക്രട്ടറി, ഒറ്റപ്പാലം

• 1988 - കെ‌എസ്‌യു താലൂക്ക് പ്രസിഡന്റ്, ഒറ്റപ്പാലം    

• 1990 - കെ‌എസ്‌യു ജില്ലാ ജനറൽ സെക്രട്ടറി, പാലക്കാട്

• 1993 - കെ‌എസ്‌യു സംസ്ഥാന വൈസ് പ്രസിഡന്റ്, കേരളം
• 2000 - ഷൊർണ്ണൂർ മുൻസിപ്പൽ കൗൺസിലറായി തിരഞ്ഞെടുക്കപ്പെട്ടു
• 2003 - ജനറൽ സെക്രട്ടറി - യൂത്ത് കോൺഗ്രസ് അഖിലേന്ത്യാ കമ്മിറ്റി
• 2005 - കൗൺസിലർ - ഷൊർണ്ണൂർ മുനിസിപ്പാലിറ്റി  
• 2006 - എക്സിക്യൂട്ടീവ് അംഗം കേരള പ്രദേശ് കോൺഗ്രസ് കമ്മിറ്റി
• 2010 - ഷൊർണ്ണൂർമൻസിപാലിറ്റി എന്ന മുൻസിപൽ കൗൺസിലറായി തിരഞ്ഞെടുക്കപ്പെട്ടു
• 2011 - ഒറ്റപ്പാലം നിയമസഭയിൽ യുഡിഎഫ് സ്ഥാനാർത്ഥിയായി മത്സരം
• 2012 - കെപിസിസി സെക്രട്ടറി  
• 2013 - സെനറ്റ് അംഗമായി കാലിക്കട്ട് സർവകലാശാലയിൽ തിരഞ്ഞെടുക്കപ്പെട്ടു
• 2014 - ജനറൽ കൗൺസിൽ അംഗം - കേരള കാർഷിക സർവകലാശാല
• 2016 - പാലക്കാട് ജില്ലാ കോൺഗ്രസ് കമ്മിറ്റി പ്രസിഡന്റായി നിയമിതനായി-(ഡിസംബർ 14)
• 2019 - പാലക്കാട് ലോകസഭാമണ്ഡലം എം.പി

തിരഞ്ഞെടുപ്പുകൾ

വർഷം	മണ്ഡലം	വിജയിച്ച സ്ഥാനാർത്ഥി	പാർട്ടിയും മുന്നണിയും വോട്ടും	മുഖ്യ എതിരാളി	പാർട്ടിയും മുന്നണിയും വോട്ടും	രണ്ടാമത്തെ മുഖ്യ എതിരാളി	പാർട്ടിയും മുന്നണിയും വോട്ടും
2019	പാലക്കാട് ലോകസഭാമണ്ഡലം	വി.കെ. ശ്രീകണ്ഠൻ	കോൺഗ്രസ് (ഐ.), യു.ഡി.എഫ്.	എം.ബി. രാജേഷ്	സി.പി.എം., എൽ.ഡി.എഫ്	സി. കൃഷ്ണകുമാർ	ബി.ജെ.പി., എൻ.ഡി.എ.