കൊടിക്കുന്നിൽ സുരേഷ്

2009 മുതൽ മാവേലിക്കരയിൽ നിന്നുള്ള ലോക്സഭാംഗവും മുൻ കേന്ദ്രമന്ത്രിയും 2018 മുതൽ കെ.പി.സി.സിയുടെ വർക്കിംഗ് വൈസ് പ്രസിഡൻറുമായ കേരളത്തിൽ നിന്നുള്ള കോൺഗ്രസ് നേതാവാണ് കൊടിക്കുന്നിൽ സുരേഷ് (ജനനം:04 ജൂൺ 1962)

കൊടിക്കുന്നിൽ സുരേഷ്
കൊടിക്കുന്നിൽ സുരേഷ്
ലോക്സഭ MP
In office
പദവിയിൽ വന്നത് 2009,2014, 2019-തുടരുന്നു
മണ്ഡലം	മാവേലിക്കര
വ്യക്തിഗത വിവരങ്ങൾ
ജനനം	04/06/1962 കൊടിക്കുന്നിൽ, തിരുവനന്തപുരം ജില്ല
രാഷ്ട്രീയ കക്ഷി	ഇന്ത്യൻ നാഷണൽ കോൺഗ്രസ്
പങ്കാളി(കൾ)	ബിന്ദു സുരേഷ്
കുട്ടികൾ	ഒരു പുത്രൻ
As of 9'th February, 2021 ഉറവിടം: [ലോക്സഭ]

ജീവിത രേഖ

തിരുവനന്തപുരം ജില്ലയിലെ കൊടിക്കുന്നിൽ കുഞ്ഞൻ്റേയും തങ്കമ്മയുടേയും മകനായി 1962 ജൂൺ നാലിന് ജനിച്ചു. പ്രാഥമിക വിദ്യാഭ്യാസത്തിനു ശേഷം ഗവ.ലോ കോളേജിൽ നിന്ന് നിയമബിരുദം നേടി

രാഷ്ട്രീയ ജീവിതം

കോൺഗ്രസിൻ്റെ വിദ്യാർത്ഥി സംഘടനയായ കെ.എസ്.യുവിലൂടെ പൊതുരംഗത്ത്.

പ്രധാന പദവികൾ

• 1983-1997 സംസ്ഥാന വൈസ് പ്രസിഡൻറ്, കെ.എസ്.യു
• 1987-1990 സംസ്ഥാന ജനറൽ സെക്രട്ടറി, കെ.എസ്.യു
• 1989-1991, 1991-1996, 1996-1998, 1999-2004 ലോക്സഭാംഗം, അടൂർ
• 1996 ജനറൽ സെക്രട്ടറി, അഖിലേന്ത്യ യൂത്ത് കോൺഗ്രസ്, കെ.പി.സി.സി. & എ.ഐ.സി.സി അംഗം,
• 2012-2014 കേന്ദ്ര മന്ത്രി
• 2009-2014, 2014-2019, 2019-തുടരുന്നു ലോക്സഭാംഗം, മാവേലിക്കര
• 2018 മുതൽ കെ.പി.സി.സി. വർക്കിംഗ് വൈസ് പ്രസിഡൻറ്
• 1998-ലും 2004-ലും നടന്ന ലോക്സഭ തിരഞ്ഞെടുപ്പുകളിൽ അടൂരിൽ നിന്ന് മത്സരിച്ചെങ്കിലും സി.പി.ഐയിലെ ചെങ്ങറ സുരേന്ദ്ര നോട് പരാജയപ്പെട്ടു.

മുൻകേന്ദ്ര തൊഴിൽ സഹമന്ത്രിയും, പതിനേഴാം ലോകസഭയിൽ മാവേലിക്കര ലോകസഭാമണ്ഡലത്തെ പ്രതിനിധീകരിക്കുന്ന അംഗവുമാണ്‌. ഏഴു തവണ ലോക്‌സഭാംഗമായി. ഇന്ത്യൻ നാഷണൽ കോൺഗ്രസ് അംഗമായ ഇദ്ദേഹം എ.ഐ.സി.സി അംഗമാണ് . 1989 മുതൽ 1998 വരെയും 2009 മുതൽ തുടർച്ചയായും ലോക്സഭയിൽ അംഗമാണ്..

മാവേലിക്കര സംവരണ മണ്ഡലത്തിൽ നിന്നു വിജയിച്ച കൊടിക്കുന്നിലിനെ പട്ടികജാതിക്കാരനായി കണക്കാക്കാനാവില്ലെന്ന് കണ്ടെത്തി കേരള ഹൈക്കോടതി വിധി പുറപ്പെടുവിച്ചിരുന്നു. തുടർന്ന് 2011 മേയ് 12-ന് സുപ്രീം കോടതി ഈ വിധി അസാധുവാക്കി.

2012 ഒക്ടോബർ 28-ന് നടന്ന രണ്ടാം മൻമോഹൻ സിംഗ് മന്ത്രിസഭാ പുനഃസംഘടനയിൽ കേന്ദ്ര തൊഴിൽ വകുപ്പ് സഹമന്ത്രിയായി സ്ഥാനമേറ്റു. 2014-ലെ ലോക്സഭാ തിരഞ്ഞെടുപ്പിൽ കോൺഗ്രസ് പരാജയപ്പെടുന്നത് വരെ സുരേഷ് മന്ത്രിയായി തുടർന്നു..

തിരഞ്ഞെടുപ്പുകൾ

തിരഞ്ഞെടുപ്പുകൾ

വർഷം	മണ്ഡലം	വിജയിച്ച സ്ഥാനാർത്ഥി	പാർട്ടിയും മുന്നണിയും	മുഖ്യ എതിരാളി	പാർട്ടിയും മുന്നണിയും	രണ്ടാമത്തെ മുഖ്യ എതിരാളി	പാർട്ടിയും മുന്നണിയും
2014	മാവേലിക്കര ലോകസഭാമണ്ഡലം	കൊടിക്കുന്നിൽ സുരേഷ്	കോൺഗ്രസ് (ഐ.), യു.ഡി.എഫ്	ചെങ്ങറ സുരേന്ദ്രൻ	സി.പി.ഐ., എൽ.ഡി.എഫ്.	പി. സുധീർ	ബി.ജെ.പി., എൻ.ഡി.എ.
2009	മാവേലിക്കര ലോകസഭാമണ്ഡലം	കൊടിക്കുന്നിൽ സുരേഷ്	കോൺഗ്രസ് (ഐ.), യു.ഡി.എഫ്	ആർ.എസ്. അനിൽ	സി.പി.ഐ., എൽ.ഡി.എഫ്.	പി.എം. വേലായുധൻ	ബി.ജെ.പി., എൻ.ഡി.എ.