വിക്കിപീഡിയ

കെ.വി. തോമസ്

കേരളത്തിലെ രാഷ്ട്രീയ പ്രവർത്തകൻ

അധ്യാപകനും, മുൻ കേന്ദ്രമന്ത്രിയും കേരളത്തിൽ നിന്നുള്ള കോൺഗ്രസ് പാർട്ടിയുടെ നേതാവുമാണ്. കുറുപ്പശ്ശേരി വർക്കി തോമസ് അഥവാ കെ.വി. തോമസ് (ജനനം: 10 മെയ് 1946) [1].[2][2]. [2].

കുറുപ്പശ്ശേരി വർക്കി തോമസ്
KV Thomas.jpg
കേന്ദ്ര ഭക്ഷ്യ പൊതുവിതരണ കാര്യ വകുപ്പ് മന്ത്രി
ഔദ്യോഗിക കാലം
28 മെയ് 2009 – 26 മെയ് 2014
മുൻഗാമികാന്തിലാൽ ഭുരിയ
പിൻഗാമി റാം വിലാസ് പാസ്വൻ
മണ്ഡലംഎറണാകുളം
ലോക്സഭാംഗം
പദവിയിൽ
പദവിയിൽ വന്നത്
1984, 1991, 1996, 2009, 2014
മുൻഗാമിസേവ്യർ അറക്കൽ
പിൻഗാമിഹൈബി ഈഡൻ
മണ്ഡലംഎറണാകുളം
നിയമസഭാംഗം
ഔദ്യോഗിക കാലം
2001, 2006 – 2009
മുൻഗാമിസെബാസ്റ്റ്യൻ പോൾ
പിൻഗാമിഡൊമിനിക് പ്രസൻ്റേഷൻ
മണ്ഡലംഎറണാകുളം
വ്യക്തിഗത വിവരണം
ജനനം (1946-05-10) മേയ് 10, 1946  (75 വയസ്സ്)
കുമ്പളങ്ങി, കേരളം, ഇന്ത്യ
രാഷ്ട്രീയ പാർട്ടിഇന്ത്യൻ നാഷണൽ കോൺഗ്രസ്സ്
പങ്കാളി(കൾ)ഷേർളി തോമസ്
മക്കൾ3 മക്കൾ (രണ്ട് ആൺ, ഒരു പെൺ)
വെബ്സൈറ്റ്http://kvthomas.in
As of May 25, 2021
ഉറവിടം: [1]

ജീവിതരേഖതിരുത്തുക

എറണാകുളം ജില്ലയിലെ മട്ടാഞ്ചേരി താലൂക്കിലെ കുമ്പളങ്ങി എന്ന ഗ്രാമത്തിൽ കുറുപ്പശ്ശേരി വർക്കിയുടേയും റോസമ്മയുടേയും മകനായി 1946 മെയ് പത്തിന് ജനിച്ചു. തേവര എസ്.എച്ച് കോളേജിൽ നിന്ന് എം.എസ്.സി കെമിസ്ട്രി ബിരുദാനന്തര ബിരുദം കരസ്ഥമാക്കിയ കെ.വി. തോമസ് 33 വർഷം തേവര കോളേജിൽ അധ്യാപകനായിരുന്നു. കെമിസ്ട്രി വിഭാഗത്തിൽ 20 വർഷം പ്രൊഫസർ ആയിരുന്ന തോമസ് മാസ്റ്റർ വകുപ്പ് വിഭാഗം മേധാവിയായിട്ടാണ് സർവീസിൽ നിന്ന് വിരമിച്ചത്. [3]

രാഷ്ട്രീയ ജീവിതംതിരുത്തുക

1970-ൽ കോൺഗ്രസ് പാർട്ടിയിൽ അംഗമായ തോമസ് 1970-1975 കാലഘട്ടത്തിൽ കോൺഗ്രസിൻ്റെ കുമ്പളങ്ങി പഞ്ചായത്തിലെ ഏഴാം വാർഡ് പ്രസിഡൻറായിട്ടാണ് രാഷ്ട്രീയ ജീവിതം തുടങ്ങിയത്. 1977 മുതൽ കെ.പി.സി.സി അംഗമാണ്. 1978 മുതൽ 1987 വരെ എറണാകുളം ഡി.സി.സിയുടെ ജനറൽ സെക്രട്ടറിയായ തോമസ് 1978 മുതൽ 1993 വരെ ഐ.എൻ.ടി.യു.സിയുടെ ഓർഗനൈസിംഗ് സെക്രട്ടറിയായും ജനറൽ സെക്രട്ടറിയായും പ്രവർത്തിച്ചു. 1984 മുതൽ എ.ഐ.സി.സി അംഗമാണ്. 1984-ൽ നടന്ന ലോക്സഭ തിരഞ്ഞെടുപ്പിൽ എറണാകുളം ലോക്സഭ മണ്ഡലത്തിൽ നിന്ന് ആദ്യമായി പാർലമെൻറ് അംഗമായി തിരഞ്ഞെടുക്കപ്പെട്ടു. പിന്നീട് 1989, 1991 വർഷങ്ങളിൽ നടന്ന ലോക്സഭ തിരഞ്ഞെടുപ്പുകളിൽ എറണാകുളത്ത് നിന്ന് വീണ്ടും ലോക്സഭ അംഗമായി. 1987 മുതൽ 2001 വരെ എറണാകുളം ഡി.സി.സി.യുടെ പ്രസിഡൻറായിരുന്നു. 1992 മുതൽ 1997 വരെ കെ.പി.സി.സി.യുടെ ട്രഷറർ എന്ന നിലയിലും പ്രവർത്തിച്ചു. 1996-ലെ ലോക്സഭ തിരഞ്ഞെടുപ്പിൽ എറണാകുളം സീറ്റിൽ നിന്ന് ഇടതു സ്വതന്ത്രനായി മത്സരിച്ച സേവ്യർ അറക്കൽലിനോട് പരാജയപ്പെട്ടതോടെ സംസ്ഥാന രാഷ്ട്രീയത്തിലേയ്ക്ക് തിരിച്ചെത്തി. 2001-ൽ എറണാകുളം അസംബ്ലി മണ്ഡലത്തിൽ നിന്ന് നിയമസഭ അംഗമായി തിരഞ്ഞെടുക്കപ്പെട്ട തോമസ് 2006-ൽ എറണാകുളത്ത് നിന്ന് വീണ്ടും എം.എൽ.എ ആയി. 2001-2004 കാലത്ത് എ.കെ. ആൻ്റണി മന്ത്രിസഭയിലെ കാബിനറ്റ് വകുപ്പ് മന്ത്രിയായും പ്രവർത്തിച്ചു. 2009-ൽ എം.എൽ.എ ആയിരിക്കെ നടന്ന ലോക്സഭ തിരഞ്ഞെടുപ്പിൽ എറണാകുളം ലോക്സഭ മണ്ഡലത്തിൽ വീണ്ടും പാർലമെൻ്റ് അംഗമായി. 2009 മുതൽ 2014 വരെ കേന്ദ്രത്തിലെ കാബിനറ്റ് വകുപ്പ് മന്ത്രിയായിരുന്ന തോമസ് 2014-ൽ നടന്ന പതിനാറാം ലോക്സഭ തിരഞ്ഞെടുപ്പിൽ അഞ്ചാമത്തെ തവണയും എറണാകുളത്ത് നിന്ന് തന്നെ ലോക്സഭ അംഗമായി തിരഞ്ഞെടുക്കപ്പെട്ടു[4] 2019-ലെ പതിനേഴാം ലോക്സഭ തിരഞ്ഞെടുപ്പിൽ എറണാകുളം മണ്ഡലത്തിൽ നിന്ന് തോമസിന് പകരം സിറ്റിംഗ് എം.എൽ.എയായിരുന്ന ഹൈബി ഈഡനാണ് കോൺഗ്രസ് സ്ഥാനാർത്ഥിയായി മത്സരിച്ചതും ജയിച്ചതും. ഇതിനെ തുടർന്ന് കേരളത്തിലെ പാർട്ടി നേതൃത്വവുമായും ഹൈക്കമാൻ്റുമായും ഏറെനാൾ അകൽച്ചയിലായിരുന്നു തോമസ്‌[5]. 2021-ലെ നിയമസഭ തിരഞ്ഞെടുപ്പിന് മുന്നോടിയായി പാർട്ടി വിടുമെന്ന് അഭ്യൂഹങ്ങൾ ഉണ്ടായെങ്കിലും[6] പിന്നീട് കോൺഗ്രസ് ദേശീയ നേതൃത്വം ഇടപെട്ടതിനെ തുടർന്ന് 2021 ഫെബ്രുവരി പതിനൊന്ന് മുതൽ കെ.പി.സി.സിയുടെ വർക്കിംഗ് പ്രസിഡൻറായി നിയമിതനായി[7]

സാമൂഹിക പ്രവർത്തനംതിരുത്തുക

  • പ്രൊഫസർ കെ.വി. തോമസ് വിദ്യാധനം ട്രസ്റ്റ് എന്ന ജീവകാരുണ്യ സംഘടന കേരളത്തിലുടനീളം ആകെ 123 സ്കൂളുകൾക്കും അതിൽ പഠിക്കുന്ന 32,000 വിദ്യാർത്ഥികൾക്കും സൗജന്യമായി ഉച്ചഭക്ഷണം വിതരണം ചെയ്യുന്നു.

[8]

  • 2003-ൽ കേരളത്തിൽ ടൂറിസം വകുപ്പിൻ്റെ മന്ത്രിയായിരിക്കെ പസഫിക് എഷ്യ ട്രാവൽ റിട്ടേൺ അസോസിയേഷൻ (PATWA) എന്ന സംഘടനയുടെ മികച്ച ടൂറിസം മന്ത്രി എന്ന അവാർഡ് ലഭിച്ചു.
  • 2005-ൽ സമാധാനത്തിൻ്റെ അംബാസഡർ ആയി അന്താരാഷ്ട്ര സംഘടനയായ യൂണിവേഴ്സൽ പീസ് ഫെഡറേഷൻ ഇൻറർ റിലീജിയസ് ആൻഡ് ഇൻറർനാഷണൽ തിരഞ്ഞെടുത്തു.

വിവാദങ്ങൾതിരുത്തുക

പ്രധാന ലേഖനം - ഫ്രഞ്ച് ചാരക്കേസ്

കേരളത്തിൽ, പ്രത്യേകിച്ച് രാഷ്ട്രീയ രംഗത്ത് വളരെയധികം കോളിളക്കം സൃഷ്ടിച്ച ഒന്നാണ് ഫ്രഞ്ച് ചാരക്കേസ്. 1995 ഡിസംബർ 19 ന് ഗലാത്തി എന്ന ഫ്രഞ്ച് നൗകയിൽ കൊച്ചി നാവികസേനാത്താവളത്തിനടുത്ത് സർവേ ആരംഭിച്ചു. ഗോവയിൽ നിന്നാണ് ഒരു പായ്ക്കപ്പലിൽ രണ്ട് ഫ്രഞ്ച് പൗരന്മാരും ഗോവൻ സ്വദേശിയായ ക്യാപ്റ്റനും കൊച്ചിയിൽ എത്തിയത്. സർവേയിൽ സംശയം തോന്നിയ കോസ്റ്റ് ഗാർഡ് ഡിസംബർ 28ന് നൗകയിലുള്ളവരെ അറസ്റ്റ് ചെയ്തു.[9] പിന്നീട് കേസ് സി.ബി.ഐക്ക് വിട്ടു.

ഫ്രഞ്ചുകാരായ ഫോങ്കോയിസ് ക്ളാവലും എലല്ല ഫിലിപ്പുമാണ് ആദ്യ രണ്ടു പ്രതികൾ. മൂന്നാം പ്രതി ഗോവൻ സ്വദേശി ക്യാപ്റ്റൻ എഫ്.എം. ഫുർഡെയും നാലാം പ്രതി കോൺഗ്രസ് നേതാവ് കെ.വി. തോമസുമാണ്. നാലാം പ്രതി കെ.വി. തോമസിനെ കുറ്റക്കാരനല്ല എന്ന് കണ്ട് 1998 ജനുവരി 28 ന് എറണാകുളം ചീഫ് ജുഡിഷ്യൽ മജിസ്ട്രേറ്റ് കോടതി വെറുതെ വിട്ടിരുന്നു.

കേരളത്തിൽ കോൺഗ്രസ് ഭരണം നടക്കുമ്പോൾ കോൺഗ്രസ് നേതാവ് കെ.വി. തോമസ് പ്രതിപട്ടികയിൽ ഉൾപ്പെട്ടത് ഫ്രഞ്ച് ചാരക്കേസിന് രാഷ്ട്രീയമാനം കൈവന്നു. 1996-ലെ പാർലമെന്റ് തിരഞ്ഞെടുപ്പിൽ എറണാകുളം മണ്ഡലത്തിൽ യു.ഡി.എഫ് സ്ഥാനാർത്ഥിയായി മൽസരിച്ച കെ.വി. തോമസിന്റെ പരാജയത്തിന് ഈ വിവാദം ഒരു ഘടകമാണെന്ന് പല നിരീക്ഷകരും കരുതുന്നു.

കേന്ദ്ര കൃഷിവകുപ്പ് സഹമന്ത്രി ആയിരിക്കെ 2010 ഒക്ടോബറിൽ കാസർകോട് വെച്ച് നടന്ന ഒരു സെമിനാറിൽ വെച്ച് എൻഡോസൾഫാൻ മനുഷ്യരിൽ ആരോഗ്യപ്രശ്നങ്ങൾ സൃഷ്ടിക്കുമെന്ന് തെളിയിക്കപ്പെട്ടിട്ടില്ല എന്ന് അഭിപ്രായപ്പെട്ടത്[10] കക്ഷിരാഷ്ട്രീയഭേദമന്യെ വിമർശിക്കപ്പെട്ടു. [11][12][13]

തിരഞ്ഞെടുപ്പുകൾതിരുത്തുക

തിരഞ്ഞെടുപ്പുകൾ [14] [15]
വർഷം മണ്ഡലം വിജയിച്ച സ്ഥാനാർത്ഥി പാർട്ടിയും മുന്നണിയും മുഖ്യ എതിരാളി പാർട്ടിയും മുന്നണിയും രണ്ടാമത്തെ മുഖ്യ എതിരാളി പാർട്ടിയും മുന്നണിയും
2014 എറണാകുളം ലോകസഭാമണ്ഡലം കെ.വി. തോമസ് കോൺഗ്രസ് (ഐ.), യു.ഡി.എഫ്. ക്രിസ്റ്റി ഫെർണാണ്ടസ് സ്വതന്ത്ര സ്ഥാനാർത്ഥി, എൽ.ഡി.എഫ്. എ.എൻ. രാധാകൃഷ്ണൻ ബി.ജെ.പി., എൻ.ഡി.എ.
2009 എറണാകുളം ലോകസഭാമണ്ഡലം കെ.വി. തോമസ് കോൺഗ്രസ് (ഐ.), യു.ഡി.എഫ്. സിന്ധു ജോയ് സി.പി.എം., എൽ.ഡി.എഫ്. എ.എൻ. രാധാകൃഷ്ണൻ ബി.ജെ.പി., എൻ.ഡി.എ.
2006 എറണാകുളം നിയമസഭാമണ്ഡലം കെ.വി. തോമസ് കോൺഗ്രസ് (ഐ.), യു.ഡി.എഫ്. എം.എം. ലോറൻസ് സി.പി.ഐ.എം., എൽ.ഡി.എഫ്.
2001 എറണാകുളം നിയമസഭാമണ്ഡലം കെ.വി. തോമസ് കോൺഗ്രസ് (ഐ.), യു.ഡി.എഫ്. സെബാസ്റ്റ്യൻ പോൾ സ്വതന്ത സ്ഥാനാർത്ഥി, എൽ.ഡി.എഫ്.
1996 എറണാകുളം ലോകസഭാമണ്ഡലം സേവ്യർ അറക്കൽ സ്വതന്ത്ര സ്ഥാനാർത്ഥി, എൽ.ഡി.എഫ്. കെ.വി. തോമസ് കോൺഗ്രസ് (ഐ.), യു.ഡി.എഫ്.
1991 എറണാകുളം ലോകസഭാമണ്ഡലം കെ.വി. തോമസ് കോൺഗ്രസ് (ഐ.), യു.ഡി.എഫ്. വി. വിശ്വനാഥമേനോൻ സി.പി.എം., എൽ.ഡി.എഫ്.
1989 എറണാകുളം ലോകസഭാമണ്ഡലം കെ.വി. തോമസ് കോൺഗ്രസ് (ഐ.), യു.ഡി.എഫ്. പി. സുബ്രമണ്യൻ പോറ്റി സ്വതന്ത്ര സ്ഥാനാർത്ഥി, എൽ.ഡി.എഫ്.
1984 എറണാകുളം ലോകസഭാമണ്ഡലം കെ.വി. തോമസ് കോൺഗ്രസ് (ഐ.), യു.ഡി.എഫ്. എ.എ. കൊച്ചുണ്ണി ഐ.സി.എസ്., എൽ.ഡി.എഫ്.

എഴുത്തുകാരൻതിരുത്തുക

പ്രധാന കൃതികൾ

  1. എന്റെ ലീഡർ
  2. കുമ്പളങ്ങി വർണ്ണങ്ങൾ
  3. എന്റെ കുമ്പളങ്ങി
  4. എന്റെ കുമ്പളങ്ങിക്കു ശേഷം
  5. അമ്മയും മകനും
  6. സോണിയ പ്രിയങ്കരി
  7. കുമ്പളങ്ങി ഫ്ലാഷ്

കുടുംബംതിരുത്തുക

ഭാര്യ - ഷേർളി, മക്കൾ - ബിജു, രേഖ, ഡോ. ജോ

അവലംബംതിരുത്തുക

  1. ↑ "59 കേന്ദ്രമന്ത്രിമാർ സത്യപ്രതിജ്ഞ ചെയ്‌തു". മാതൃഭൂമി. മേയ് 28, 2009. മൂലതാളിൽ നിന്നും 2009-05-30-ന് ആർക്കൈവ് ചെയ്തത്. ശേഖരിച്ചത് മേയ് 28, 2009.
  2. ↑ 2.0 2.1 2.2 "Fifteenth Lok Sabha Members Bioprofile" (ഭാഷ: ഇംഗ്ലീഷ്). Lok Sabha. മൂലതാളിൽ നിന്നും 2014-03-19-ന് ആർക്കൈവ് ചെയ്തത്. ശേഖരിച്ചത് മേയ് 27, 2010.
  3. ↑ https://m.timesofindia.com/elections/candidates/prof-k-v-thomas
  4. ↑ http://164.100.47.194/Loksabha/Members/memberbioprofile.aspx?mpsno=3209&lastls=16
  5. ↑ https://www.manoramanews.com/news/kerala/2021/01/25/kv-thomas-to-ldf-what-history-shows-special-video.html
  6. ↑ https://www.mathrubhumi.com/mobile/election/2021/kerala-assembly-election/districtwise/ernakulam/kv-thomas-to-go-ldf-1.5373064
  7. ↑ https://www.mathrubhumi.com/mobile/news/kerala/kv-thomas-appointed-as-kpcc-working-president-1.5430088
  8. ↑ https://www.mathrubhumi.com/mobile/ernakulam/news/10aug2020-1.4967008
  9. ↑ http://malayalam.oneindia.in/news/2000/05/28/ker-french.html
  10. ↑ "മരണം എൻഡോസൾഫാൻ മൂലമല്ല: മന്ത്രി കെ.വി. തോമസ്" (ഭാഷ: Malayalam). കേരളകൗമുദി. ശേഖരിച്ചത് ഒക്ടോബർ 26, 2010.CS1 maint: unrecognized language (link)
  11. ↑ "എൻഡോസൾഫാൻ: കെ.വി തോമസിനെതിരെ വി.എസും സുധീരനും" (ഭാഷ: Malayalam). മംഗളം. ശേഖരിച്ചത് ഒക്ടോബർ 26, 2010.CS1 maint: unrecognized language (link)
  12. ↑ "എൻഡോസൾഫാൻ: കേന്ദ്രനിലപാടിനെതിരെ വി.എസും സുധീരനും" (ഭാഷ: Malayalam). മാതൃഭൂമി. മൂലതാളിൽ നിന്നും 2010-10-29-ന് ആർക്കൈവ് ചെയ്തത്. ശേഖരിച്ചത് ഒക്ടോബർ 26, 2010.CS1 maint: unrecognized language (link)
  13. ↑ "എൻഡോസൾഫാൻ നിരോധിക്കാൻ എം.പിമാർ സമ്മർദ്ദം ചെലുത്തണം: വി.എസ്" (ഭാഷ: Malayalam). കേരളകൗമുദി. ശേഖരിച്ചത് ഒക്ടോബർ 26, 2010.CS1 maint: unrecognized language (link)
  14. ↑ http://www.ceo.kerala.gov.in/electionhistory.html
  15. ↑ http://www.keralaassembly.org


പതിനഞ്ചാം ലോകസഭയിൽ കേരളത്തിൽ നിന്നുള്ള അംഗങ്ങൾ  
പി. കരുണാകരൻ | കെ. സുധാകരൻ | മുല്ലപ്പള്ളി രാമചന്ദ്രൻ | എം.ഐ. ഷാനവാസ് | എം.കെ. രാഘവൻ | ഇ. അഹമ്മദ് | ഇ.ടി. മുഹമ്മദ് ബഷീർ | എം.ബി. രാജേഷ് | പി.കെ. ബിജു | പി.സി. ചാക്കോ | കെ.പി. ധനപാലൻ | കെ.വി. തോമസ്| പി.ടി. തോമസ് | ജോസ് കെ. മാണി | കെ.സി. വേണുഗോപാൽ | കൊടിക്കുന്നിൽ സുരേഷ് | ആന്റോ ആന്റണി | എൻ. പീതാംബരക്കുറുപ്പ് | എ. സമ്പത്ത് | ശശി തരൂർ
പതിനാറാം ലോകസഭയിൽ കേരളത്തിൽ നിന്നുള്ള അംഗങ്ങൾ  
പി. കരുണാകരൻ | പി.കെ. ശ്രീമതി | മുല്ലപ്പള്ളി രാമചന്ദ്രൻ | എം.ഐ. ഷാനവാസ് | എം.കെ. രാഘവൻ | ഇ. അഹമ്മദ് | ഇ.ടി. മുഹമ്മദ് ബഷീർ | എം.ബി. രാജേഷ് | പി.കെ. ബിജു | സി.എൻ. ജയദേവൻ | ഇന്നസെന്റ് | കെ.വി. തോമസ്| ജോയ്സ് ജോർജ് | ജോസ് കെ. മാണി | കെ.സി. വേണുഗോപാൽ | കൊടിക്കുന്നിൽ സുരേഷ് | ആന്റോ ആന്റണി | എൻ.കെ. പ്രേമചന്ദ്രൻ | എ. സമ്പത്ത് | ശശി തരൂർ
 

കേരളത്തിലെ രാഷ്ട്രീയപ്രവർത്തകരെ കുറിച്ചുള്ള ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക.  

"https://ml.wikipedia.org/w/index.php?title=കെ.വി._തോമസ്&oldid=3629130" എന്ന താളിൽനിന്ന് ശേഖരിച്ചത്