വിക്കിപീഡിയ

എറണാകുളം ജില്ല

കേരളത്തിലെ ഒരു ജില്ല
ഇതേ പേരിലുള്ള നഗരത്തിന്, ദയവായി എറണാകുളം കാണുക.

എറണാകുളം ജില്ല - കേരളത്തിലെ പതിനാല്‌ ജില്ലകളിലൊന്ന്. മദ്ധ്യകേരളത്തിൽ സ്ഥിതി ചെയ്യുന്ന ഈ ജില്ല കേരളത്തിന്റെ വാണിജ്യ തലസ്ഥാനം എന്നറിയപ്പെടുന്നു. ഋഷിനാഗക്കുളം എന്നാണ് പണ്ട് അറിയപ്പെട്ടിരുന്നത് രണ്ടാമത്തേ വലിയ നഗരവും ഏറ്റവും വലിയ വ്യാവസായികമേഖലയുമായ കൊച്ചി, ചരിത്രപരമായി പ്രാധാന്യമുള്ള മട്ടാഞ്ചേരി, തൃപ്പൂണിത്തുറ എന്നീ പ്രദേശങ്ങളുടെ സാന്നിദ്ധ്യം ഈ ജില്ലയെ പ്രാധാന്യമേറിയതാക്കുന്നു . പെരുമ്പാവൂർ മരവ്യവസായത്തിന് പേര് കേട്ട സ്ഥലമാണ്, ഈ പ്രദേശത്ത് നാനൂറോളം പ്ലൈവുഡ് വ്യവസായ യൂണിറ്റുകൾ പ്രവർത്തിക്കുന്നു. കാക്കനാട്ടെ ഇൻ‌ഫോപാർക്ക് കേരളത്തിലെ പ്രധാനപ്പെട്ട ഐടി പാർക്ക് ആണ്.

എറണാകുളം ജില്ല
ജില്ല
Nickname(s): 
കേരളത്തിന്റെ വാണിജ്യ തലസ്ഥാനം
കേരളത്തിൽ എറണാകുളം ജില്ല
കേരളത്തിൽ എറണാകുളം ജില്ല
Coordinates: 10°00′N 76°20′E / 10.00°N 76.33°E / 10.00; 76.33Coordinates: 10°00′N 76°20′E / 10.00°N 76.33°E / 10.00; 76.33
രാജ്യം ഇന്ത്യ
സംസ്ഥാനംകേരളം
ആസ്ഥാനംകാക്കനാട്
Government
 • ഭരണസമിതിജില്ലാ പഞ്ചായത്ത്
ജില്ലാ കളക്ട്രേറ്റ്
 • ജില്ലാ പഞ്ചായത്ത് പ്രസിഡന്റ്ആശ സനിൽ[1]
 • ജില്ലാ കളക്ടർഎസ് സുഹാസ് ഐ.എ.എസ്[2]
വിസ്തീർണ്ണം
 • ആകെ3,068 കി.മീ.2(1,185 ച മൈ)
പ്രദേശത്തിന്റെ റാങ്ക്4
ജനസംഖ്യ
 (2011)
 • ആകെ32,79,860
 • ജനസാന്ദ്രത1,069/കി.മീ.2(2,770/ച മൈ)
ഭാഷകൾ
 • ഔദ്യോഗികംമലയാളം, ഇംഗ്ലീഷ്
സമയമേഖലUTC+5:30 (IST)
ISO 3166 കോഡ്IN-KL-KO
വാഹന റെജിസ്ട്രേഷൻKL-7,KL-17,KL-39,,KL-40,KL-41,KL-42,KL-43,KL-44,KL-63
വെബ്സൈറ്റ്ernakulam.gov.in
യൂദ സിനഗോഗ്‌
ഫോർട്ട് കൊച്ചി
തൃപ്പൂണിത്തുറ ഹിൽപാലസ്
നെടുമ്പാശ്ശേരി അന്താരാഷ്ട്ര വിമാനത്താവളം

ചരിത്രംതിരുത്തുക

കേരളം സംസ്ഥാനമായി നിലവിൽവന്നശേഷം പഴയ നാട്ടുരാജ്യങ്ങളായ തിരുവിതാംകൂർ, കൊച്ചി‍ എന്നിവയിലെ പ്രദേശങ്ങൾ കൂട്ടിച്ചേർത്ത്‌ 1958 ഏപ്രിൽ ഒന്നിനാണ്‌ എറണാകുളം ജില്ല രൂപീകൃതമായത്‌. തിരുവിതാംകൂർ രാജ്യത്തുനിന്നുള്ള പ്രദേശങ്ങളാണ്‌ പ്രധാനമായും ജില്ലയ്ക്കു കീഴിൽ വന്നത്‌ . ഇടുക്കി ജില്ല രൂപീകൃതമാകും മുൻപ്‌ തൊടുപുഴ താലൂക്കും എറണാകുളം ജില്ലാപരിധിയിലായിരുന്നു.

പൂർവ്വ ചരിത്രംതിരുത്തുക

കടലിനോടു ചേർന്നു കിടക്കുന്നതിനാൽ പുരാതന കാലം മുതൽക്കേ ഋഷിനാഗക്കുളം എന്നറിയപ്പെട്ടിരുന്ന (എറണാകുളം) ജില്ലയിലെ മിക്ക പ്രദേശങ്ങളും വാണിജ്യപരമായി പ്രശസ്തിയാർജ്ജിച്ചിരുന്നു. കൊച്ചി തുറമുഖം വഴി അറബികളും, ചൈനക്കാരും, ഡച്ചുകാരും, പോർച്ചുഗീസുകാരും ഈ പ്രദേശങ്ങളുമായി വാണിജ്യ ബന്ധം സ്ഥാപിച്ചിരുന്നു. കൊച്ചി നഗരത്തിൽ സ്ഥിതി ചെയ്യുന്ന ജൂതപ്പള്ളി (യൂദ സിനഗോഗ്), ഡച്ച്‌ കൊട്ടാരം എന്നിവ എറണാകുളത്തിന്റെ ഗതകാല പ്രൗഢിക്ക്‌ ദൃഷ്ടാന്തങ്ങളാണ്‌.

ഭൂമിശാസ്ത്രംതിരുത്തുക

 
ബോൾഗാട്ടി പാലസ്

പടിഞ്ഞാറ്‌ അറബിക്കടൽ‍, വടക്ക്‌ തൃശൂർ ജില്ല, കിഴക്ക്‌ ഇടുക്കി ജില്ല, തെക്ക്‌ കോട്ട‍യം, ആലപ്പുഴ ജില്ലകൾ എന്നിവയാണ്‌ എറണാകുളത്തിന്റെ അതിർത്തികൾ. ജില്ലയുടെ പടിഞ്ഞാറൻ പ്രദേശങ്ങൾ തീരഭൂമിയും കിഴക്ക്‌ മലമ്പ്രദേശവുമാണ്‌. കേരളത്തിലെ രണ്ടാമത്തെ വലിയ നദിയായ പെരിയാർ‍ ജില്ലയുടെ വടക്കു ഭാഗത്തെ ഒട്ടുമിക്ക പ്രദേശങ്ങളെയും സ്പർശിക്കുന്നു. മുവാറ്റുപുഴയാറും ജില്ലയിലൂടെ കടന്നുപോകുന്നു. മനുഷ്യ നിർമ്മിതവും അല്ലാത്തതുമായ നിരവധി ചെറുദ്വീപുകൾ ജില്ലയുടെ പടിഞ്ഞാറൻ മേഖലയിലുണ്ട്‌. വർഷത്തിൽ നൂറ്റിമുപ്പതിലേറെ ദിവസവും മഴ ലഭിക്കുന്ന ഇവിടെ ശൈത്യകാലമൊഴികെ മിക്കപ്പോഴും സാമാന്യം നല്ലചൂടനുഭവപ്പെടുന്നു.

അതിരുകൾതിരുത്തുക

വടക്ക് തൃശ്ശൂർ ജില്ലയും കിഴക്ക് ഇടുക്കി ജില്ലയും പടിഞ്ഞാറ് അറബിക്കടലും തെക്ക് കോട്ടയം ആലപ്പുഴ ജില്ലയും സ്ഥിതി ചെയ്യുന്നു

പ്രമുഖ വ്യവസായസ്ഥാപനങ്ങൾതിരുത്തുക

എഫ്.എ.സി.ടി തിരുവിതാംകൂർ ദിവാനായിരുന്ന സി.പി.രാമസ്വാമി അയ്യരുടെ നിർദ്ദേശാനുസരണം സ്വകാര്യ സംരംഭമായി പ്രവർത്തനം ആരംഭിച്ചു. ആദ്യം സംസ്ഥാനപൊതുമേഖലയിലും പിന്നീട് കേന്ദ്രപൊതുമേഖലയിലും ചേർക്കപ്പെട്ടു. ഇന്ത്യൻ രാസവളരംഗത്തെ പ്രമുഖ സ്ഥാപനം.

കൊച്ചിൻ റിഫൈനറി എറണാകുളത്ത് സ്ഥിതിചെയ്യുന്ന മറ്റൊരു പ്രധാന വ്യവസായ സ്ഥാപനമാണ്.

ഭരണംതിരുത്തുക

 
ഗോശ്രീ‍പാലം

പറവൂർ താലൂക്ക്‍, ആലുവ താലൂക്ക്, കൊച്ചി താലൂക്ക്, കണയന്നൂർ താലൂക്ക്, മൂവാറ്റുപുഴ താലൂക്ക്, കുന്നത്തുനാട് താലൂക്ക്, കോതമംഗലം താലൂക്ക് എന്നിങ്ങനെ ഏഴ് താലൂക്കുകളായി ജില്ലയെ വിഭജിച്ചിരിക്കുന്നു. കൊച്ചി നഗരത്തോടു ചേർന്നുള്ള കാക്കനാടാണ്‌ ജില്ലയുടെ ഭരണ സിരാകേന്ദ്രം. ജില്ലാ കളക്റ്ററേറ്റ്‌, ജില്ലാ പഞ്ചായത്ത്‌ കാര്യാലയം എന്നിവയെല്ലാം ഇവിടെ കേന്ദ്രീകരിച്ചിരിക്കുന്നു.

നഗരസഭകൾതിരുത്തുക

13 നഗരസഭകൾ ആണ് എറണാകുളം ജില്ലയിൽ ഉള്ളത്.

  1. തൃപ്പൂണിത്തുറ നഗരസഭ
  2. മൂവാറ്റുപുഴ നഗരസഭ
  3. കോതമംഗലം നഗരസഭ
  4. പെരുമ്പാവൂർ നഗരസഭ
  5. ആലുവ നഗരസഭ
  6. കളമശേരി നഗരസഭ
  7. വടക്കൻ പറവൂർ നഗരസഭ
  8. അങ്കമാലി നഗരസഭ
  9. ഏലൂർ നഗരസഭ
  10. തൃക്കാക്കര നഗരസഭ
  11. മരട് നഗരസഭ
  12. പിറവം നഗരസഭ
  13. കൂത്താട്ടുകുളം നഗരസഭ

വിദ്യാഭ്യാസംതിരുത്തുക

1990-ഓടെ 100 ശതമാനം സാക്ഷരത കൈവരിച്ച ഇന്ത്യയിലെ ആദ്യ ജില്ലയാണ് എറണാകുളം. 20 ലക്ഷത്തിലധികം ജനസംഖ്യയുള്ള രാജ്യത്തെ ഏതൊരു നഗരത്തിലും ഏറ്റവും ഉയർന്ന സാക്ഷരതാ നിരക്ക് കൊച്ചിയിലാണ്. സംസ്ഥാനത്തിന്റെ അടിസ്ഥാനത്തിൽ 100 ​​ശതമാനം സാക്ഷരത കൈവരിച്ച ഇന്ത്യയിലെ ആദ്യത്തെ ഗ്രാമമാണ് പോത്താനിക്കാട്. സാക്ഷരതാ പരിപാടി ഈ ജില്ലയിലാണ്.

എറണാകുളത്ത് മൂന്ന് പ്രമുഖ സർവകലാശാലകളുണ്ട്: കലാദി യൂണിവേഴ്സിറ്റി ഓഫ് സയൻസ് ഓഫ് സയൻസ് ഓഫ് സസ്കിർ യൂണിവേഴ്സിറ്റി, കൊച്ചിയിലെ ആൻകെറവ സർവകലാശാല, സമുദ്ര പഠനം എന്നിവയിലെ ശ്രീ ശങ്കരാചാര്യ സർവകലാശാല സർവകലാശാല സംസ്ഥാനത്ത് ഏറ്റവും കൂടുതൽ വിദ്യാഭ്യാസ സ്ഥാപനങ്ങളുള്ളത് ജില്ലയിലാണ്; 2019 ലെ കണക്കനുസരിച്ച് എറണാകുളത്ത് 476 സമ്പൂർണ ഹൈടെക് സ്കൂളുകളുണ്ട്.

2017-ൽ എറണാകുളം ജില്ലാ ഭരണകൂടം കുടിയേറ്റ കുട്ടികൾക്ക് മലയാളം വിദ്യാഭ്യാസം നൽകുന്നതിനായി റോഷ്‌നി പദ്ധതി ആരംഭിച്ചു. ലോവർ പ്രൈമറി മുതൽ ഹൈസ്കൂൾ വരെയുള്ള 1,265 കുടിയേറ്റ തൊഴിലാളികളുടെ കുട്ടികളെ ഇത് പിന്തുണച്ചു.

വിദ്യാഭ്യാസ സ്ഥാപനങ്ങൾതിരുത്തുക

തീർത്ഥാടനസ്ഥലങ്ങൾ/ആരാധനാലയങ്ങൾതിരുത്തുക

 
കടവന്ത്രയിലുള്ള ചെറുപുഷ്പം പള്ളി

ഇതും കൂടി കാണുകതിരുത്തുക

അവലംബംതിരുത്തുക

  1. ↑ https://web.lsgkerala.gov.in/reports/lbMembers.php?lbid=159
  2. ↑ https://ernakulam.gov.in/shri-k-mohammed-y-safirulla-ias/#
 
Ernakulam district എന്ന വിഷയവുമായി ബന്ധപ്പെട്ട ചിത്രങ്ങൾ വിക്കിമീഡിയ കോമൺസിലുണ്ട്.
 

എറണാകുളം ജില്ലയുടെ ഭൂമിശാസ്ത്രവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക.  

"https://ml.wikipedia.org/w/index.php?title=എറണാകുളം_ജില്ല&oldid=3777679" എന്ന താളിൽനിന്ന് ശേഖരിച്ചത്