എ.എം.എം. ഹയർസെക്കൻഡറി സ്കൂൾ, ഇടയാറന്മുള

പത്തനംതിട്ട ജില്ലയിലെ ഇടയാറന്മുളയിലാണ് ഏബ്രഹാം മാർത്തോമ്മാ മെമ്മോറിയൽ ഹയർ സെക്കൻഡറി സ്കൂൾ (എ. എം. എം. ഹയർസെക്കൻഡറി സ്കൂൾ), സ്ഥിതിചെയ്യുന്നത്. 1919ൽ മിഡിൽ സ്കൂളായി ആരംഭിച്ച ഈ സ്കൂൾ 1948ൽ ഹൈസ്കൂൾ ആയും, 1991ൽ ഹയർസെക്കൻഡറി സ്കൂളായും ഉയർത്തപ്പെട്ടു. ഈ വിദ്യാലയത്തിൽ ഇന്ന് 5 മുതൽ 12 വരെ ക്ലാസുകളിലായി ആയിരത്തിലേറെ വിദ്യാർത്ഥികൾ പഠിക്കുന്നുണ്ട്. കേരള സിലബസ്സിന്റെ അടിസ്ഥാനത്തിലാണ് ഈ സ്കൂൾ പ്രവർത്തിക്കുന്നത്. 5 മുതൽ 10 വരെയുള്ള ക്ലാസ്സുകളിൽ ഇംഗ്ലീഷ്, മലയാളം മീഡിയങ്ങളിൽ ക്ലാസുകൾ നടക്കുന്നുണ്ട്.

ഏബ്രഹാം മാർത്തോമ്മാ മെമ്മോറിയൽ ഹയർ സെക്കൻഡറി സ്കൂൾ
വിലാസം
ഇടയാറന്മുള ഇന്ത്യ
നിർദ്ദേശാങ്കം	9.33°N 76.68°E
വിവരങ്ങൾ
Type	എയ്ഡഡ് വിദ്യാലയം
ആപ്‌തവാക്യം	കീപ്പ് ദ് ലൈറ്റ് ഷൈനിങ് (Keep the Light Shining)
ആരംഭം	1919
പ്രിൻസിപ്പൽ	കരുണ സരസ് തോമസ്
ഹെഡ്മാസ്റ്റർ	മാമ്മൻ മാത്യു
സ്റ്റാഫ്	57
Number of students	1050
Affiliation	കേരള സിലബസ്സ്
വെബ്സൈറ്റ്	http://www.ammschooledayaranmula.edu.in

മറ്റ് പ്രവർത്തനങ്ങൾ

പാഠ്യേതര മേഖലകളിലും ഈ സ്കൂൾ സജീവമാണ്. കലാ-ശാസ്ത്ര മേളകളിലും, കായിക മേളകളിലും അഭിമാനാർഹമായ ധാരാളം നേട്ടങ്ങൾ ഈ സ്കൂൾ നേടിയിട്ടുണ്ട്. വിവിധ ക്ലബുകളും അതിന്റെ പ്രവർത്തനങ്ങളും ഈ സ്കൂളിൽ നടക്കുന്നുണ്ട്. ഒരു ഫുട്ബോൾ ഗ്രൗണ്ടും, ബാസ്ക്കറ്റ്ബോൾ കോർട്ടും ഈ സ്കൂളിനുണ്ട്. എൻ.എസ്.എസ്, എൻ.സി.സി, റെഡ് ക്രോസ് യൂണിറ്റുകളും ഈ സ്കൂളിൽ പ്രവർത്തിക്കുന്നുണ്ട്.

അവലംബം

• സ്കൂൾ കലണ്ടർ 2012-13