റാന്നി

കേരളത്തിലെ പത്തനംതിട്ട ജില്ലയിലെ റാന്നി താലൂക്കിൽ സ്ഥിതിചെയ്യുന്ന ഒരു പട്ടണമാണ് റാന്നി. പഴവങ്ങാടി പഞ്ചായത്തിന്റെ ഹൃദയഭാഗം ആയ ഇട്ടിയപാറ , അങ്ങാടി പഞ്ചായത്തിന്റെ സിരകേന്ദ്രമായ പേട്ട, റാന്നി പഞ്ചായത്തിന്റെ perumbuzha/അക്കരെ ഉൾപ്പെടുന്നതാണ് റാന്നി സിറ്റി. വടക്കു ചേത്തോങ്കര മുതൽ തെക്കു ബ്ലോക്ക്‌ പടി വരെയും, പടിഞ്ഞാറു വലിയപ്പള്ളി വരെയും ഉൾപ്പെട്ടതാണ് റാന്നി സിറ്റി.റാന്നി താലൂക്കിന്റെ ആസ്ഥാനം ഈ പട്ടണത്തിലാണ്. പമ്പാനദിയുടെ ഇരുകരകളിലുമായാണ് ഈ പട്ടണം നിലകൊള്ളുന്നത്. താലൂക്ക് ആസ്ഥാനമടക്കം സർക്കാർ ആഫീസുകളിൽ മിക്കവയും റാന്നീ പഞ്ചായത്തിലും , വ്യാപാര കേന്ദ്രങ്ങൾ കൂടുതലും അങ്ങാടി , പഴവങ്ങാടി പഞ്ചായത്തുകളിലും ആണ് ഉള്ളത്.റാന്നി താലൂക്കിൽ ആണ് വിശ്വ പ്രസിദ്ധമായ ശബരിമല ക്ഷേത്രം സ്ഥിതി ചെയുന്നത്.

പേരിനുപിന്നിൽ

റാന്നി എന്ന പേര് റാണി എന്ന പേരിൽനിന്നുണ്ടായതാണെന്ന് കരുതപ്പെടുന്നു. കിഴക്കൻ മലഞ്ചെരുവുകളുടെ റാണിയാണ് (മലയോരറാണി) റാന്നിയെന്നറിയപ്പെടുന്നു.