ബെന്യാമിൻ

മലയാളി ചെറുകഥാകൃത്തും നോവലിസ്റ്റും

പുതിയ തലമുറയിലെ മലയാളി ചെറുകഥാകൃത്തും നോവലിസ്റ്റുമാണ്‌ ബെന്യാമിൻ. പ്രവാസിയായ ഇദ്ദേഹം ബഹ്‌റൈനിലാണ്‌ താമസിക്കുന്നത്. സ്വദേശം പത്തനംതിട്ട ജില്ലയിലെ പന്തളത്തിനടുത്ത് കുളനട. ആനുകാലികങ്ങളിൽ കഥകളും നോവലുകളും എഴുതുന്നു. യഥാർത്ഥ നാമം ബെന്നി ഡാനിയേൽ. ‘’ആടുജീവിതം’‘ എന്ന നോവലിനു് 2009-ലെ മികച്ച നോവലിനുള്ള കേരള സാഹിത്യ അക്കാദമി പുരസ്കാരം നേടിയിട്ടുണ്ട്[1].

ബെന്നി ഡാനിയേൽ
ബെന്യാമിൻ കൊല്ലം കടപ്പാക്കട സ്പോർട്സ് ക്ലബ്ബിൽ
ബെന്യാമിൻ കൊല്ലം കടപ്പാക്കട സ്പോർട്സ് ക്ലബ്ബിൽ
Pen nameബെന്യാമിൻ
Occupationസാഹിത്യകാരൻ
Nationalityഇന്ത്യ
Notable worksആടു ജീവിതം

ബഹ്റൈൻ കേരളീയസമാജം സാഹിത്യവിഭാഗം സെക്രട്ടറിയായി തെരഞ്ഞെടുക്കപ്പെട്ടിട്ടുണ്ട്[2].

കൃതികൾതിരുത്തുക

നോവലുകൾതിരുത്തുക

  • അബീശഗിൻ
  • പ്രവാചകന്മാരുടെ രണ്ടാം പുസ്‌തകം
  • അക്കപ്പോരിന്റെ ഇരുപത് നസ്രാണി വർഷങ്ങൾ
  • ആടുജീവിതം
  • മഞ്ഞവെയിൽ മരണങ്ങൾ[3]
  • അൽ - അറേബ്യൻ നോവൽ ഫാക്‌ടറി
  • മുല്ലപ്പു നിറമുള്ള പകലുകൾ (സമീറ പർവീൻ എന്ന പെൺകുട്ടി എഴുതിയ "A spring without smell” എന്നതിന്റെ സ്വതന്ത്ര പരിഭാഷ ആണ് മുല്ലപ്പൂ നിറമുള്ള പകലുകൾ. ഓറഞ്ച് റേഡിയോയിൽ റേഡിയോ ജോക്കി ആയി ജോലി ചെയ്യുന്ന പാകിസ്താനിൽ നിന്നും ഉള്ള കുടിയേറ്റക്കാരിയാണ് അവൾ. അവളുടെ ബാബയും മറ്റ് കുടുംബാംഗങ്ങളും അവിടെ ഉണ്ട്‌. ബാബ പോലിസിലെ ഉയർന്ന ഉദ്യോഗസ്ഥൻ ആണ്. സമീറ വളരെ സമർത്ഥയായ ആർ ജെ ആണ്. മുല്ലപ്പൂ വിപ്ലവ കാലത്ത് നടന്ന വംശീയമായ ഭീകരതയെ സമീറയുടെ അനുഭവങ്ങളിലൂടെ ഈ നോവൽ പറയുന്നു. ഷിയാ വിഭാഗക്കാർക്ക് തങ്ങളുടെ വംശം കാരണം തങ്ങൾ ജനിച്ചു വീണ രാജ്യത്ത് യാതൊരു വിധ അവകാശങ്ങളും ലഭിക്കുന്നില്ല. ഹിസ്സ്‌ മജസ്റ്റിയുടെ ഭരണകൂടം അവരെ അടിച്ചമർത്തുന്നു. ജയിലിൽ പിടിച്ചു വെക്കുന്നു. തങ്ങളുടെ അവകാശങ്ങളെക്കുറിച്ച് പൂർണബോധ്യം ഉള്ള അവർ തങ്ങളുടെ അവകാശങ്ങൾക്ക് വേണ്ടി പോരാടുന്നു. മുത്തുകളുടെ ചത്വരം എന്ന് വിളിക്കപ്പെടുന്ന സ്ഥലത്തുവച്ച് അവർ ഒത്തുകൂടുന്നു. സമരം ചെയ്യുന്നു. ഭരണകൂടം അവരെ ചെറുത്തു നിർത്തുന്നു, ശക്തമായ രീതിയിൽ തന്നെ. നിരവധി ആളുകൾക്ക് ജീവഹാനി സംഭവിക്കുന്നുണ്ട്. സമീറയുടെ ബാബ അതിൽ ഒരു ഇരയാണ്. അവസാനം സമരം പോലീസ്‌ അവസാനിപ്പിക്കുന്നു. ഹിസ്സ് മജെസ്റ്റിക്ക് എതിരെ സമരം ചെയ്തവരെ അവർ നന്നായി ഉപദ്രവിക്കുന്നു. മനുഷ്യബന്ധങ്ങൾക്ക് വംശം എന്നത് എപ്രകാരമാണ് വിലങ്ങുതടിയാവുന്നത് എന്ന് ഈ നോവൽ കാണിച്ചു തരുന്നു. ഉറ്റവരെ നഷ്ടപ്പെടുന്നതിന്റെ വേദനയും ഭീകരതയും ഈ നോവൽ നമുക്ക് ബോധ്യപ്പെടുത്തി തരുന്നുണ്ട്. സമീറയ്ക്ക് തന്റെ ബാബ നഷ്ടപ്പെട്ടതിൽ പിന്നെ വീട്ടുതടങ്കലിൽ കഴിയേണ്ടി വരുന്നുണ്ട്. തന്നോട് സ്നേഹം മാത്രം ഉണ്ടായിരുന്ന മറ്റ് കുടുംബക്കാർക്ക് ബാബയുടെ മരണശേഷം മാറ്റങ്ങൾ സംഭവിക്കുന്നുണ്ട്. അവർ ബാബയുടെ മരണശേഷം ലഭിക്കുന്ന തുകയ്ക്കായി മുറവിളി കൂട്ടുന്നുണ്ട്. ഇത്‌ ഒന്നും സമീറക്ക് അംഗീകരിക്കാൻ ആവുന്നില്ല. പുറംലോകവുമായി ഒരു ബന്ധവും ഇല്ലാതെ കഴിയുന്ന സമീറയ്ക്ക് എന്ത് സംഭവിച്ചു എന്ന് വ്യക്തമല്ല.

കഥാസമാഹാരങ്ങൾതിരുത്തുക

  • യുത്തനേസിയ
  • പെൺ‌മാറാട്ടം
  • ഇ.എം.എസും പെൺകുട്ടിയും
  • മനുഷ്യൻ എന്ന സഹജീവി

കുറിപ്പുകൾ/ ലേഖനങ്ങൾതിരുത്തുക

  • ഇരുണ്ട വനസ്ഥലികൾ
  • അനുഭവം ഓർമ്മ യാത്ര
  • ഒറ്റമരത്തണൽ
  • ഗ്രീൻ സോണിനു വെളിയിൽ നിന്ന് എഴുതുമ്പോൾ
  • ഇരട്ട മുഖമുള്ള നഗരം

പുരസ്കാരങ്ങൾതിരുത്തുക

  • അബുദാബി മലയാളി സമാജം കഥാപുരസ്‌കാരം - യുത്തനേസിയ
  • ചെരാത് സാഹിത്യവേദി കഥാപുരസ്‌കാരം - ബ്രേക്ക് ന്യൂസ്
  • അറ്റ്‌ലസ്-കൈരളി കഥാപുരസ്‌കാരം - പെൺ‌മാറാട്ടം, ഗെസാന്റെ കല്ലുകൾ
  • കെ.എ.കൊടുങ്ങല്ലൂർ കഥാപുരസ്കാരം - ആഡിസ് അബാബ
  • അബുദാബി ശക്‌തി അവാർഡ് - ആടുജീവിതം[4]
  • കേരള സാഹിത്യ അക്കാദമി പുരസ്കാരം (2009) - ആടു ജീവിതം
  • നോർക്ക - റൂട്ട്സ് പ്രവാസി നോവൽ പുരസ്കാരം2010 - ആടുജീവിതം
  • പട്ടത്തുവിള കരുണാകരൻ സ്മാരക ട്രസ്റ്റ് അവാർഡ് 2012 - ആടുജീവിതം
  • നൂറനാട് ഹനിഫ് സ്മാരക സാഹിത്യപുരസ്കാരം 2014 - മഞ്ഞവെയിൽ മരണങ്ങൾ
  • പത്മപ്രഭാ പുരസ്കാരം- ആടുജീവിതം
  • ജെസിബി പുരസ്‌കാരം (2018)-മുല്ലപ്പൂ നിറമുള്ള പകലുകൾ [5]
  • വയലാർ അവാർഡ് 2021 - മാന്തളിരിലെ ഇരുപത് കമ്മ്യൂണിസ്റ്റ് വർഷങ്ങൾ

അവലംബംതിരുത്തുക

  1. "ബെന്യാമിനും മീരയ്ക്കും സാഹിത്യ അക്കാദമി പുരസ്‌ക്കാരം". മാതൃഭൂമി. മൂലതാളിൽ നിന്നും 2010-05-14-ന് ആർക്കൈവ് ചെയ്തത്. ശേഖരിച്ചത് 11 May 2010.
  2. "കവർസ്റ്റോറി". മാധ്യമം ആഴ്ചപ്പതിപ്പ് ലക്കം 704. 2011 ആഗസ്ത് 22. ശേഖരിച്ചത് 2013 മാർച്ച് 23. Check date values in: |accessdate= and |date= (help)
  3. "വായന". മാധ്യമം ആഴ്ചപ്പതിപ്പ് ലക്കം 752. 2012 ജൂലൈ 23. ശേഖരിച്ചത് 2013 മെയ് 09. Check date values in: |accessdate= and |date= (help)
  4. മാതൃഭൂമി : അബുദാബി-ശക്തി അവാർഡുകൾ പ്രഖ്യാപിച്ചു[പ്രവർത്തിക്കാത്ത കണ്ണി]
  5. മാതൃഭൂമി : പത്മപ്രഭാ പുരസ്‌കാരം ബെന്യാമിന്‌[പ്രവർത്തിക്കാത്ത കണ്ണി]

പുറത്തേക്കുള്ള കണ്ണികൾതിരുത്തുക


"https://ml.wikipedia.org/w/index.php?title=ബെന്യാമിൻ&oldid=3765368" എന്ന താളിൽനിന്ന് ശേഖരിച്ചത്