ക്രിസ്തുമതം കേരളത്തിൽ
ക്രിസ്തുസന്ദേശം കേരളത്തിൽ ആദ്യമെത്തിയത് പന്ത്രണ്ട് അപ്പസ്തോലന്മാരിൽ ഒരുവനായിരുന്ന തോമാശ്ലീഹ വഴിയാണെന്ന വിശ്വാസം പ്രബലമാണ്. അതനുസരിച്ച് പൊതുവർഷം 52-ൽ കേരളത്തിലെത്തിയ അദ്ദേഹം ഇവിടെ ദേവാലയങ്ങൾ സ്ഥാപിച്ചതായും വിശ്വസിക്കപ്പെടുന്നു[1]. പിൽക്കാലങ്ങളിലും നിരവധി ക്രിസ്തീയ വേദപ്രചാരകർ കേരളത്തിലെത്തി മതപ്രചരണംനടത്തുകയും അനേകർ ക്രിസ്തുമതം സ്വീകരിക്കുകയുംചെയ്തു. വിദേശത്തുനിന്ന് ക്രിസ്തുമതവിശ്വാസികൾ ഇവിടേയ്ക്ക് കുടിയേറിയതിനു ചരിത്രരേഖകളുണ്ട്. കേരളത്തിലെ ആദ്യകാലക്രിസ്ത്യാനികളായ ഇവരെ നസ്രാണികൾ അഥവാ സുറിയാനി ക്രിസ്ത്യാനികൾ അഥവാ മാർത്തോമാ ക്രിസ്ത്യാനികൾ എന്ന് പൊതുവെ അറിയപ്പെട്ടിരുന്നു. കേരളത്തിലെ ഈ ആദ്യകാല ക്രൈസ്തവസമൂഹം പൗരസ്ത്യ സുറിയാനിഭാഷയും പാരമ്പര്യങ്ങളുമുള്ളവരായിരുന്നു
പോർട്ടുഗീസുകാർ ലത്തീൻ ആരാധനാക്രമങ്ങളും ഭാഷയും അടിച്ചേൽ‍പ്പിക്കാൻ ശ്രമിച്ചപ്പോൾ, എതിർത്ത സുറിയാനിക്രിസ്ത്യാനികൾതന്നെ പിന്നീട് രണ്ടുചേരിയായിത്തിരിഞ്ഞു. 1503-ലാണ്‌ ഇന്ത്യയിലെ ആദ്യത്തെ റോമൻ കത്തോലിക്ക പള്ളി പണിതത്[1]
നവീകരണത്തെത്തുടർന്ന് കത്തോലിക്കാസഭയിൽനിന്ന് വേർപെട്ട് യൂറോപ്പിൽ രൂപംകൊണ്ട പ്രൊട്ടസ്റ്റൻറ് പ്രസ്ഥാനങ്ങളിലെ മിഷണറിമാർ ക്രമേണ കേരളത്തിലുമെത്തി പ്രൊട്ടസ്റ്റൻറ് വിശ്വാസം പ്രചരിപ്പിച്ചു. കേരളത്തിന്റെ സാംസ്കാരികവും സാമൂഹികവുമായ വളർച്ചയ്ക്ക് മിഷണറിമാർ നൽകിയ സംഭാവനകൾ നിരവധിയാണ്. അവർ സ്ഥാപിച്ച അനേകം വിദ്യാലയങ്ങളും ആതുരാലയങ്ങളും ഇന്നും കേരളത്തിൽ നിലനിൽക്കുന്നുണ്ട്. കേരളത്തിൽ അന്നു നിലനിന്നിരുന്ന ജാതിവ്യവസ്ഥയുടെയും തൊട്ടുകൂടായ്മയുടെയും ദുരിതമനുഭവിച്ചിരുന്ന അനേകർ ക്രിസ്തുമതം സ്വീകരിച്ചു. അവർണ്ണസമുദായങ്ങളിൽനിന്ന് ക്രിസ്തുമതം സ്വീകരിച്ചവർ പരിവർത്തിതക്രൈസ്തവർ എന്നറിയപ്പെടുന്നു.
ഐതിഹ്യംതിരുത്തുക
ക്രിസ്തുവർഷം 52-ൽ ക്രിസ്തുവിന്റെ പന്ത്രണ്ട് അപ്പസ്തൊലന്മാരിലൊരുവനായ തോമാശ്ലീഹാ കേരളത്തിലെത്തിയെന്ന് പരക്കെ വിശ്വാസമുണ്ട്. മലബാറിലെ മുസ്സിരിസ്സി
റങ്ങിയതായി പറയപ്പെടുന്നത്. തെക്കെ ഇൻഡ്യയിൽ സ്ഥിതി ചെയ്യുന്ന മലബാർ ഇന്നത്തെ കേരളത്തെക്കാൾ വലുതും കേരളത്തിൻറെ വടക്കുഭാഗത്തു ഇന്നു മലബാർ എന്ന വിശേഷിക്കപ്പെടുന്ന ഭൂവിഭാഗത്തിൽ നിന്ന് വ്യത്യസ്തവുമായിരുന്നു.
ക്രിസ്തുവർഷം ആരംഭിക്കുന്നതിനു മുമ്പേ മധ്യപൂർവ്വ രാജ്യങ്ങളുമായി വാണിജ്യബന്ധം സ്ഥാപിച്ചതിൽ ഖ്യാതി നേടിയിരുന്നു മലബാർ. മലബാറിൻറെ തീരപ്രദേശങ്ങളിൽ ജൂത കോളനികളുണ്ടായിരുന്നു. ഇസ്ലാം മതത്തിൻറെ ആവിർഭാവത്തിനു മുമ്പ് വരെ ഇവരുടെ വാണിജ്യഭാഷ, യേശു സംസാരിച്ചിരുന്ന 'അറമായ' ഭാഷ ആയിരുന്നു[അവലംബം ആവശ്യമാണ്].
മുസ്സരിസ്സ്(കൊടുങ്ങല്ലൂർ), പാലയൂർ(ചാവക്കാട്), കൊക്കമംഗലം, പരവൂർ(കോട്ടക്കാവ്), നിരണം, കൊല്ലം, നിലയ്ക്കൽ (ചായൽ) തുടങ്ങിയ സ്ഥലങ്ങളിൽ തോമാശ്ലീഹാ സുവിശേഷ പ്രചരണം നടത്തിയതിന്റെ ഫലമായി രൂപമെടുത്തതായി കരുതപ്പെടുന്ന വിശ്വാസിസമൂഹങ്ങളുടെ പിന്മുറക്കാരാണ് തങ്ങളെന്നാണ് കേരളത്തിലെ ക്രിസ്ത്യാനികളുടെ പരമ്പരാഗതവിശ്വാസം. ഒടുവിൽ പ്രവർത്തിച്ച സ്ഥലമായ തമിഴ്നാട്ടിലെ മൈലപ്പൂരിൽ വച്ച് ക്രിസ്തുവർഷം 72-ൽ അദ്ദേഹം രക്തസാക്ഷിയായി എന്നതും ഈ വിശ്വാസത്തിന്റെ ഭാഗമാണ്. തോമാശ്ലീഹയുടേതായി കരുതപ്പെടുന്ന കബറിടം മൈലാപ്പൂരിൽ ഇപ്പോഴുണ്ടെങ്കിലും അവിടുത്തെ ഭൗതികാവശിഷ്ടം സിറിയയിലെ എഡേസായിലേയ്ക്കും അവിടെ നിന്നും ഇറ്റലിയിലെ ഓർത്തൊണയിലേക്കും കൊണ്ടു പോയതായി വിശ്വസിക്കപ്പെടുന്നു. തോമാശ്ലീഹാ സ്ഥാപിച്ചതായി വിശ്വസിക്കപ്പെടുന്ന പള്ളികൾ ഏഴരപ്പള്ളികൾ എന്നറിയപ്പെടുന്നു.
കേരളത്തിലെ ക്രൈസ്തവ സഭകൾതിരുത്തുക
കേരളത്തിലെ ക്രിസ്തീയ വിഭാഗങ്ങൾ
(അവലംബം: Religious Denominations of Kerala)[2]
കേരളത്തിലെ മുഖ്യധാരക്രൈസ്തവ സഭകൾ പ്രധാനമായും അഞ്ച് വിഭാഗങ്ങളിൽ പെടുന്നു.
കത്തോലിക്കാ സഭകൾതിരുത്തുക
റോമിലെ മാർപ്പാപ്പ പരമാധ്യക്ഷനായ കത്തോലിക്കാ സഭയുടെ മൂന്ന് വ്യക്തിസഭകൾ കേരളത്തിൽ പ്രവർത്തിക്കുന്നു.കേരളത്തിലെ ജൂദ പാരമ്പര്യം ഉള്ള ഏക ക്രിസ്തീയ സഭയാണ് ക്നാനായ സമുദായം
പൗരസ്ത്യ പാരമ്പര്യത്തിലുള്ള കത്തോലിക്കാ സഭകൾതിരുത്തുക
ലത്തീൻ പാരമ്പര്യത്തിലുള്ള കത്തോലിക്കാ സഭതിരുത്തുക
ഓർത്തഡോക്സ് സഭകൾതിരുത്തുക
ഓറിയന്റൽ ഓർത്തഡോക്സ് സഭാകുടുംബത്തിൽ ഉൾപ്പെടുന്ന രണ്ട് സഭകൾ കേരളത്തിലുണ്ട്
- മലങ്കര യാക്കോബായ സുറിയാനി ഓർത്തഡോക്സ് സഭ
- മലങ്കര ഓർത്തഡോക്സ് സുറിയാനി സഭ (ഇന്ത്യൻ ഓർത്തോഡോക്സ് സഭ)
1912 വരെ ഈ രണ്ടു സഭകളും ഒന്നായി നിലനിന്നിരുന്നു. 1912-ൽ അന്നത്തെ അന്ത്യോക്യ പാത്രിയാർക്കീസ് ആയിരുന്ന അബ്ദുള്ള II ബാവയും ആയുള്ള ഭിന്നിപ്പിൽ ബാവയുടെ കല്പന എതിർത്ത രണ്ടാം വിഭാഗത്തെ മുടക്കുകയും ചെയ്തു. ഈ മുടക്ക് അംഗീകരിക്കാത്ത അന്നത്തെ മലങ്കര മെത്രാപ്പോലീത്തയായിരുന്ന വട്ടശ്ശേരിൽ മാർ ദിവാന്നാസ്യോസിനെ അനുകൂലിച്ചവർ യോഗം ചേർന്നു മുൻ അബ്ദുൾ മിശിഹോ II പാത്രിയാർക്കീസ് നെ വരുത്തി കാതോലിക്കേറ്റ് രൂപീകരിക്കുകയും 1934 ഭരണഘടന ഉണ്ടാക്കി 'മെത്രാൻ കക്ഷി' എന്നു അറിയപ്പെടുകയും ചെയ്യുന്നു. അന്ത്യോഖ്യയിലെ പാത്രിയാർക്കീസ് ബാവയെ അനുകൂലിച്ച ആദ്യ വിഭാഗക്കാർ 'ബാവാ കക്ഷി' എന്ന പേരിലും അറിയപ്പെട്ടു. ഇവരെ യഥാക്രമം 'പാത്രിയാർക്കീസ് വിഭാഗം' എന്നും 'കാതോലിക്കോസ്‌ വിഭാഗം' എന്നും വിവക്ഷിച്ചിരുന്നു.[3] 1958-ൽ ഇരു വിഭാഗങ്ങളും വീണ്ടും ഒന്നായെങ്കിലും 1975 വരേയെ ഈ ഐക്യം നീണ്ട് നിന്നുള്ളൂ. ഇപ്പോൾ ഇവരിൽ രണ്ടാം വിഭാഗം കോട്ടയം ദേവലോകം ആസ്ഥാനമായി മലങ്കര ഓർത്തഡോക്സ് സുറിയാനി സഭ എന്ന പേരിൽ സ്വതന്ത്ര സഭയായും ആദിമ വിഭാഗം യാക്കോബായ സുറിയാനി ക്രിസ്ത്യാനി സഭ എന്ന പേരിൽ അന്ത്യോക്യ പാത്രിയാർക്കീസ് ബാവയുടെ കീഴിലുള്ള സുറിയാനി ഓർത്തഡോക്സ് സഭയുടെ അവിഭാജ്യ ഘടകമായും നിലകൊള്ളുന്നു.
സുറിയാനി പാരമ്പര്യത്തിലുള്ള മറ്റ് സഭകൾതിരുത്തുക
പ്രൊട്ടസ്റ്റൻറ് സഭകൾതിരുത്തുക
കത്തോലിക്കാ-ഓർത്തഡോക്സ്-പൗരസ്ത്യ സഭകളിൽ പെടാത്ത സഭകളെ പ്രൊട്ടസ്റ്റൻറ് വിഭാഗത്തിലാണ് പൊതുവേ പെടുത്തിയിരിക്കുന്നത്.
- ചർച്ച് ഓഫ് സൗത്ത് ഇന്ത്യ (സി.എസ്.ഐ)
- ആംഗ്ലിക്കൻ സഭ
- പെന്തക്കോസ്തു സഭകൾ
- ശാബത് സഭ (സെവൻ‍ത് ഡേ അഡ്വന്റിസ്റ്റുകൾ)
- ബ്രദറൺ സഭ (വേർപാടുകാർ)
- രക്ഷാ സൈന്യം (സാൽ‌വേഷൻ ആർമി)
മറ്റ് ക്രിസ്തീയ വിഭാഗങ്ങൾതിരുത്തുക
മുഖ്യധാര ക്രൈസ്തവസഭകളിൽ പെടാത്ത ക്രിസ്തീയ വിഭാഗങ്ങളും കേരളത്തിലുണ്ട്.
അവലംബംതിരുത്തുക
- ↑ 1.0 1.1 HILL, JOHN (1963). "1-SOUTH INDIA". THE ROCKLIFF NEW PROJECT - ILLUSTRATED GEOGRAPHY - THE INDIAN SUB-CONTINENT. LONDON: BARRIE & ROCKLIFF. പുറം. 28.
{{cite book}}: Cite has empty unknown parameter:|coauthors=(help) - ↑ K.C. Zachariah (April 2016). "Religious Denominations of Kerala" (PDF). Center for Development Studies. മൂലതാളിൽ (PDF) നിന്നും 2018-04-17-ന് ആർക്കൈവ് ചെയ്തത്. ശേഖരിച്ചത് 8 July 2018.
- ↑ മനോരമ ഇയർ ബുക്ക്‌ 2006 പേജു 403. മനോരമ പ്രസ്സ്‌, കോട്ടയം
|
ഈ ലേഖനം അപൂർണ്ണമാണ്‌. ഇതു പൂർത്തിയാക്കുവാൻ സഹകരിക്കുക. |