ആളാർ

മലപ്പുറം ജില്ലയിലെ പെരിന്തൽമണ്ണ താലൂക്കിൽ‌ മാത്രമുള്ള ഒരു ആദിവാസിവർഗമാണ് ആളാർ. ഗുഹകളീൽ പാർക്കുന്നവർ എന്നാണ് ആളാർ എന്ന പേരിന്റെ അർത്ഥം എന്ന് കരുതപ്പെടുന്നു. ചാത്തന്മാർ എന്നറിയപ്പെടാനാണ് ഇവർക്കിഷ്ടം. കേരളത്തിലെ ഏറ്റവും പ്രാചീന വർഗങ്ങളിൽ ഒന്നാണിവർ. ജനസംഖ്യ വളരെ കുറവാണ്. തമിഴും തുളുവും കലർന്നതാണ് ഭാഷ.

പ്രാകൃതമായ ജീവിതരീതിയാണ് അളാരുടേത്. കാട്ടിൽ അലഞ്ഞുനടന്ന് ചത്ത മൃഗങ്ങളുടെ മാംസം പോലും ഇവർ ആഹാരമാക്കാറുണ്ട്. ഒരിടത്തും സ്ഥിരതാമസമാക്കാത്ത ഇവർ പാറകളിലും ഗുഹകളിലും മരങ്ങളിലുമൊക്കെയാണ് ജീവിക്കുന്നത്. കുരങ്ങന്മാരെ പിടിക്കുന്നതിൽ വിദഗ്ദ്ധരാണിവർ. പട്ടികളെ വളർത്തുന്നതിൽ വലിയ കമ്പമാണ് ആളാർക്ക്.