പളിയർ

ഇടുക്കി ജില്ലയിലെ കുമളിയിലും വണ്ടൻ‌മേട് പ്രദേശങ്ങളിലും കണ്ടുവരുന്ന ആദിവാസിവർഗമാണ് പളിയർ. മലയാളവും തമിഴും ഇടകലർന്നതാണ് ഇവരുടെ ഭാഷ. തമിഴ്നാട്ടിലെ ഗൂഡല്ലൂരിൽ നിന്ന് ഏലകൃഷിക്കായി കേരളത്തിലെത്തിയവരാണ് പളിയരായി മാറിയതെന്ന് പറയപ്പെടുന്നു. തമിഴ്നാട്ടിലെ കാട്ടുകള്ളാർ വിഭാഗത്തിൽ പെട്ടവരാണ് തങ്ങളെന്ന് ഇവർ വിശ്വസിക്കുന്നു. ഇവരുടെ ആരാധനാ ദേവതയായ മാരിയമ്മനെ പ്രീതിപ്പെടുത്തുന്നതിന് മാരിയമ്മൻ ക്ഷേത്രങ്ങളിൽ നടത്തുന്ന പാരമ്പര്യ നൃത്തരൂപമാണ് പളിയ നൃത്തം.