ഭാഷാകൗടലീയം
(ഭാഷാകൌടിലീയം എന്ന താളിൽ നിന്നും തിരിച്ചുവിട്ടതു പ്രകാരം)
ലഭിച്ചിട്ടുള്ള മലയാളഗദ്യഗ്രന്ഥങ്ങളിൽ ഏറ്റവും പഴക്കമുള്ള കൃതിയാണ്‌ ഭാഷാകൗടലീയം. കൗടല്യന്റെ അർത്ഥശാസ്ത്രത്തിന്റെ വ്യാഖ്യാനരൂപത്തിലുള്ള ഭാഷാന്തരമാണ്‌ ഇത്. അർത്ഥശാസ്ത്രത്തിന്റെ 15 അധികരണങ്ങളിൽ 7 എണ്ണത്തിന്റെ ആഖ്യാനം മാത്രമേ കണ്ടുകിട്ടിയിട്ടുള്ളൂ.
രചയിതാവ്, കാലം
തിരുത്തുകഭാഷയുടെ പഴക്കംകൊണ്ട് ചേരരാജാക്കന്മാർക്ക് പ്രാബല്യമുണ്ടായിരുന്ന ക്രി.പി.9-ആം ശതകത്തിലോ 10 -ആം ശതകത്തിലോ ആയിരിക്കണം ഭാഷാകൗടലീയത്തിന്റെ നിർമ്മിതി എന്ന് ഉള്ളൂർ അനുമാനിക്കുന്നു. അവരിൽ ഏതോ ഒരു രാജാവിന്റെ ആജ്ഞയനുസരിച്ചായിരിക്കണം പ്രസ്തുത ഗ്രന്ഥത്തിന്റെ രചന എന്നും.[1] 11-ആം ശതകത്തിന്റെ ഉത്തരാർദ്ധമോ 12-ആം ശതകത്തിന്റെ പൂർവ്വാർദ്ധമോ ആയിരിക്കാനാണ്‌ ഇടയുള്ളത് എന്നാണ്‌ എൻ. കൃഷ്ണപിള്ളയുടെ പക്ഷം.[2] എന്നാൽ ഡോ.കെ.എം. പ്രഭാകരവാരിയർ 13-ആം നൂറ്റാണ്ടിന്റെ ആദ്യമാണ്‌ ഇതിന്റെ കാലമെന്ന് പ്രസ്താവിക്കുന്നു.[3]
അവലംബം
തിരുത്തുക- ↑ ഉള്ളൂർ, കേരളസാഹിത്യചരിത്രം
- ↑ എൻ. കൃഷ്ണപിള്ള- കൈരളിയുടെ കഥ
- ↑ കെ.എം. പ്രഭാകരവാരിയർ, മലയാളം - മാറ്റവും വളർച്ചയും, വള്ളത്തോൾ വിദ്യാപീഠം,2007