കുഞ്ഞാണ്ടി

മലയള സിനിമാ നാടക രംഗങ്ങളിൽ സ്വഭാവനടൻ സഹനടൻ എന്നീ നിലകളിൽ നിറഞ്ഞ സാന്നിദ്ധ്യമായിരുന്നു കുഞ്ഞാണ്ടി (1919–2002). നാടകനടനെന്ന നിലയിൽ പ്രാഗത്ഭ്യം തെളിയിച്ചതിനു ശേഷമാണ് കുഞ്ഞാണ്ടി ചലച്ചിത്ര രംഗത്തെത്തുന്നത്. അമ്പതുകളിൽ നാടകപ്രവർത്തനം ആരംഭിച്ച അദ്ദേഹം വർഷങ്ങളോളം നാടകരംഗത്ത് സജീവമായിരുന്നു. നൂറ്റമ്പതോളം ചിത്രങ്ങളിലും എണ്ണൂറോളം നാടകങ്ങളിലും കുഞ്ഞാണ്ടി അഭിനയിച്ചിട്ടുണ്ട്. ഉത്തരായനം, ഒരിടത്ത്, അരപ്പട്ട കെട്ടിയ ഗ്രാമത്തിൽ, അമൃതംഗമയ, നിർമാല്യം തുടങ്ങിയ ചിത്രങ്ങളിൽ അവതരിപ്പിച്ച കഥാപാത്രങ്ങൾ ശ്രദ്ധേയമായിരുന്നു. 2002 ജനവരി ആറ് ഞായറാഴ്ച കോഴിക്കോടിനടുത്തുള്ള കുതിരവട്ടത്തെ വീട്ടിൽ വെച്ച് എൺപത്തിമൂന്നാമത്തെ വയസ്സിൽ അന്തരിച്ചു.

കുഞ്ഞാണ്ടി
ജനനം	07 സെപ്റ്റംബർ 1919 കുതിരവട്ടം, കോഴിക്കോട് ജില്ല, കേരളം,
മരണം	6 ജനുവരി 2002(2002-01-06) (പ്രായം 82) കുതിരവട്ടം, കോഴിക്കോട് ജില്ല,
ദേശീയത	ഇന്ത്യൻ
തൊഴിൽ	ചലച്ചിത്രനടൻ, നാടക നടൻ
സജീവ കാലം	1962–1998
ജീവിതപങ്കാളി(കൾ)	ജാനകി
കുട്ടികൾ	മോഹൻ ദാസ് മുരളീധരൻ വത്സല പ്രഭാവതി ശൈലജ
മാതാപിതാക്ക(ൾ)	മൂച്ചിലോട്ട് ചേറൂട്ടി, കുഞ്ഞിമാളൂ

ജീവിതം

കുഞ്ഞാണ്ടി കോഴിക്കോട് ജനിച്ചു.കോട്ടൂളിയിലെ ഒരു എഴുത്തു പള്ളിയിൽ പഠനം തുടങ്ങി. കുതിരവട്ടം യു പി, പുതിയറ സഭ സ്ക്കൂൾ എന്നിവിടങ്ങളിൽ പ്രാഥമികവിദ്യാഭ്യാസം നടത്തി. അഞ്ചാം ക്ലാസ്സ് വരെ പഠിച്ചു. ഇതിനിടയിൽ ഭാഗവതർ കൃഷ്ണപ്പണിക്കരുടെ ശിക്ഷണത്തിൽ ശാസ്ത്രീയ സംഗീതം അഭ്യസിച്ചു. പന്ത്രണ്ടാം വയസ്സിൽ അല്ലി അർജുന എന്ന നാടകത്തിൽ ബാലനടനായി അരങ്ങേറ്റം കുറിച്ചു. 1937ൽ കോഴിക്കോട് മാതൃഭൂമിയിൽ ജോലി ലഭിച്ചു. ജോലിക്കിടയിൽ നാടകാഭിനയം തുടങ്ങിയ കുഞ്ഞാണ്ടി 1940ൽ ദേശപോഷിണിയുടെ ബി എ മായാവിയിലെ പ്രധാന നടൻ ആയി. തുടർന്നു് എണ്ണൂറോളം നാടകങ്ങളിൽ വിവിധ വേഷങ്ങൾ ചെയ്തു. 1962ൽ പുറത്തിറങ്ങിയ സ്വർഗ്ഗരാജ്യം ആണ് അദ്ദേഹത്തിന്റെ ആദ്യത്തെ സിനിമ.1970-80 കാലങ്ങളിൽ അദ്ദേഹം സിനിമയിൽ സജ്ജീവമയിരുന്നു .1972ലെ സംഗീത നാടക അക്കാദമി അവാർഡ്, 1993ലെ പുഷ്പശ്രീ ട്രസ്റ് അവാർഡ്, 1977ൽ കേരള സംഗീത അക്കാദമി ഫെലോഷിപ്പ്, 1999ൽ രാമാശ്രമം അവാർഡ് എന്നിവ ലഭിച്ചിട്ടുണ്ട്. ടെലിവിഷൻ സീരിയലുകളിലും അദ്ദേഹം പ്രത്യക്ഷപ്പെട്ടിട്ടുണ്ട്. 42 വർഷത്തോളം മാതൃഭൂമി പ്രസ്സിൽ ജോലി നോക്കിയിരുന്നു. അഞ്ച് മക്കളുണ്ട്.

അഭിനയിച്ച ചലച്ചിത്രങ്ങൾ

ക്ര.നം.	ചിത്രം	വർഷം	വേഷം
1	ദ ട്രൂത്ത്	1998
2	സിദ്ധാർത്ഥ	1998
3	കല്യാണ ഉണ്ണികൾ	1998
4	കല്യാണക്കച്ചേരി	1997
5	കാഞ്ചനം	1996
6	കിടിലോൽക്കിടിലം	1995
7	നം 1 സ്നേഹതീരം ബാംഗ്ലൂർ നോർത്ത്	1995
8	ആമിന ടൈലേഴ്സ്	1991	മൊയ്തുക്ക
9	കടവ്	1991
10	കടത്തനാടൻ അമ്പാടി	1990
11	ബ്രഹ്മരക്ഷസ്സ്	1990
12	മാളൂട്ടി	1990	ഗോവിന്ദൻ നായർ
13	മഹായാനം	1989
14	ധ്വനി	1988
15	കനകാംബരങ്ങൾ	1988	ഗോപാലൻ മാസ്റ്റർ
16	മരിക്കുന്നില്ല ഞാൻ	1988
17	ഒരിടത്ത്	1987	തോമാച്ചൻ
18	വൃത്തം	1987
19	അമൃതം ഗമയ	1987	കാക്ക
20	അരപ്പട്ട കെട്ടിയ ഗ്രാമത്തിൽ	1986
21	മലമുകളിലെ ദൈവം	1986
22	ദൂരെ ദൂരെ ഒരു കൂടു കൂട്ടാം	1986	ഗോവിന്ദൻ കുട്ടി മാഷ്
23	വാർത്ത	1986
24	പഞ്ചാഗ്നി	1986
25	അത്തം ചിത്തിര ചോതി	1986	പണിക്കർ
26	അടിവേരുകൾ	1986
27	കയ്യും തലയും പുറത്തിടരുത്	1985
28	വെള്ളം	1985
29	അനുബന്ധം	1985
30	ശ്രീകൃഷ്ണപ്പരുന്ത്	1984
31	എൻ.എച് 47	1984
32	സുറുമയിട്ട കണ്ണുകൾ	1983
33	ഇനിയെങ്കിലും	1983	നാണൂ ആശാരി
34	കണ്മണിക്കൊരുമ്മ	1982
35	അഹിംസ	1982
36	അങ്കുരം	1982
37	ഈ നാട്	1982	ബീരാൻ
38	ചാപ്പ	1982
39	ഇളനീർ	1981
40	ഗ്രീഷ്മജ്വാല	1981
41	അങ്ങാടി	1980
42	വിൽക്കാനുണ്ട് സ്വപ്നങ്ങൾ	1980	അച്ഛൻ
43	ലാവ	1980	കുമാരൻ
44	ചാകര	1980	ശങ്കരൻ മാസ്റ്റർ
45	അന്യരുടെ ഭൂമി	1979
46	ബന്ധനം	1978	ശങ്കരമേനോൻ
47	ഉദയം കിഴക്കു തന്നെ	1976
48	ഉത്തരായനം	1975
49	സ്ഥാനാർത്ഥി സാറാമ്മ	1966	ഗോപിപ്പിള്ള
50	മുറപ്പെണ്ണ്	1965	കുട്ടപ്പമേനോൻ
51	ആദ്യകിരണങ്ങൾ	1964	പാപ്പി
52	തച്ചോളി ഒതേനൻ	1964	കണ്ടചേരി ചാപ്പൻ
53	അമ്മയെകാണാൻ	1963	കുട്ടായി
54	സ്വർഗ്ഗരാജ്യം	1962

External links

• ഇന്റർനെറ്റ് മൂവി ഡാറ്റാബേസിൽ നിന്ന് കുഞ്ഞാണ്ടി
• Kunjandi at MSI
• http://oldmalayalamcinema.wordpress.com/2011/01/06/remembering-m-kunjandi-9-years-on/
• http://entertainment.oneindia.in/celebs/kunjandi/filmography.html