കബിനി നദി

കബിനി അഥവാ കപില എന്നും അറിയപ്പെടുന്ന(ചിലപ്പോൾ കബനി എന്നും പറയുന്നു) ഈ നദി കാവേരി നദിയുടെ പോഷക നദിയാണ്. കേരളം, കർണാടകം എന്നീ രണ്ട് സംസ്ഥാനങ്ങളിൽ കൂടി ഒഴുകുന്നു. കേരളത്തിൽ കിഴക്കോട്ടൊഴുകുന്ന മൂന്ന് നദികളിൽ ഏറ്റവും വടക്കേയറ്റത്തുള്ളത് കബിനിയാണ്.

കേരളത്തിലെ നദികൾ

പെരിയാർ ഭാരതപ്പുഴ പമ്പാ നദി ചാലിയാർ കടലുണ്ടിപ്പുഴ അച്ചൻ‌കോവിലാറ് കല്ലടയാർ മൂവാറ്റുപുഴയാർ മുല്ലയാർ വളപട്ടണം പുഴ ചന്ദ്രഗിരി പുഴ മണിമലയാർ വാമനപുരം പുഴ കുപ്പം പുഴ മീനച്ചിലാർ കുറ്റ്യാടി നദി കരമനയാർ ഷിറിയ പുഴ കാര്യങ്കോട് പുഴ ഇത്തിക്കരയാർ നെയ്യാർ മയ്യഴിപ്പുഴ പയ്യന്നൂർ പുഴ ഉപ്പള പുഴ ചാലക്കുടിപ്പുഴ കരുവന്നൂർ പുഴ താണിക്കുടം പുഴ കേച്ചേരിപ്പുഴ അഞ്ചരക്കണ്ടി പുഴ തിരൂർ പുഴ നീലേശ്വരം പുഴ പള്ളിക്കൽ പുഴ കോരപ്പുഴ മോഗ്രാൽ പുഴ കവ്വായിപ്പുഴ മാമം പുഴ തലശ്ശേരി പുഴ ചിറ്റാരി പുഴ കല്ലായിപ്പുഴ രാമപുരം പുഴ അയിരൂർ പുഴ മഞ്ചേശ്വരം പുഴ കബിനി നദി ഭവാനി നദി പാംബാർ നദി തൊടുപുഴയാർ

സ്ഥിതിവിവരം

• നദിതടപ്രദേശം - 7040 ചതുരശ്ര കി. മീ.
• നീളം - 234 കി. മീ.

നദി

പശ്ചിമ ഘട്ട മലനിരകളിൽ ഉത്ഭവിച്ച്, വയനാട്ടിൽ മാനന്തവാടി പുഴയുടെയും പനമരം പുഴയുടേയും സംഗമത്തിൽ വെച്ച് കബിനിയെന്ന് പെരെടുക്കുന്നു.അവിടെ നിന്നും കിഴക്ക് ദിശയിൽ ഒഴുകി കർണാടകത്തിൽ തിരുമകുടൽ നർസിപൂരിൽ കാവേരിയുമായി ചേരുന്നു. നുഗു,ഗുണ്ടൽ, താരക,ഹബ്ബഹള്ള എന്നിവ കബിനിയുടെ പോഷക നദികളാണ്. മൈസൂര്‍ ജില്ലയിൽ ഹെഗ്ഗദേവനകൊട്ടക്കടുത്ത് ബീദരഹള്ളിക്കും ബീച്ചനഹള്ളിക്കും ഇടയിൽ പണിഞ്ഞിരുക്കുന്ന കബിനി അണകെട്ട് ജലസേചനത്തിനും വൈദ്യുതി ഉത്പാദിക്കാനും ഉപയോഗിക്കുന്നു. കൂടാതെ ബന്ദിപൂർ ദേശീയ ഉദ്യാനവും നാഗർ‌ഹോളെ ദേശീയ ഉദ്യാനവും (രാജിവ് ഗാന്ധി ദേശീയ ഉദ്യാനം) കബിനി ജലസംഭരണിയോട് ചെർന്ന് കിടക്കുന്നു. വേനൽ കാലങ്ങളിൽ ദാഹ ജലത്തിനായി വലയുന്ന പക്ഷിമൃഗാദികൾക്ക് ഈ ജലസ്രോതസ്സ് ഉപയോഗപ്രദമാവുന്നു.അതിനാൽ വേനൽ കാലങ്ങളിൽ ധാരാളം വിനോദ സാഞ്ചാരികളെ ഇവിടം ആകർഷിക്കുന്നു.

കബനി ഡാം

മൈസൂർ ജില്ലയിലെ കബിലാ നദിയിലാണ് കബിനി അണക്കെട്ട് നിർമ്മിച്ചിരിക്കുന്നത്. 696 മീറ്റർ നീളമുള്ള ഈ അണക്കെട്ട് 1974-ൽ നിർമ്മിച്ചതാണ്. താലൂക്ക് ഹെഗ്ഗഡദേവനകോട്ട് ബീച്ചനഹള്ളി ഗ്രാമത്തിനടുത്താണ് ഡാമിന്റെ കൃത്യമായ സ്ഥാനം. അണക്കെട്ടിന്റെ വൃഷ്ടിപ്രദേശം 2,141.90 കി.മീ. ഇത് ഏകദേശം 22 ഗ്രാമങ്ങളുടെയും 14 കുഗ്രാമങ്ങളുടെയും ആവശ്യങ്ങൾ നിറവേറ്റുന്നു, കൂടാതെ മൈസൂരുവിലേക്കും ബെംഗളൂരുവിലേയും ഒരു പ്രമുഖ കുടിവെള്ള സ്രോതസ്സാണ്. സംസ്ഥാനത്തിന്റെ ആവശ്യങ്ങൾ നിറവേറ്റുന്നതിനായി തമിഴ്‌നാട്ടിലെ മേട്ടൂർ റിസർവോയറിലേക്ക് കൂടുതൽ ഗണ്യമായ അളവിൽ വെള്ളം പുറന്തള്ളുന്നു.

ഈ അണക്കെട്ട് സാഗരെഡോഡകെരെ, അപ്പർ നുഗു ഡാമുകളുടെ സംയോജിത സംവിധാനത്തിലേക്കും വെള്ളം നൽകുന്നു. കബനി അണക്കെട്ടിൽ നിന്ന് മറ്റ് രണ്ട് ചെറിയ അണക്കെട്ടുകളിലേക്ക് മൺസൂൺ മാസങ്ങളിൽ 28.00 ടിഎംസി വെള്ളം ലിഫ്റ്റ് ചെയ്യാനും കൈമാറാനുമുള്ള ക്രമീകരണമുണ്ട്. കാടുകൾ, നദികൾ, തടാകങ്ങൾ, താഴ്‌വരകൾ എന്നിവ ഉൾക്കൊള്ളുന്ന 55 ഹെക്ടർ വിസ്തൃതിയിലാണ് അണക്കെട്ട് പരന്നുകിടക്കുന്നത്.

സ്രോതസ്സ്

• കർണാടക ജലവിഭവ വകുപ്പ്
• കർണാടക വിഷൻ Archived 2006-10-26 at the Wayback Machine.

ഗാലറി

• 

  കബനിഗിരിയിൽ നിന്നുള്ള കബിനി നദിയുടെ കാഴ്ച്ച

• 

  കബനി നദിയിലുടെ കുറുവ ദ്വീപുകളിലേക്ക്