എൻ.പി. നായർ
ഒരു ഇന്ത്യൻ സ്വാതന്ത്ര്യസമര സേനാനിയും നേതാജി സ്മാരകനിധി സ്ഥാപകനും ഒരു എഴുത്തുകാരനുമായിരുന്നു കൊല്ലം ജില്ലയിൽ നിന്നുള്ള എൻ. പി. നായർ എന്ന് അറിയപ്പെടുന്ന എൻ. പരമേശ്വരൻ നായർ (1913 ഡിസംബർ 10 - 2011 ജനുവരി 23).[1]
എൻ. പി. നായർ | |
|---|---|
| ജനനം | ഡിസംബർ 10, 1913 |
| മരണം | ജനുവരി 23, 2011 (പ്രായം 97) |
| ദേശീയത | ഇൻഡ്യ |
| മറ്റ് പേരുകൾ | എൻ. പരമേശ്വരൻ നായർ |
| വിദ്യാഭ്യാസം | ബിരുദധാരി |
| തൊഴിൽ | സ്വാതന്ത്ര്യസമര സേനാനി, അദ്ധ്യാപകൻ, സ്ഥാപകൻ- നേതാജി സ്മാരകനിധി |
| അറിയപ്പെടുന്നത് | Indian independence movement |
| ജീവിതപങ്കാളി(കൾ) | ഭാർഗവി അമ്മ |
| കുട്ടികൾ | റാണി, ചന്ദ്രസേനൻ, ശ്രീദേവി, ഹരി |
ആദ്യകാലജീവിതംതിരുത്തുക
1913 ഡിസംബർ 10-ന് എസ്. നാരായണപിളളയുടെയും ദേവി നങ്ങേലിഅമ്മയുടേയും മകനായി കൊല്ലം ജില്ലയിൽ ജനിച്ചു. അഞ്ചാലുംമൂട് പബ്ലിക്ക് സ്കൂൾ, കൊല്ലം ബോയ്സ് ഹൈസ്കൂൾ എന്നിവിടങ്ങളിൽ നിന്ന് സ്കൂൾ വിദ്യാഭ്യാസം പൂർത്തിയാക്കി. 1934-ൽ തിരുവിതാംകൂർ സയൻസ് കോളേജിൽ നിന്ന് രസതന്ത്രത്തിൽ ബിരുദമെടുത്തു. പിന്നിട് മലയയിലെ കാർഷിക ഗവേഷണരംഗത്തെ ഒരു രസതന്ത്രജ്ഞനായി അദ്ദേഹം തന്റെ ഔദ്യോഗിക ജീവിതം ആരംഭിച്ചു.[2]
സ്വാതന്ത്ര്യ പ്രസ്ഥാനംതിരുത്തുക
ഐ.എൻ.എ.യുടെ രൂപവത്കരണത്തിലും പ്രവർത്തനത്തിലും പങ്കുവഹിച്ച നിരവധി മലയാളികളുണ്ട്. 1943-ൽ ഉദ്യോഗം രാജിവച്ച്‌ സുഭാസ് ചന്ദ്ര ബോസ് രൂപംകൊടുത്ത ഇന്ത്യൻ നാഷണൽ ആർമി ഐ.എൻ.എ.യിൽ ചേർന്നു. പിന്നീട് ബ്രിട്ടീഷുകാർ അദ്ദേഹത്തെ അറസ്റ്റ് ചെയ്ത് ജയിലിലടച്ചു. അതിനുശേഷം ജൂൺ 1946 ന് ജയിലിൽ നിന്ന് മോചിതനായി.
പിന്നീടുള്ള ജീവിതംതിരുത്തുക
1946 ൽ കൃഷി ഗവേഷണ വിശകലന വിദഗ്ദ്ധനായി മദ്രാസ് പ്രവിശ്യയിലെ കൃഷിവകുപ്പിൽ ചേർന്ന നായർ 1950 വരെ അവിടെ പ്രവർത്തിച്ചു. 1950-ൽ മന്നത്ത് പത്മനാഭൻന്റെ അഭ്യർത്ഥനപ്രകാരം കേരളത്തിൽ മടങ്ങിയെത്തി അദ്ധ്യാപകവൃത്തി സ്വീകരിച്ചു. 1974 ൽ ഹെഡ് മാസ്റ്ററായി വിരമിക്കുന്നതിന് മുമ്പ് വരെ പന്തളം എൻ.എസ്.എസ് സ്കൂളുകളിൽ അധ്യാപകനായി പ്രവർത്തിച്ചു.
1992 ൽ കൊല്ലത്ത് നേതാജി സ്മാരക് നിധി എന്ന ലാഭേച്ഛയില്ലാതെ പ്രവർത്തിക്കുന്ന സംഘടന സ്ഥാപിച്ചു.[3] കേരള എക്സ് ഐ.എൻ.എ. അസോസിയേഷനിലും കേരള ഫ്രീഡം ഫൈറ്റർ അസോസിയേഷനിലും അംഗമായിരുന്നു.
2010 ൽ തളർവാതം പിടിപെട്ടു. 2011 ൽ അദ്ദേഹം അന്തരിച്ചു.
രചയിതാവ്തിരുത്തുക
സ്വാതന്ത്ര്യ പ്രസ്ഥാനത്തെക്കുറിച്ചും ബോസിന്റെ ജീവിതവും കാലങ്ങളും, ബോസ് അപ്രത്യക്ഷമായ നിഗൂഢതയും സംബന്ധിച്ചുള്ള ഗ്രന്ഥങ്ങൾ രചിച്ചു. ഐ.എൻ.എയും നേതാജിയും (വിവർത്തനം), ജാലിയൻവാലാദുരന്തം, ക്വിറ്റ്‌ ഇന്ത്യാ സമരം, നേതാജി സുഭാസ് ചന്ദ്രബോസ്‌, ഓപ്പറേഷൻ ബ്ലൂസ്‌റ്റാർ, ആൻഡമാനിലൂടെ, സുഭാസിന്റെ സാഹസികയാത്രകൾ, നേതാജിയുടെ രാഷ്‌ട്രസേവനങ്ങൾ, നേതാജി എവിടെ,[4] 1946-ലെ ഇന്ത്യൻ നാവിക ലഹള എന്നിവയാണ് മറ്റു കൃതികൾ. കേരള വിദ്യാഭ്യാസവകുപ്പിനുവേണ്ടി സയൻസ് റീഡേഴ്‌സ്‌ വിഭാഗത്തിൽ സ്‌ഫോടകവസ്‌തുക്കൾ, റെയിൽവേ-ഇന്നലെ ഇന്ന്‌ നാളെ എന്നീ ഗ്രന്ഥങ്ങളും രചിച്ചിട്ടുണ്ട്.[5][6][7][8]
അവലംബംതിരുത്തുക
- ↑ "Kollam District News, Local News,കൊല്ലം , ,എൻ.പി.നായരെ അനുസ്മരിച്ചു ,Kerala - Mathrubhumi". archives.mathrubhumi.com. മൂലതാളിൽ നിന്നും 2020-09-23-ന് ആർക്കൈവ് ചെയ്തത്. ശേഖരിച്ചത് 2018-08-14.
- ↑ "Puzha Books - NP Nayar". Puzha. മൂലതാളിൽ നിന്നും 2020-08-10-ന് ആർക്കൈവ് ചെയ്തത്. ശേഖരിച്ചത് 21 May 2015.
- ↑ tribuneindia... Punjab
- ↑ "മിഷൻ നേതാജിയിൽ കൊല്ലത്തിന്റെ".[പ്രവർത്തിക്കാത്ത കണ്ണി]
- ↑ Netaji Evite?. ISBN 8171306926. ശേഖരിച്ചത് 21 May 2015.
- ↑ "Mahatma Gandhi University Library". Mahatma Gandhi University Library. ശേഖരിച്ചത് 21 May 2015.
- ↑ "Grandham - നായർ എൻ.പി". Grandham. മൂലതാളിൽ നിന്നും 2015-05-21-ന് ആർക്കൈവ് ചെയ്തത്. ശേഖരിച്ചത് 21 May 2015.
- ↑ "University Library - OPAC". University Library - OPAC. ശേഖരിച്ചത് 21 May 2015.
