സി.എച്ച്. മുഹമ്മദ്കോയ

കേരളത്തിലെ മുൻ മുഖ്യമന്ത്രിയും മുസ്ലീം ലീഗിന്റെ സമുന്നതനായ നേതാവുമായിരുന്നു ഇദ്ദേഹം.
(സി.എച്ച്. മുഹമ്മദ് കോയ എന്ന താളിൽ നിന്നും തിരിച്ചുവിട്ടതു പ്രകാരം)

കേരളത്തിലെ മുൻ മുഖ്യമന്ത്രിയും മുസ്ലീം ലീഗിന്റെ സമുന്നതനായ നേതാവുമായിരുന്നു സി.എച്ച്. മുഹമ്മദ് കോയ (ജൂലൈ 15, 1927 - സെപ്റ്റംബർ 28, 1983). ലീഗിന്റെ കേരളത്തിലെ ഏക മുഖ്യമന്ത്രിയും ഇദ്ദേഹമായിരുന്നു. 1962 ൽ കോഴിക്കോട് നിന്നും 1973 ൽ മുഹമ്മദ് ഇസ്മായിൽ സാഹിബിന്റെ ഒഴിവിൽ മഞ്ചേരിയിൽ നിന്നും ലോക്സഭയിലേക്കും തിരഞ്ഞെടുക്കപ്പെട്ടിട്ടുണ്ട്. കഴിവുറ്റ ഭരണാധികാരിയും പ്രശസ്തനായ പത്രപ്രവർത്തകനും ഒരു ഡസനിലേറെ പുസ്തകങ്ങളുടെ കർത്താവും പ്രശസ്ത വാഗ്മിയും രാഷ്ട്രതന്ത്രജ്ഞനുമായിരുന്നു അദ്ദേഹം. കാലിക്കറ്റ് സർവകലാശാല സ്ഥാപിച്ചത് സി.എച്ചിന്റെ പരിശ്രമങ്ങൾ മൂലമാണ്. പത്താം ക്ലാസ്സ് വരെയുള്ള വിദ്യാഭ്യാസം സൗജന്യം ആക്കിയത് ഇദ്ദേഹമാണ്.

സി.എച്ച്. മുഹമ്മദ്കോയ
CHmohammedKoya.jpg
കേരളത്തിന്റെ രണ്ടാം ഉപമുഖ്യമന്ത്രി
ഔദ്യോഗിക കാലം
മേയ് 24 1982 – സെപ്റ്റംബർ 28 1983
മുഖ്യമന്ത്രികെ. കരുണാകരൻ
മുൻഗാമിOffice Vacant
പിൻഗാമികെ. അവുക്കാദർക്കുട്ടി നഹ
ഔദ്യോഗിക കാലം
ഡിസംബർ 28 1981 – മാർച്ച് 17 1982
മുഖ്യമന്ത്രികെ. കരുണാകരൻ
മുൻഗാമിആർ. ശങ്കർ
പിൻഗാമിOffice Vacant
എട്ടാമത് കേരള മുഖ്യമന്ത്രി
ഔദ്യോഗിക കാലം
12 ഒക്ടോബർ 1979 – 1 ഡിസംബർ 1979
ഗവർണ്ണർജ്യോതി വെങ്കിടാചലം
മുൻഗാമിപി.കെ. വാസുദേവൻ നായർ
പിൻഗാമിരാഷ്ട്രപതി ഭരണം
കേരളാ നിയമസഭാസ്പീക്കർ
ഔദ്യോഗിക കാലം
9 ജൂൺ 1961 – 11 നവംബർ 1961
മുൻഗാമികെ.എം. സീതി സാഹിബ്
പിൻഗാമിഅലക്സാണ്ടർ പറമ്പിത്തറ
ലോക്സഭാംഗം
ഔദ്യോഗിക കാലം
25 ഫെബ്രുവരി 1962 – 21 ഫെബ്രുവരി 1967
മുൻഗാമികെ.പി. കുട്ടിക്കൃഷ്ണൻ നായർ
പിൻഗാമിഇബ്രാഹിം സുലൈമാൻ സേട്ട്
മണ്ഡലംകോഴിക്കോട്
ഔദ്യോഗിക കാലം
5 ഫെബ്രുവരി 1973 – 20 മാർച്ച് 1977
മുൻഗാമിമുഹമ്മദ് ഇസ്മായിൽ
പിൻഗാമിഇബ്രാഹിം സുലൈമാൻ സേട്ട്
മണ്ഡലംമഞ്ചേരി
കേരള നിയമസഭാംഗം
ഔദ്യോഗിക കാലം
5 ഏപ്രിൽ 1957 – 6 മാർച്ച് 1962
പിൻഗാമിസി. മുഹമ്മദ് കുട്ടി
മണ്ഡലംതാനൂർ
ഔദ്യോഗിക കാലം
6 മാർച്ച് 1967 – 17 സെപ്റ്റംബർ 1970
മുൻഗാമിപി. അബ്ദുൾ മജീദ്
പിൻഗാമിഎം. മൊയ്തീൻ കുട്ടി
മണ്ഡലംമങ്കട
ഔദ്യോഗിക കാലം
17 സെപ്റ്റംബർ 1970 – 5 ഫെബ്രുവരി 1973
മുൻഗാമിസയ്യിദ് ഉമ്മർ ബാഫക്കി
പിൻഗാമിപി. സീതി ഹാജി
മണ്ഡലംകൊണ്ടോട്ടി
ഔദ്യോഗിക കാലം
25 മാർച്ച് 1977 – 3 ജനുവരി 1980
മുൻഗാമിയു.എ. ബീരാൻ
പിൻഗാമിയു.എ. ബീരാൻ
മണ്ഡലംമലപ്പുറം
ഔദ്യോഗിക കാലം
26 മാർച്ച് 1980 – 28 സെപ്റ്റംബർ 1983
മുൻഗാമിഎം.പി.എം. അബ്ദുള്ള കുരിക്കൾ
പിൻഗാമിഇസ്ഹാഖ് കുരിക്കൾ
മണ്ഡലംമഞ്ചേരി
വ്യക്തിഗത വിവരണം
ജനനം(1927-07-15)15 ജൂലൈ 1927
അത്തോളി
മരണം28 സെപ്റ്റംബർ 1983(1983-09-28) (പ്രായം 56)
ഹൈദരാബാദ്
രാഷ്ട്രീയ പാർട്ടിമുസ്ലിം ലീഗ്
പങ്കാളികെ.കെ. ആമിന (കല്ല്യാണം ജൂൺ 1 1950)[1]
മക്കൾരണ്ട് മകൾ ഒരു മകൻ (എം.കെ. മുനീർ)
As of 2 നവംബർ, 2007
ഉറവിടം: കേരള സർക്കാർ

പൊതുരംഗത്ത്തിരുത്തുക

1961 ൽ കെ.എം.സീതി സാഹിബിന്റെ നിര്യാണത്തെ തുടർന്ന് നിയമസഭാ സ്പീപീക്കറായി തിരഞ്ഞെടുക്കപ്പെട്ടു 1967-ലെ ഇ.എം.എസ്സ് മന്ത്രിസഭയിൽ വിദ്യാഭ്യാസ മന്ത്രിയായിരുന്നു അദ്ദേഹം. വിദ്യാഭ്യാസമന്ത്രിയെന്ന നിലയിൽ പല പുരോഗമനാശയങ്ങളും അദ്ദേഹം നടപ്പിലാക്കി. കേരളത്തിലെ കുട്ടികൾക്ക് 10‌-ആം ക്ലാസുവരെ വിദ്യാഭ്യാസം സൗജന്യമാക്കിയത് സി.എച്ച് വിദ്യാഭ്യാസ മന്ത്രിയായിരുന്ന കാലത്താണ്.മുസ്ലീം പെൺകുട്ടികൾക്ക് ഹൈസ്കൂൾ വിദ്യാഭ്യാസത്തിന് സ്കോളർഷിപ്പ് അദ്ദേഹം ഏർപ്പെടുത്തി.വിദ്യാഭ്യാസപരമായി പിന്നോക്കം നിന്ന മുസ്ലീം സമുദായത്തെ വിദ്യാഭ്യാസത്തിലേക്ക് ആകർഷിക്കാൻ അദ്ദേഹം പ്രാഥമിക വിദ്യാലയങ്ങളിൽ അറബി ഭാഷ ഒരു വിഷയമാക്കി. പല അറബി അദ്ധ്യാപകർക്കും ഇതുമൂലം സർക്കാർ ജോലി ലഭിച്ചു. മുസ്ലീം സമുദായത്തിൽ നിന്ന് ഒട്ടേറെ വിദ്യാർത്ഥികളെ വിദ്യാഭ്യാസത്തിന്റെ മുഖ്യധാരയിലേക്ക് ആകർഷിക്കാൻ സി.എച്ചിൻറെ ഈ നീക്കങ്ങൾക്കു കഴിഞ്ഞു.

വിദ്യാഭ്യാസ സംവരണത്തിന്റെ വക്താവായിരുന്നു സി.എച്ച്. മുസ്ലീം സമുദായത്തെ ഒ.ബി.സി. പട്ടികയിൽ ഉൾപ്പെടുത്തിയത് സി.എച്ചിൻറെ ശ്രമങ്ങളുടെ ഫലമായാണ്. സെനറ്റ്, സിൻഡിക്കേറ്റ്, അക്കാദമിക് കൌൺസിൽ എന്നീ സ്ഥാ‍പനങ്ങളിൽ സർവകലാശാലാ വിദ്യാർത്ഥികളുടെ പങ്കാളിത്തം നിലവിൽ വരുത്തിയത് സി.എച്ച്. ആണ്. മലപ്പുറം ജില്ല രൂപവത്കരിച്ചതിന്റെ പിന്നിലെ പ്രേരകശക്തിയും സി.എച്ച്. ആയിരുന്നു.

കാലിക്കറ്റ് സർവകലാശാല രൂപവത്കരിച്ചത് സി.എച്ചിന്റെ അശ്രാന്ത ശ്രമങ്ങളുടെ ഫലമായാണ്. കോഴിക്കോട്-മലപ്പുറം അതിർത്തിയിലെ അത്രയൊന്നും വികസിതമല്ലാത്ത ഒരു സ്ഥലം സർവകലാശാല ആസ്ഥാനമായി തിരഞ്ഞെടുത്തതുവഴി ആ സ്ഥലത്തിന്റെ പുരോഗതിക്കും സി.എച്ച് വഴിതെളിച്ചു.

കേരളത്തിലെ മുസ്ലീം സമുദായത്തെ ഇന്ത്യൻ ദേശീയതയുടെ മുഖ്യധാരയിൽ കൊണ്ടുവന്നു എന്നതാണ് സി.എച്ചിന്റെ മറ്റൊരു സംഭാവന. നല്ല വാഗ്മി എന്ന പേരു സമ്പാദിച്ച അദ്ദേഹത്തിന്റെ നർമവും ചിന്താശകലങ്ങളും കലർന്ന പ്രസംഗങ്ങൾ കേൾക്കാൻ ആളുകൾ പാ‍തിരാവുവരെ കാത്തിരിക്കുമായിരുന്നു. 1962മുതൽ 1967 വരെയും 1973 മുതൽ 77 വരെയും |ലോക്സഭാംഗമായിരുന്നു അദ്ദേഹം അവിടെയും തന്റെ മായാത്ത മുദ്ര പതിപ്പിച്ചു.

മുസ്ലീം ലീഗിന്റെ മുഖപത്രമായ ചന്ദ്രികയിൽ അദ്ദേഹം ലേഖനങ്ങൾ എഴുതിയിരുന്നു. മുസ്ലീം സമുദായത്തിന്റെ ആവശ്യങ്ങൾക്കുവേണ്ടി ചന്ദ്രികയിലൂടെ അദ്ദേഹം ശബ്ദിച്ചു. പുസ്തകരൂപത്തിൽ പ്രസിദ്ധീകരിച്ച അദ്ദേഹത്തിന്റെ യാത്രാവിവരണങ്ങൾ പ്രശസ്തമാണ്.

പുസ്തകങ്ങൾതിരുത്തുക

ഇരുപത്തിയെട്ടാമത്തെ വയസ്സിലാണ് സി.എച്ചിന്റെ ആദ്യ പുസ്തകം പുറത്തിറങ്ങിയത്. 1955 ൽ പ്രസിദ്ധീകരിച്ച "ലിയാഖത്ത് അലീഖാൻ". 1960 ൽ ഹജ്ജ് യാത്രയെക്കുറിച്ച് "എന്റെ ഹജ്ജ് യാത്ര" എന്ന ഗ്രന്ഥവും പുറത്തിറക്കി. കേരള നിയമസഭ സമാജികനായിരിക്കെ 1962 ൽ "നിയമസഭാ ചട്ടങ്ങൾ" എന്ന ഗ്രന്ഥമെഴുതി. 1965 ലാണ് "ഞാൻ കണ്ട മലേഷ്യ" എന്ന യാത്രാവിവരണ ഗ്രന്ഥം എഴുതിയത്. 1961 ൽ "കൊ-ലണ്ടൻ കെയ്‌റോ" എന്ന യാത്രാ വിവരണ ഗ്രന്ഥത്തിന്റെ ആദ്യപതിപ്പിറങ്ങി. 1973 ൽ "ശ്രീലങ്കയിൽ അഞ്ചു ദിവസം" 1974 ൽ "സോവിയറ്റ് യൂണ്യനിൽ" എന്ന പുസ്തകവും 1977 ൽ "ഗൾഫ് രാജ്യങ്ങളിൽ" എന്ന പുസ്തകവും പുറത്തിറങ്ങി. സി.എച്ചിന്റെ യാത്രാവിവരണഗ്രന്ഥങ്ങളെ അപഗ്രഥിച്ച് പത്രപ്രവർത്തകനായ റഹ്മാൻ തായലങ്ങാടി "സഞ്ചാര സാഹിത്യകാരനായ സി.എച്ച്". എന്ന പേരിൽ പുസ്തകം പ്രസിദ്ധീകരിച്ചിട്ടുണ്ട്. 1982 ൽ ലിബിയൻ യാത്രയെക്കുറിച്ച് "ലിബിയൻ ജമാഹിരിയയല" എന്ന പുസ്തകം പ്രസിദ്ധീകരിച്ചു. "ഇന്ത്യയിലെ മുസ്ലീം ഭരണകാലം കഥകളിലൂടെ" എന്ന ഗ്രന്ഥവും 1982 ലാണ് പുറത്തിറങ്ങിയത്

മരണംതിരുത്തുക

1983 സെപ്റ്റംബർ 28-ന് 56-ആമത്തെ വയസ്സിൽ ഹൈദരാബാദിലെ സ്റ്റേറ്റ് ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസിൽ വെച്ച് സി.എച്ച്. അന്തരിച്ചു. മരണസമയത്ത് അദ്ദേഹം കേരളത്തിന്റെ ഉപമുഖ്യമന്ത്രിയും പൊതുമരാമത്തുവകുപ്പുമന്ത്രിയുമായിരുന്നു. ഒരു പൊതുപരിപാടിയിൽ സംബന്ധിക്കാനായി ഹൈദരാബാദിലെത്തിയ അദ്ദേഹത്തിന് അവിടെ വച്ച് മസ്തിഷ്കാഘാതം ഉണ്ടാകുകയായിരുന്നു. മൃതദേഹം ജന്മനാട്ടിലെത്തിച്ച് പൂർണ ഔദ്യോഗിക ബഹുമതികളോടെ സംസ്കരിച്ചു. സി.എച്ചിന്റെ മരണത്തിനുശേഷം കെ. അവുക്കാദർകുട്ടി നഹ ഉപമുഖ്യമന്ത്രിയായി.

അവലംബംതിരുത്തുക

മുൻഗാമി
പി.കെ. വാസുദേവൻ നായർ
കേരളത്തിലെ മുഖ്യമന്ത്രിമാർ
1979– 1979
Succeeded by
ഇ.കെ. നായനാർ
"https://ml.wikipedia.org/w/index.php?title=സി.എച്ച്._മുഹമ്മദ്കോയ&oldid=3519513" എന്ന താളിൽനിന്ന് ശേഖരിച്ചത്