നരസിംഹം (ചലച്ചിത്രം)

നരസിംഹം
നരസിംഹം
	വി.സി.ഡി. പുറംചട്ട
സംവിധാനം	ഷാജി കൈലാസ്
നിർമ്മാണം	ആന്റണി പെരുമ്പാവൂർ
രചന	രഞ്ജിത്ത്
അഭിനേതാക്കൾ	മോഹൻലാൽ; തിലകൻ; എൻ.എഫ്. വർഗ്ഗീസ്; ഐശ്വര്യ;
സംഗീതം	എം.ജി. രാധാകൃഷ്ണൻ
ഗാനരചന	ഗിരീഷ് പുത്തഞ്ചേരി
ഛായാഗ്രഹണം	സഞ്ജീവ് ശങ്കർ
ചിത്രസംയോജനം	എൽ. ഭൂമിനാഥൻ
സ്റ്റുഡിയോ	ആശിർവാദ് സിനിമാസ്
വിതരണം	സ്വർഗ്ഗചിത്ര റിലീസ്
റിലീസിങ് തീയതി	2000 ജനുവരി 26
രാജ്യം	ഇന്ത്യ
ഭാഷ	മലയാളം
സമയദൈർഘ്യം	175 മിനിറ്റ്
ആകെ	₹22 കോടി

2000-ആം ആണ്ടിൽ പുറത്തിറങ്ങിയ ഒരു മലയാ‍ള ചലച്ചിത്രമാണ് നരസിംഹം. മോഹൻലാൽ നായകനായി അഭിനയിച്ച ഈ ചിത്രം മലയാള സിനിമാ ചരിത്രത്തിലെ ഏറ്റവും വലിയ ഹിറ്റുകളിൽ ഒന്നായിരുന്നു. 2000 വർഷത്തിലെ ഏറ്റവും കൂടുതൽ വരുമാനം നേടിക്കൊടുത്ത ചിത്രമായിരുന്നു ഈ ചലച്ചിത്രം. മലയാള സിനിമയിൽ ഏറ്റവും കൂടുതൽ വരുമാനം നേടി കൊടുത്ത സിനിമ എന്ന റെക്കോർഡ് ഈ സിനിമ സ്വന്തമാക്കി.^[2] രഞ്ജിത്തിന്റെ തിരക്കഥയിൽ ഷാജി കൈലാസ് ആണ് ഈ ചിത്രം സംവിധാനം ചെയ്തത്.

മോഹൻലാൽ ഈ ചിത്രത്തിൽ ഇന്ദുചൂഢൻ എന്ന കഥാപാത്രത്തിന്റെ റോളിൽ അഭിനയിച്ചിരിക്കുന്നു.^[3] മമ്മൂട്ടി ഒരു വക്കീലിന്റെ റോളിൽ ഈ ചിത്രത്തിൽ ഒരു അതിഥി താരമായി എത്തുന്നുണ്ട്. എം. ജി രാധാകൃഷ്ണൻ സം‌ഗീതം നൽകിയ മൂന്നു ഗാനങ്ങൾ ഈ ചിത്രത്തിലുണ്ട്.

2000-ൽ ഗണതന്ത്രദിവസം (റിപ്പബ്ലിക് ദിനം) ഇറങ്ങിയ ഈ ചിത്രം 100 ദിവസങ്ങളിൽ കൂടുതൽ തിയേറ്ററുകളിൽ പ്രദർശിപ്പിക്കപ്പെട്ടു. മൊത്തം കളക്ഷനായി ₹22 കോടി നേടുകയും നിർമ്മാതാവിന് ₹10 കോടി ലാഭമുണ്ടാക്കുകയും ചെയ്തു.^[1]^[2]

അഭിനേതാക്കൾ

മോഹൻലാൽ... പൂവള്ളി ഇന്ദുചൂഡൻ/അച്ചു/നരസിംഹം
മമ്മൂട്ടി...അഡ്വ.നന്ദഗോപാൽ മാരാർ (അതിഥി വേഷം)
ഐശ്വര്യ... അനുരാധ
തിലകൻ... ജസ്റ്റിസ് മാറഞ്ചേരി കരുണാകര മേനോൻ
കനക... ഇന്ദുലേഖ
എൻ.എഫ്. വർഗ്ഗീസ്... മണപ്പള്ളി പവിത്രൻ
സായികുമാർ... മണപ്പള്ളി സുധീരൻ
ജഗതി ശ്രീകുമാർ... ചന്ദ്രഭാനു
കലാഭവൻ മണി... ഭരതൻ
വിജയകുമാർ... ജയകൃഷ്ണൻ
മണിയൻപിള്ള രാജു... സി.ഐ.ഹബീബ്
ഭാരതി വിഷ്ണുവർധൻ...ഇന്ദുചൂഢന്റെ അമ്മ
വി.കെ. ശ്രീരാമൻ... വേണു മാഷ്
സാദിഖ്... ഇന്ദുചൂഢന്റെ കൂട്ടുകാരൻ
ഇർഷാദ്... ഇന്ദുചൂഢന്റെ കൂട്ടുകാരൻ
നരേന്ദ്രപ്രസാദ്... മൂപ്പിൽ നായർ
സ്ഫടികം ജോർജ്ജ്... വാസുദേവൻ
ഇ.എ. രാജേന്ദ്രൻ... രാമകൃഷ്ണൻ
ടി.പി. മാധവൻ... രാമൻ നായർ
കീരിക്കാടൻ ജോസ്... ഭാസ്കരൻ
കോഴിക്കോട് നാരായണൻ നായർ... മണപ്പള്ളി മാധവൻ നമ്പ്യാർ
ഭീമൻ രഘു... ഡി.വൈ.എസ്.പി.ശങ്കരനാരായണൻ
അഗസ്റ്റിൻ... ജില്ല പഞ്ചായത്ത്‌ പ്രസിഡന്റ്‌ ഏറാടി
ജഗന്നാഥ വർമ്മ... ജഡ്ജ്
കൊല്ലം തുളസി... പബ്ലിക് പ്രോസിക്യൂട്ടർ

സംഗീതം

ഗിരീഷ് പുത്തഞ്ചേരി എഴുതിയ ഗാനങ്ങൾക്ക് സംഗീതസംവിധാനം നിർവ്വഹിച്ചത് എം.ജി. രാധാകൃഷ്ണൻ ആണ്. പശ്ചാത്തലസംഗീതം ചെയ്തിരിക്കുന്നത് രാജാമണി.

ഗാനങ്ങൾ

ആരോടും ഒന്നും മിണ്ടാതെ – കെ.ജെ. യേശുദാസ്, കോറസ്
മഞ്ഞിൻ മുത്തെടുത്ത് – എം.ജി. ശ്രീകുമാർ, കെ. എസ് .ചിത്ര
പഴനി മല – എം.ജി. ശ്രീകുമാർ
അമ്മേ നിളേ നിനക്കെന്ത് പറ്റി – എം.ജി. ശ്രീകുമാർ
ധ്യാനം ധേയം നരസിംഹം – കെ.ജെ. യേശുദാസ്, കോറസ്
ആരോടും ഒന്നും മിണ്ടാതെ – കെ.ജെ. യേശുദാസ്, സുജാത മോഹൻ
മഞ്ഞിൻ മുത്തെടുത്ത് – സുജാത മോഹൻ
അമ്മേ നിളേ നിനക്കെന്ത് പറ്റി – കെ.ജെ. യേശുദാസ്
മഞ്ഞിൻ മുത്തെടുത്ത് – എം.ജി. ശ്രീകുമാർ

സ്വീകരണം

നരസിംഹം കേരളത്തിലെ 32 കേന്ദ്രങ്ങളിലാണ് റിലീസ് ചെയ്തത്. പ്രദർശനം തുടങ്ങി 35 ദിവസങ്ങൾക്കുള്ളിൽത്തന്നെ ചിത്രം ₹ 2 കോടി ഷെയർ നേടിയെടുത്തു.^[4] ₹10 കോടി നിർമ്മാതാവിന് ലാഭമുണ്ടാക്കിക്കൊടുത്ത ഈ ചിത്രം 200 ദിവസം തിയേറ്ററുകളിൽ പ്രദർശിപ്പിക്കുകയും ₹22 കോടി ആകെ കളക്ട് ചെയ്യുകയും ചെയ്തു. മലയാള സിനിമയിൽ ഏറ്റവും കൂടുതൽ വരുമാനം നേടി കൊടുത്ത സിനിമ എന്ന റെക്കോർഡ് ഈ സിനിമ സ്വന്തമാക്കി.^[1]^[2]

അണിയറ പ്രവർത്തകർ

അണിയറപ്രവർത്തനം	നിർ‌വ്വഹിച്ചത്
ഛായാഗ്രഹണം	സഞ്ജീവ് ശങ്കർ
ചിത്രസം‌യോജനം	എൽ. ഭൂമിനാഥൻ
കല	ബോബൻ
ചമയം	പി.വി. ശങ്കർ, സലീം
വസ്ത്രാലങ്കാരം	മനോജ് ആലപ്പുഴ, മുരളി
നൃത്തം	കുമാർ ശാന്തി, കല
സംഘട്ടനം	കനൽ കണ്ണൻ, സൂപ്പർ സുബ്ബരായൻ
നിർമ്മാണ നിയന്ത്രണം	പ്രവീൺ പരപ്പനങാടി
നിർമ്മാണ നിർവ്വഹണം	വി.വി. രാധാകൃഷ്ണൻ
അസോസിയേറ്റ്ഡയറക്ടർ	എം. പത്മകുമാർ