ഗിരീഷ് പുത്തഞ്ചേരി
മലയാളത്തിലെ ഏറ്റവും ജനപ്രിയനായ ചലച്ചിത്രഗാന രചയിതാവും, കവിയും, തിരക്കഥാകൃത്തുമായിരുന്നു ഗിരീഷ് പുത്തഞ്ചേരി (1961 — 2010 [1][2]).ഇന്ത്യൻ പെർഫോമൻസ് റൈറ്റ്‌സ് സൊസൈറ്റിയുടെ ഭരണ സമിതി അംഗമായും പ്രവർത്തിച്ച അദ്ദേഹം ഏഴു തവണ മികച്ച ഗാനരചയിതാവിനുള്ള സംസ്ഥാന സർക്കാരിന്റെ പുരസ്കാരം ഏറ്റുവാങ്ങി. ചുരുങ്ങിയ കാലയളവിൽ ഏറ്റവുമധികം ഗാനങ്ങൾ മലയാള സിനിമയിൽ രചിച്ച ബഹുമുഖ പ്രതിഭ എന്ന പേരിലും അദ്ദേഹം അറിയായപ്പെട്ടു. 2010 ഫെബ്രുവരി 10ന് മസ്തിഷ്ക രക്തസ്രാവത്തെ തുടർന്ന് അദ്ദേഹം മരണപ്പെട്ടു.
ഗിരീഷ് പുത്തഞ്ചേരി | |
|---|---|
 | |
| ജനനം | മേയ് 1, 1961 പുത്തഞ്ചേരി ,കോഴിക്കോട് ജില്ല, കേരളം |
| മരണം | ഫെബ്രുവരി 10, 2010 (പ്രായം 48) കോഴിക്കോട്, കേരളം |
| മരണ കാരണം | മസ്തിഷ്ക രക്തസ്രാവം |
| ദേശീയത | ഇന്ത്യ |
| കലാലയം | ഗവ. ആർട്സ് ആൻഡ് സയൻസ് കോളേജ് മീഞ്ചന്ത |
| തൊഴിൽ | ഗാനരചയിതാവ് കവി |
| സജീവ കാലം | 1990 - 2010 |
| Home town | പുത്തഞ്ചേരി |
| ജീവിതപങ്കാളി(കൾ) | ബീന |
| കുട്ടികൾ | ജിതിൻ പുത്തഞ്ചേരി, ദിൻ നാഥ്‌ പുത്തഞ്ചേരി |
ജീവിത രേഖതിരുത്തുക
ജ്യോതിഷം,വൈദ്യം, വ്യാകരണം തുടങ്ങിയ വിഷയങ്ങളിൽ പണ്ഡിതനായ പരേതരായ പുളിക്കൂൽ കൃഷ്ണപ്പണിക്കരുടേയും കർണാടക സംഗീത വിദൂഷിയായ മീനാക്ഷിയമ്മയുടേയും മകനായി 1961 മേയ് 1 ന് കോഴിക്കോട് ജില്ലയിലെ പുത്തഞ്ചേരിയിൽ ജനനം .സർക്കാർ എ.എൽ .പി.സ്കൂൾ പുത്തഞ്ചേരി, മൊടക്കല്ലൂർ എ.യു.പി.സ്കൂൾ, പാലോറ സെക്കൻ‍ഡറി സ്കൂൾ, ഗവ:ആർട്സ് ആൻഡ് സയൻസ് കോളേജ് കോഴിക്കോട് എന്നിവിടങ്ങളിൽ പഠനം.പുത്തഞ്ചേരി ഗ്രാമത്തിലെ ബാലസംഘത്തിലെ സജീവ അംഗമായിരുന്ന ഗിരീഷ് ചെറിയ പ്രായത്തിൽ തന്നെ മലയാള സാഹിത്യത്തിലേക്ക് ആകർഷണനായിരുന്നു .പിന്നീട് സാംസ്കാരിക കൂട്ടായ്മയായ ചെന്താര പുത്തഞ്ചേരിയുടെ സജീവ അംഗമായും പ്രവർത്തിച്ചു അന്ന് ചെന്താര കൂട്ടായ്മയുടെ നാടകങ്ങൾ രചിച്ചതും സംവിധാനം ചെയ്തതും ഗിരീഷ് ആയിരുന്നു.പതിനാലാം വയസ്സിൽ ആദ്യ കവിത ചെന്താരയുടെ മോചനം എന്ന മാഗസിനിൽ പ്രസിദ്ധീകരിച്ചു. പഠനകാലത്ത് കോഴിക്കോട് ആകാശവാണി,എച്ച്.എംവി , തരംഗിണി,മാഗ്ന സൗണ്ട്‌സ് എന്നീ റെക്കോഡിങ് കമ്പനികൾക്ക് വേണ്ടി ലളിത ഗാനങ്ങൾ എഴുതിക്കൊണ്ടാണ്‌ ഈ രംഗത്തേക്കുള്ള ചുവടുവെപ്പ്. 1990 ൽ യുവി രവീന്ദ്രനാഥ് സംവിധാനം ചെയ്ത "എങ്ക്വയറി" എന്ന ചിത്രത്തിലെ ഗാനങ്ങൾ എഴുതിയാണ്‌ ചലച്ചിത്രഗാനരചനാരംഗത്തേക്ക് വരുന്നത്[2]. എന്നാൽ ആ ഗാനങ്ങൾ വേണ്ടത്ര ജനശ്രദ്ധ നേടിയില്ല.പിന്നീട് 1992 ൽ രഞ്ജിത്തിന്റെ തിരക്കഥയിൽ ജയരാജ് സംവിധാനം ചെയ്ത ജോണിവാക്കർ എന്ന ചിത്രത്തിലെ ശാന്തമീ രാത്രിയിൽ എന്ന ഗാനം ഏറെ ജനശ്രദ്ധ ഏറ്റുവാങ്ങി പിന്നീട് 344 ചിത്രങ്ങളിലായി 1600-ലേറെ ഗാനങ്ങൾ രചിച്ചു. 7 തവണ സംസ്ഥാന സർക്കാറിന്റെ ഏറ്റവും മികച്ച ചലച്ചിത്ര ഗാനരചയിതാവിനുള്ള അവാർഡ് കരസ്ഥമാക്കി . "മേലേ പറമ്പിൽ ആൺ‌വീട്" ഇക്കരെയാണെന്റെ മാനസം, പല്ലാവൂർ ദേവനാരായണൻ, വടക്കുംനാഥൻ, അടിവാരം, ഓരോ വിളിയും കാതോർത്ത്, കേരളാ ഹൗസ് ഉടൻ വിൽപ്പനക്ക് എന്നീ ചിത്രത്തിന്‌ കഥയും, "വടക്കുനാഥൻ","പല്ലാവൂർ ദേവനാരായണൻ", "കിന്നരിപ്പുഴയോരം" ,ബ്രഹ്മരക്ഷസ്സ് എന്നീ ചിത്രങ്ങൾക്ക് തിരക്കഥയും രചിച്ചു. അവസാന കാലത്ത് സ്വന്തം തിരക്കഥയിൽ രാമൻ പോലിസ് എന്ന പേരിൽ മോഹൻലാലിനെ നായകനാക്കി ഒരു ചിത്രം സംവിധാനം ചെയ്യാനുള്ള ഒരുക്കത്തിലായിരുന്നു ഗിരീഷ്[3].
ശ്രദ്ധേയമായ ചില ചലച്ചിത്ര ഗാനങ്ങൾതിരുത്തുക
- സൂര്യകിരീടം വീണുടഞ്ഞു (ദേവാസുരം)
- പിന്നെയും പിന്നെയും ആരോ (കൃഷ്ണഗുഡിയിൽ ഒരു പ്രണയകാലത്ത് - 1997)
- ആരോ വിരൽ മീട്ടി... (പ്രണയവർണ്ണങ്ങൾ - 1998)
- കണ്ണുംനട്ട് കാത്തിരുന്നിട്ടും...(കഥാവശേഷൻ (2004)
- ആകാശദീപങ്ങൾ സാക്ഷി.. (രാവണപ്രഭു - 2001)
- ഇന്നലെ എന്റെ നെഞ്ചിലെ.. (ബാലേട്ടൻ - 2003)
- കനകമുന്തിരികൾ.. (പുനരധിവാസം - 1999)[4]
- നിലാവിന്റെ നീലഭസ്മക്കുറിയണിഞ്ഞവളേ... (അഗ്നിദേവൻ - 1995)
- ഒരു രാത്രികൂടി വിടവാങ്ങവേ..(സമ്മർ ഇൻ ബെത്‌ലഹേം)[5]
- അമ്മ മഴക്കാറിന്... (മാടമ്പി 2008)
- രാത്തിങ്കൾ പൂത്താലിചാർത്തി... (ഈ പുഴയും കടന്ന് - 1996)
- ഏതോ വേനൽ കിനാവിൻ..
- കൈക്കുടന്ന നിറയെ...(മായാമയൂരം)
- മേലെ മേലേ മാനം..
- നിലാവേ മായുമോ... (മിന്നാരം)
- പുലർവെയിലും പകൽമുകിലും... (അങ്ങനെ ഒരവധിക്കാലത്ത് 1999)
- നീയുറങ്ങിയോ നിലാവേ... (ഹിറ്റ്ലർ - 1996)
- കളഭം തരാം... (വടക്കുംനാഥൻ - 2006)
- ഹരിമുരളീരവം... (ആറാം തമ്പുരാൻ - 1997)
- ശാന്തമീ രാത്രിയിൽ (ജോണിവാക്കർ)
തിരക്കഥ എഴുതിയ ചലച്ചിത്രങ്ങൾതിരുത്തുക
കവിതാ സമാഹാരങ്ങൾതിരുത്തുക
പുരസ്കാരങ്ങൾതിരുത്തുക
കേരള സംസ്ഥാന ചലച്ചിത്ര പുരസ്കാരം:
- 2004 - മികച്ച ഗാനരചയിതാവ് - കഥാവശേഷൻ
- 2003 - മികച്ച ഗാനരചയിതാവ് - ഗൗരീ ശങ്കരം
- 2002 - മികച്ച ഗാനരചയിതാവ് - നന്ദനം
- 2001 - മികച്ച ഗാനരചയിതാവ് - രാവണ പ്രഭു
- 1999 - മികച്ച ഗാനരചയിതാവ് - പുനരധിവാസം
- 1997 - മികച്ച ഗാനരചയിതാവ് - കൃഷ്ണഗുഡിയിൽ ഒരു പ്രണയ കാലത്ത്
- 1995 - മികച്ച ഗാനരചയിതാവ് - അഗ്നിദേവൻ
ഏഷ്യാനെറ്റ് ചലച്ചിത്ര പുരസ്കാരം
- 2008 - മികച്ച ഗാനരചയിതാവ് -മാടമ്പി
- 2006 - മികച്ച ഗാനരചയിതാവ് -വടക്കുംനാഥൻ
- 2004 - മികച്ച ഗാനരചയിതാവ് -മാമ്പഴക്കാലം
- ഫിലിം ക്രിട്ടിക്സ് അവാർഡ്
- ഫിലിം ആർട്ട്സ് ക്ലബ്ബ് കൊച്ചിൻ അവാർഡ്
- ഏഷ്യാനെറ്റ്-ഗോദജ് അവാർഡ്
മരണംതിരുത്തുക
ഏറെക്കാലമായി പ്രമേഹവും രക്താതിമർദ്ദവും [1][8]. അനുഭവിച്ചിരുന്ന ഗിരീഷിനെ 2010 ഫെബ്രുവരി 6-ന് മസ്തിഷ്കാഘാതം അനുഭവപ്പെട്ടതിനെ തുടർന്ന് കോഴിക്കോട്ടെ മിംസ് (മലബാർ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ്) ആശുപത്രിയിൽ പ്രവേശിപ്പിച്ചു. ഫെബ്രുവരി 2-ന് അന്തരിച്ച നടൻ കൊച്ചിൻ ഹനീഫയെക്കുറിച്ച് അനുസ്മരണ കുറിപ്പ് എഴുതുന്നതിനിടയിൽ പെട്ടെന്ന് അദ്ദേഹത്തിന് കടുത്ത തലവേദന അനുഭവപ്പെടുകയായിരുന്നു. ആശുപത്രിയിലെത്തിയ ഉടനെ അദ്ദേഹം അബോധാവസ്ഥയിലായി. രണ്ടു തവണ ശസ്ത്രക്രിയ നടത്തിയെങ്കിലും അദ്ദേഹത്തിന്റെ ആരോഗ്യ നിലയിൽ പുരോഗതി ഉണ്ടായില്ല. ഒടുവിൽ ഫെബ്രുവരി 10-ന് രാത്രി എട്ടേമുക്കാലോടെ അദ്ദേഹം തന്റെ 49-ആമത്തെ വയസ്സിൽ ഇഹലോകവാസം വെടിഞ്ഞു. മൃതദേഹം പൂർണ്ണ ഔദ്യോഗിക ബഹുമതികളോടെ മാവൂർ റോഡ് ശ്മശാനത്തിൽ സംസ്കരിച്ചു.[1][9].ബീനയാണ് ഭാര്യ. ജിതിൻ, ദിനനാഥ് എന്നിങ്ങനെ രണ്ട് ആണ്മക്കളുണ്ട്. ഇളയ മകനായ ദിനനാഥ് പിന്നീട് അച്ഛന്റെ പാത പിന്തുടർന്ന് ഗാനരചയിതാവായി.
അവലംബംതിരുത്തുക
- ↑ 1.0 1.1 1.2 "Popular film lyricist Girish Puthenchery dead". Press Trust of India. ശേഖരിച്ചത് 2010 February 10. Check date values in:
|accessdate=(help) - ↑ 2.0 2.1 മാതൃഭൂമി: ഗിരീഷ് പുത്തഞ്ചേരി അന്തരിച്ചു, ഫെബ്രുവരി 11, 2010
- ↑ വെബ് ദുനിയ മലയാളം
- ↑ "പാട്ടോർമ്മ". മാധ്യമം ആഴ്ചപ്പതിപ്പ് ലക്കം 709. 2011 സെപ്റ്റംബർ 26. ശേഖരിച്ചത് 2013 മാർച്ച് 24. Check date values in:
|accessdate=and|date=(help) - ↑ "പാട്ടോർമ്മ". മാധ്യമം ആഴ്ചപ്പതിപ്പ് ലക്കം 706. 2011 സെപ്റ്റംബർ 05. ശേഖരിച്ചത് 2013 മാർച്ച് 24. Check date values in:
|accessdate=and|date=(help) - ↑ ദാറ്റ്സ് മലയാളം
- ↑ "ഗിരീഷ് പുത്തഞ്ചേരി അന്തരിച്ചു". Manoramaonline. ശേഖരിച്ചത് 2010 February 11. Check date values in:
|accessdate=(help) - ↑ "-". Mathrubhumi. ശേഖരിച്ചത് 2010 February 10. Check date values in:
|accessdate=(help) - ↑ "ഗിരീഷ് പുത്തഞ്ചേരി അന്തരിച്ചു". Mathrubhumi. ശേഖരിച്ചത് 2010 February 10. Check date values in:
|accessdate=(help)