കൊടുങ്ങല്ലൂർ കളരി

ചരിത്രത്തിന്റെ ഇങ്ങേത്തയ്ക്കലും കൊടുങ്ങല്ലൂർ അതിന്റെ പാരമ്പര്യം തുടരുകയയിരുന്നു. അതിനുദാഹരണമാണു ഏ.ഡി. 1800-1900 കാലയളവിൽ വളരെ പ്രശസ്തമായ കൊടുങ്ങല്ലൂർ കളരി

കൊടുങ്ങല്ലൂർ കളരി നളന്ദ തക്ഷശില സർവ്വകലാശാലകൾപോലെ ലോകപ്രശസ്തമായിരുന്നു. കൊടുങ്ങല്ലൂരിലെ കോവിലകങ്ങളിൽ സകല വിജ്ഞാനം തേടി ദൂരദേശങ്ങളിൽ നിന്നുവരെ വിദ്യാർത്ഥികൾ എത്തുമായിരുന്നു. കൊടുങ്ങല്ലൂർ തമ്പുരാക്കന്മാരുടെ ശിക്ഷണത്തിൽ വൈദ്യം, തർക്കം, ജ്യോതിഷം, വ്യാകരണം, മീമാംസ, എന്നിങ്ങനെ വിജ്ഞാനത്തിന്റെ സർവ്വശാഖകളിലും ജാതിമതഭേതമന്യേ ഒട്ടനവധി പ്രതിഭകളെ വാർത്തെടുത്തിട്ടുണ്ട്‌.

വെണ്മണി പ്രസ്ഥാനം എന്ന മലയാള കാവ്യശാഖ കൊടുങ്ങല്ലൂർ കളരിയുടെ സംഭാവനയായിരുന്നു. കൊടുങ്ങല്ലൂർ കുഞ്ഞിക്കുട്ടൻ തമ്പുരാന്റെ മഹാഭാരതം തർജ്ജമയും ഈ കാലയളവിലായിരുന്നു.