ബ്രഹ്മാവ്

ഹിന്ദുമതത്തിൽ പരബ്രഹ്മത്തിന്റെ സൃഷ്ടിയുടെ മൂർത്തി ഭാവം ആണ് ബ്രഹ്മാവ് സൃഷ്ടി കർത്താവാ‍യി ബ്രഹ്മാവിനെ (ഹിരണ്യഗർഭൻ) കണക്കാക്കുന്നു. നാല് തലകൾ(4വേദങ്ങളെയും, 4മഹാദിക്കുകളെയും സുചിപ്പിക്കുന്നു ) ഉള്ള താമരപ്പൂവിൽ(ജീവന്റെ ഉത്ഭവത്തെ സുചിപ്പിക്കുന്നു ) ഇരിക്കുന്ന രൂപമാണ് ബ്രഹ്‌മാവിന്. ത്രിമൂർത്തികളിൽ ഒന്നായി കണക്കാക്കുന്നു. ബ്രഹ്മപുരാണം അനുസരിച്ച് ബ്രഹ്മാവ് ആദ്യമനുഷ്യനായ മനുവിനെ സൃഷ്ടിക്കുകയും മനുവിലൂടെ സകല മനുഷ്യരാശിയും സൃഷ്ടിച്ചതായും പ്രസ്താവിച്ചിരിക്കുന്നു. രാമായണത്തിലും, മഹാഭാരതത്തിലും മാനവ സൃഷ്ടി ബ്രഹ്മാവിലൂടെയെന്ന് പ്രതിപാദിക്കുന്നു. വേദാന്തത്തിൽ പറയപ്പെടുന്ന ബ്രഹ്മം‌ എന്നതിന് ഇദ്ദേഹവുമായി തുലനം ചെയ്യാനാകില്ല. കാരണമത് പുരുഷ സങ്കല്പമേയല്ല, അത് നിരാകാരമായതാണ്. സൃഷ്ടി നടത്താൻ അറിവ് ആവശ്യമായതിനാൽ ബ്രഹ്മപത്നിയായി സങ്കല്പിച്ചുവരുന്നത് വിദ്യയുടെ ദേവിയായി കരുതുന്ന സരസ്വതിയെയാണ്. സരസ്വതിയുമായി ചേർന്നുനിൽക്കുന്ന സങ്കല്പം ആയതുകൊണ്ടുതന്നെ ശബ്ദത്തിന്റെയും സംസാരശക്തിയുടെയും മൂർത്തിയായും കരുതിവരുന്നു. രജോഗുണമൂർത്തിയാണ്... ബ്രഹ്മാവിനെ പോതുവേ ക്ഷേത്രങ്ങളിലോ അല്ലാതെയോ ആരാധിക്കാറില്ല....കാരണം .സൃഷ്ടിക്ക് കാരണം ആയ എല്ലാത്തിനെയും സൃഷ്ടിച്ച ബ്രഹ്മാവിന് വേറൊരു അമ്പലം മനുഷ്യർ സൃഷ്ടിക്കണ്ട എന്നതുകൊണ്ടാണ്.

ബ്രഹ്മാവ്
സൃഷ്ടി
ബ്രഹ്മാവ്
ദേവനാഗരി	ब्रह्मा
Sanskrit Transliteration	Brahmā
Affiliation	ത്രിമൂർത്തികൾ
നിവാസം	സത്യലോകം
ജീവിത പങ്കാളി	സരസ്വതി
Mount	ഹംസം

ജനനം

പുരാണങ്ങൾ അനുസരിച്ച് ബ്രഹ്മാവ് സ്വയം ജനിച്ചതായാണ് (സ്വയംഭൂ) പരാമർശിച്ചിരിക്കുന്നത്. വേറെ ചില സങ്കല്പം അനുസരിച്ച് ബ്രഹ്മാവ് ജലത്തിൽ ഒരു വിത്തായി ജനിച്ചതായി കരുതുന്നു. ഇതൊരു സ്വർണ്ണ അണ്ഡമാകുകയും അതിൽനിന്ന് ബ്രഹ്മാവ് അഥവാ ഹിരണ്യഹർഭൻ ജനിക്കുകയും, ക്രമേണ ഈ അണ്ഡം വികസിച്ച് ബ്രഹ്മാണ്ഡം ആകുകയും ചെയ്തുവെന്നാണ് വിശ്വാസം.

മഹാഭാഗവതവും,നാരായണീയവും,വിഷ്‌ണുപുരാണവും അനുസരിച്ച്‌ പരമാത്മാവായ സാക്ഷാൽ ആദിനാരായണന്റെ നാഭിയിൽ നിന്നാണ് സൃഷ്ടി കർത്താവാ‍യ ബ്രഹ്മാവ് ഉണ്ടായതെന്നും ബ്രഹ്മാവിന്റെ ഭ്രൂമധ്യത്തിൽനിന്ന് പരമശിവനും, എല്ലാ ദേവീ ദേവൻമാരും, സമസ്ഥ ബ്രഹ്മാണ്ഡവുമുണ്ടായി എന്ന്‌ പറയുന്നു. ആയതിനാൽ ഈ കാരണങ്ങളാൽ ഭഗവാന്‌ ആദിയിൽ എല്ലാത്തിനും കാരണഭൂതനായ ദൈവം ആയതിനാൽ "ആദി" എന്ന വാക്കും; "മനുഷ്യന് ആശ്രയിക്കാവുന്ന ദൈവം","അല്ലെങ്കിൽ നരത്തെ അയനം ചെയ്യുന്നവൻ അഥവാ പ്രപഞ്ചത്തെ കറക്കികൊണ്ടിരിക്കുന്ന ദൈവം" എന്ന അർത്ഥത്തിൽ "നാരായണൻ" "ആദിനാരായണൻ" എന്ന് മറ്റൊരു പേരും മഹാവിഷ്‌ണുവിന്‌ അറിയപ്പെടുന്നു.

ശിവ, സ്കന്ദ ഇതര പുരാണങ്ങളിൽ ശിവനും ശക്തിയും ചേർന്ന് മഹാവിഷ്ണുവിനേയും വിഷ്ണുവിന്റെ നാഭിയിലെ താമരയിൽ നിന്ന് ബ്രഹ്മദേവനെയും സൃഷ്ടിക്കുന്നു. അവരുടെ ശക്തികളായി മഹാലക്ഷ്മി, മഹാസരസ്വതിമാരെയും സൃഷ്ടിക്കുന്നു. മാത്രമല്ല സർവ്വ ചരാചരവും ശിവശക്തികൾ ചേർന്ന് സൃഷ്ടിച്ചു എന്ന് പരാമർശിക്കുന്നു.

ആയുസ്സ്

ബ്രഹ്മാവിന്റെ ആയുസ്സ് 100 ബ്രഹ്മവർഷം എന്നോ രണ്ടു പരാർദ്ധം എന്നോ കണക്കാക്കുന്നു. രണ്ടു പരാർദ്ധം ഏകദേശം മൂന്നൂറു കോടികോടി വർഷങ്ങളാണ്‌. ബ്രഹ്മാവിന്റെ ഒരു ദിവസം തന്നെ 2000 ചതുർയുഗങ്ങളാണെന്നും പറയപ്പെടുന്നു...

ബ്രഹ്മാവിന്റെ കരിങ്കല്ലിൽ തീർത്ത ശില്പം

മറ്റ് ലിങ്കുകൾ

• The Only Temple of Lord Brahma in The World (pushkarsafari.com)
• Contemplation of Brahma - The creative power of the Infinite (crystalrivers.com)
• The Brahma-Samhita - Prayers of Lord Brahma at the start of creation (Brahmasamhita.com)
• Brahma's Prayers for Creative Energy from the Bhagavata Purana (vedabase.net)
• Weekly podcast on Vedic Chanting and Vedic Mythology (puja.net)
• Son of Brahma - Vishwakarma (vishwakarma.org)
• Why Lord Brahma is not worshiped (surinusgaonkarsays.sulekha.com)