കാമദേവൻ

ഭാരതീയ ഇതിഹാസങ്ങളിലെ സൗന്ദര്യദേവൻ. കാമത്തിന്റെയും പ്രേമത്തിന്റെയും പ്രതീകമായിട്ടാണ് കാമദേവനെ കാണുന്നത്. രതീദേവിയാണ് പത്നി. തന്റെ നേർക്ക് പുഷ്പബാണം അയച്ച കാമദേവനെ ശ്രീപരമേശ്വരൻ തൃക്കണ്ണിലെ കോപാഗ്നിയാൽ ഭസ്മീകരിക്കുകയും, പിന്നീട് ശ്രീപാർവതിയുടെ അഭ്യർഥന പ്രകാരം ധനുമാസത്തിലെ തിരുവാതിരയുടെ തലേദിവസമായ മകയിരം നാളിൽ പുനർജന്മം നൽകിയതായും ഹൈന്ദവപുരാണങ്ങളിൽ കാണപ്പെടുന്നു. കാമദേവൻ ശ്രീകൃഷ്ണന്റെ പുത്രനായി പുനർജനിക്കുകയും രതീദേവിയെ വിവാഹം ചെയ്യുകയും ചെയ്തു എന്നാണ് ഐതിഹ്യം.

കാമദേവൻ
Hindu god inducing lusty desires
18th century engraving
മറ്റ് പേരുകൾ	Kandarpa, Cupid, Smarahari, Cittahari
ദേവനാഗരി	काम देव
Sanskrit Transliteration	kāmadeva
തമിഴ് ലിപിയിൽ	காம தேவன்
Affiliation	Pradyumna, Vasudeva
നിവാസം	Ketumala-varsa
മന്ത്രം	kāma-gāyatrī
ആയുധം	Sugarcane Bow and Floral Arrow
ജീവിത പങ്കാളി	Rati
Mount	Parrot

ജനനം

ബ്രഹ്മാവിന്റെ വലതേ മുല ഭേദിച്ച് ധർമ്മൻ എന്ന പ്രജാപതി ജനിച്ചു. ധർമ്മൻ അതീവ സുന്ദരനായിരുന്നു. ധർമ്മൻ, ശമൻ, കാമൻ, ഹർഷൻ എന്ന് അതീവ സുന്ദരന്മാരാ‍യ മുന്ന് പുത്രന്മാർ ജനിച്ചു. അവരിൽ കാമൻ സൗന്ദര്യദേവനായി തീർന്നു. കാമൻ രതീദേവിയെ ഭാര്യയാക്കി

കാമന്റെ പര്യായപദങ്ങൾ

മദനൻ, മന്മഥൻ, മാരൻ, കർപ്പൻ, മലർവില്ലൻ, മായി, മധുദീപൻ, വാമൻ, പുഷ്പകേതനൻ, സംസാരഗുരു, രതിപതി, ശംബരാരി, മനസ്സിജൻ, ആത്മഭൂ‍, രൂപാസ്തൻ, രമണൻ, ദീപകൻ, പുഷ്പധന്വാവ്.

കാമന്റെ ആയുധങ്ങൾ

കാമൻ കരിമ്പ് കൊണ്ടുള്ള വില്ലും വണ്ടുകളെക്കൊണ്ടുള്ള അതിന്റെ ചരടും അഗ്രം പുഷ്പമായിട്ടുള്ള അമ്പുകളും ഉണ്ട്. തത്ത കാമന്റെ വാഹനവും മകരമത്സ്യം കൊടിയടയാളവുമാണ്. ഉന്മാദം, താപനം, ശോഷണം, സ്തംഭനം, സമ്മോഹനം എന്ന അഞ്ച് അസ്ത്രങ്ങളും കാമദേവനുണ്ട്.