വി.എസ്. ശിവകുമാർ

2011 മുതൽ തിരുവനന്തപുരത്ത് നിന്നുള്ള നിയമസഭാംഗവും മുൻ സംസ്ഥാന ആരോഗ്യ, ദേവസ്വം വകുപ്പ് മന്ത്രിയും മുൻ ലോക്സഭാംഗവുമായ കേരളത്തിൽ നിന്നുള്ള കോൺഗ്രസ് നേതാവാണ് വി.എസ്. ശിവകുമാർ (ജനനം: 30 മെയ് 1960).

വി.എസ് .ശിവകുമാർ
കേരളത്തിലെ ഗതാഗതം, ദേവസ്വം വകുപ്പ് മന്ത്രി
ഓഫീസിൽ മേയ് 23 2011 – ഏപ്രിൽ 11 2012
മുൻഗാമി	ജോസ് തെറ്റയിൽ, രാമചന്ദ്രൻ കടന്നപ്പള്ളി
പിൻഗാമി	ആര്യാടൻ മുഹമ്മദ്
കേരളത്തിലെ ആരോഗ്യം, ദേവസ്വം വകുപ്പ് മന്ത്രി
ഓഫീസിൽ ഏപ്രിൽ 12 2012 – മേയ് 25 2016
മുൻഗാമി	അടൂർ പ്രകാശ്
പിൻഗാമി	കെ.കെ. ശൈലജ, കടകംപള്ളി സുരേന്ദ്രൻ
കേരള നിയമസഭ അംഗം
ഓഫീസിൽ മേയ് 14 2011 – മേയ് 3 2021
പിൻഗാമി	ആന്റണി രാജു
മണ്ഡലം	തിരുവനന്തപുരം
ലോകസഭാംഗം
ഓഫീസിൽ ഒക്ടോബർ 10 1999 – ഫെബ്രുവരി 6 2004
മുൻഗാമി	കെ. കരുണാകരൻ
പിൻഗാമി	പി.കെ. വാസുദേവൻ നായർ
മണ്ഡലം	തിരുവനന്തപുരം
വ്യക്തിഗത വിവരങ്ങൾ
ജനനം	(1960-05-30) മേയ് 30, 1960 അമരവിള
രാഷ്ട്രീയ കക്ഷി	കോൺഗ്രസ്
പങ്കാളി	സിന്ധൂ സലൂജ സി.ആർ.
കുട്ടികൾ	രണ്ട് മകൾ
മാതാപിതാക്കൾ	കെ.വി. സദാശിവൻ നായർ (അച്ഛൻ) ബി. സുഭദ്രാമ്മ (അമ്മ)
വസതി	ശാസ്തമംഗലം
As of സെപ്റ്റംബർ 24, 2020 ഉറവിടം: നിയമസഭ

ജീവിതരേഖ

തിരുവനന്തപുരം ജില്ലയിലെ നെയ്യാറ്റിൻകര താലൂക്കിലെ അമരവിളയിൽ കെ.വി സദാശിവൻ നായരുടെയും സുഭദ്രാമ്മയുടേയും മകനായി 1960 മേയ്‌ 30-ന് ജനിച്ചു. പ്രാഥമിക വിദ്യാഭ്യാസത്തിനു ശേഷം ധനുവച്ചപുരം വേലുതമ്പി മെമ്മോറിയൽ എൻ.എസ്.എസ് കോളേജിൽ നിന്ന് ബി.എസ്.സിയും കേരള ലോ അക്കാദമിയിൽ നിന്ന് നിയമബിരുദവും നേടി. ബി.എസ്.സി. എൽ.എൽ.ബിയാണ് വിദ്യാഭ്യാസ യോഗ്യത. ഒരു അഭിഭാഷകൻ കൂടിയാണ് ശിവകുമാർ.

രാഷ്ട്രീയ ജീവിതം

കോൺഗ്രസിൻ്റെ വിദ്യാർഥി-യുവജന പ്രസ്‌ഥാനത്തിലൂടെയാണ്‌ രാഷ്‌ട്രീയ രംഗത്തേക്കെത്തിയത്‌.

പ്രധാന പദവികളിൽ

• 1978-1979 കെ.എസ്.യു സംസ്ഥാന നിർവാഹക സമിതി അംഗം, കേരള യൂണിവേഴ്സിറ്റി യൂണിയൻ കൗൺസിലർ

• 1980-1982 ജനറൽ സെക്രട്ടറി ബ്ലോക്ക് കോൺഗ്രസ് കമ്മിറ്റി

• 1982-1987 പ്രസിഡൻറ്, യൂത്ത് കോൺഗ്രസ്, പാറശാല ബ്ലോക്ക്

• 1987-1993 വൈസ് പ്രസിഡൻറ് ജില്ലാ യൂത്ത് കോൺഗ്രസ്, തിരുവനന്തപുരം

• 1993-2000 ജില്ലാ പ്രസിഡൻറ്, യൂത്ത് കോൺഗ്രസ്, തിരുവനന്തപുരം

• 1999 മുതൽ കെ.പി.സി.സി, എ.ഐ.സി.സി. മെമ്പർ

• 1999-2004 ലോക്സഭാംഗം, തിരുവനന്തപുരം

• 2005-2007 കെ.പി.സി.സി. ജനറൽ സെക്രട്ടറി

• 2007-2011 ഡി.സി.സി. പ്രസിഡൻറ്, തിരുവനന്തപുരം

• 2011, 2016 എം.എൽ.എ തിരുവനന്തപുരം

• 2011-2016 സംസ്ഥാന ആരോഗ്യ, കുടുംബക്ഷേമ, ദേവസ്വം വകുപ്പ് മന്ത്രി

• 2004 ലെ ലോക്സഭ തിരഞ്ഞെടുപ്പിൽ സിറ്റിംഗ് എം.പിയായ ശിവകുമാർ മത്സരിച്ചെങ്കിലും സി.പി.ഐ നേതാവായ പി.കെ. വാസുദേവൻ നായരോടും 2005 ലെ തിരുവനന്തപുരം ലോക്സഭ ഉപതിരഞ്ഞെടുപ്പിൽ സി.പി.ഐ നേതാവ് പന്ന്യൻ രവീന്ദ്രനോടും പരാജയപ്പെട്ടു.

• 2011-ൽ നടന്ന നിയമസഭാ തെരഞ്ഞെടുപ്പിൽ വിജയിച്ച വി.എസ്. ശിവകുമാർ 2011 മേയ് 23-ന് മന്ത്രിയായി സത്യപ്രതിജ്ഞ ചെയ്തു. ഗതാഗതം, ദേവസ്വം എന്നീ വകുപ്പുകളുടെ ചുമതലയായിരുന്നു ആദ്യം ഇദ്ദേഹം നിർവ്വഹിച്ചിരുന്നത്. 2012 ഏപ്രിലിലെ മന്ത്രിസഭാ അഴിച്ചു പണിയെത്തുടർന്ന് ഗതാഗത വകുപ്പിനു പകരമായി അരോഗ്യ വകുപ്പിന്റെ ചുമതല നൽകപ്പെട്ടു.

തിരഞ്ഞെടുപ്പുകൾ

തിരഞ്ഞെടുപ്പുകൾ

വർഷം	മണ്ഡലം	വിജയിച്ച സ്ഥാനാർത്ഥി	പാർട്ടിയും മുന്നണിയും	മുഖ്യ എതിരാളി	പാർട്ടിയും മുന്നണിയും	രണ്ടാമത്തെ മുഖ്യ എതിരാളി	പാർട്ടിയും മുന്നണിയും
2005*(1)	തിരുവനന്തപുരം ലോകസഭാമണ്ഡലം	പന്ന്യൻ രവീന്ദ്രൻ	സി.പി.ഐ, എൽ.ഡി.എഫ്.	വി.എസ്. ശിവകുമാർ	കോൺഗ്രസ് (ഐ.), യു.ഡി.എഫ്	സി.കെ. പത്മനാഭൻ	ബി.ജെ.പി., എൻ.ഡി.എ.
2004	തിരുവനന്തപുരം ലോകസഭാമണ്ഡലം	പി.കെ. വാസുദേവൻ നായർ	സി.പി.ഐ., എൽ.ഡി.എഫ്.	വി.എസ്. ശിവകുമാർ	കോൺഗ്രസ് (ഐ.), യു.ഡി.എഫ്.
1999	തിരുവനന്തപുരം ലോകസഭാമണ്ഡലം	വി.എസ്. ശിവകുമാർ	കോൺഗ്രസ് (ഐ.), യു.ഡി.എഫ്.	കണിയാപുരം രാമചന്ദ്രൻ	സി.പി.ഐ., എൽ.ഡി.എഫ്.	ഒ. രാജഗോപാൽ	ബി.ജെ.പി., എൻ.ഡി.എ.

• (1) - 2004-ലെ പൊതുതിരഞ്ഞെടുപ്പിൽ വിജയിച്ച പി.കെ. വാസുദേവൻ നായർ മരണപ്പെട്ടതിനുശേഷം നടന്നതാണ് 2005-ലെ തിരുവനന്തപുരം ഉപതിരഞ്ഞെടുപ്പ്.

കുടുംബം

നേമം വിക്‌ടറി ഹയർ സെക്കൻഡറി ഗേൾസ്‌ ഹൈസ്‌കൂളിലെ അധ്യാപിക സിന്ധുവാണ്‌ ഭാര്യ. ഗൗരി, ഗായത്രി എന്നിവരാണു മക്കൾ.