രാമവർമ്മപുരം

തൃശൂർ നഗരത്തിന്റെ വടക്കുകിഴക്കു ഭാഗത്തുള്ള ഒരു പ്രദേശമാണ് രാമവർമ്മപുരം. ദേശീയ-സംസ്ഥാനപ്രാധാന്യമുള്ള ഒട്ടനവധി സ്ഥാപനങ്ങൾ ഈ പ്രദേശത്തു സ്ഥിതി ചെയ്യുന്നു.

രാമവർമ്മപുരം
നഗരപ്രാന്തം
രാജ്യം	ഇന്ത്യ
സംസ്ഥാനം	കേരളം
ജില്ല	തൃശ്ശൂർ
വാർഡ്	4
Named honouring Cochin Kings	1956
ഭരണസമ്പ്രദായം
• ഭരണസമിതി	തൃശ്ശൂർ നഗരസഭ
• Councillor	V K Suresh Kumar
• Corporation Mayor	Prof R Bindu
ഭാഷകൾ
• ഔദ്യോഗികം	മലയാളം, ഇംഗ്ലീഷ്
സമയമേഖല	UTC+5:30 (IST)
പിൻ	680631
Lok Sabha constituency	Thrissur
Vidhan Sabha constituency	Thrissur
Civic agency	Thrissur Municipal Corporation
Distance from Thrissur Railway Station	6 കിലോമീറ്റർ (3.7 മൈ) N (Road)

പേരിന്റെ ഉൽ‌പ്പത്തി

സ്വാതന്ത്ര്യപൂർവ്വ കൊച്ചി രാജ്യത്തു് പെരുമ്പ, മണ്ണുംകാടു്, ആനപ്പാറ എന്നൊക്കെയുള്ള പേരുകളിലാണു് താരതമ്യേന അവികസിതവും അപ്രധാനവും ആയിരുന്ന ഈ പ്രദേശം അറിയപ്പെട്ടിരുന്നതു്. കേരളസംസ്ഥാനം രൂപീകൃതമായ കാലത്തു് കൊച്ചി രാജകുടുംബത്തിന്റെ വകയായിരുന്ന ഗണ്യമായ ഒരു ഭൂഭാഗം ഇവിടെനിന്നും സർക്കാർ ആകാശവാണിയുടെ തൃശ്ശൂർ നിലയം സ്ഥാപിക്കുവാനായി ഏറ്റെടുക്കുകയുണ്ടായി. ഭൂമി സൗജന്യമായി വിട്ടുകൊടുത്ത പരീക്ഷിത്തു തമ്പുരാൻ എന്നറിയപ്പെട്ടിരുന്ന അവസാനത്തെ കൊച്ചിരാജാവു് രാമവർമ്മ കുഞ്ഞുണ്ണിത്തമ്പുരാന്റെ സ്മരണ നിലനിർത്താൻ ഈ പ്രദേശത്തിനു് രാമവർമ്മപുരം എന്നു തന്നെ പേരിട്ടു. പ്രധാനമായും ആകാശവാണിയ്ക്കുവേണ്ടിയായിരുന്നു വിട്ടുകൊടുത്തിരുന്നതെങ്കിലും പ്രക്ഷേപണകേന്ദ്രത്തിനു് ആവശ്യമുള്ളതിലും കൂടുതൽ ഭൂമി കൈമാറിയിരുന്നു. പിൽക്കാലത്തു് ഈ സ്ഥലം മറ്റു പല സ്ഥാപനങ്ങൾക്കുകൂടി ആസ്ഥാനമായിത്തീർന്നു.

പ്രധാന സ്ഥാപനങ്ങൾ

വിദ്യാഭ്യാസ സ്ഥാപനങ്ങൾ

മദ്ധ്യകേരളത്തിലെ വിദ്യാഭ്യാസമേഖലയുടെ കേന്ദ്രസ്ഥാനമാണു് രാമവർമ്മപുരം എന്നു പറയാം. ചെറുതും വലുതുമായ ഒട്ടേറെ വിദ്യാഭ്യാസസ്ഥാപനങ്ങൾ രാമവർമ്മപുരത്തും പരിസരത്തുമായി പ്രവർത്തിക്കുന്നുണ്ടു്. തൃശ്ശൂർ ഗവണ്മെന്റ് എഞ്ചിനീയറിങ്ങ് കോളേജ്, വിമലാ കോളേജു്, സംസ്ഥാന പ്രൈമറി വിദ്യാഭ്യാസ ഗവേഷണ കേന്ദ്രം, സംസ്ഥാന ഹിന്ദി പരിശീലന ഇൻസ്റ്റിറ്റ്യൂട്ട്, പോലീസ് പരിശീലന കേന്ദ്രം (കേരളാ പോലീസ് അക്കാദമി), പോലീസ് നായ് പരിശീലനകേന്ദ്രം ഇവയെല്ലാം രാമവർമ്മപുരത്താണു് സ്ഥിതി ചെയ്യുന്നതു്.