കേരള വർമ്മ പഴശ്ശിരാജ (ചലച്ചിത്രം)

എം ടി വാസുദേവൻ നായരുടെ തിരക്കഥയിൽ ഹരിഹരൻ സം‌വിധാനം ചെയ്ത് മലയാളം ഭാഷയിൽ 2009 ഒക്ടോബർ 16-ന്‌ പുറത്തിറങ്ങിയ ചലച്ചിത്രമാണ് കേരള വർമ്മ പഴശ്ശിരാജ. 2009-ലെ മമ്മൂട്ടിയുടെ ദീപാവലി റിലീസ് ചിത്രമായിരുന്നു ഇത്. മമ്മൂട്ടി, ശരത് കുമാർ, കനിഹ, പത്മപ്രിയ എന്നിവർ മുഖ്യ വേഷങ്ങൾ കൈകാര്യം ചെയ്തിരിക്കുന്നു. ₹ 27 കോടി ചെലവിട്ടു നിർമ്മിച്ച ചലച്ചിത്രം മലയാള സിനിമാ ചരിത്രത്തിലെ ഏറ്റവും ചെലവേറിയ ചലച്ചിത്രമാണ്,. ഇളയരാജ സംഗീതം നിർവഹിച്ചിരിക്കുന്ന ചലച്ചിത്രത്തിന്റെ ശബ്ദമിശ്രണം ഓസ്കാർ ജേതാവ് റസൂൽ പൂക്കുട്ടിയാണ്‌ നിർ‌വഹിച്ചിരിക്കുന്നത്. ചിത്രത്തിന്റെ ചരിത്രപ്രാധാന്യം കണക്കിലെടുത്ത് കേരളസർക്കാർ ഇതിന്റെ പ്രദർശനത്തിന് 50% നികുതിയിളവ് പ്രഖ്യാപിച്ചിട്ടുണ്ട്.അന്നത്തെ കാലത്തെ 50 കോടി അടുത്ത് കളക്‌ഷൻ നേടിയ എക്കാലത്തെയും മികച്ച ചിത്രമായിരുന്നു കേരളവർമ്മ പഴശ്ശിരാജാ.

കേരള വർമ്മ പഴശ്ശിരാജ
പോസ്റ്റർ
സംവിധാനം	ഹരിഹരൻ
നിർമ്മാണം	ഗോകുലം ഗോപാലൻ
രചന	എം.ടി. വാസുദേവൻ നായർ
അഭിനേതാക്കൾ	മമ്മൂട്ടി ശരത് കുമാർ പത്മപ്രിയ കനിഹ മനോജ് കെ. ജയൻ തിലകൻ ജഗതി ശ്രീകുമാർ സുരേഷ് കൃഷ്ണ സുമൻ ലിൻഡ ആർസെനിയോ
സംഗീതം	ഇളയരാജ
ഗാനരചന	ഒ.എൻ.വി. കുറുപ്പ് ഗിരീഷ് പുത്തഞ്ചേരി കാനേഷ് പുനൂർ
ഛായാഗ്രഹണം	രാ‍മനാഥ് ഷെട്ടി
ചിത്രസംയോജനം	എ. ശ്രീകർ പ്രസാദ്
സ്റ്റുഡിയോ	ശ്രീ ഗോകുലം ഫിലിംസ്
വിതരണം	ശ്രീ ഗോകുലം റിലീസ്
റിലീസിങ് തീയതി	2009 ഒക്ടോബർ 16
രാജ്യം	ഇന്ത്യ
ഭാഷ	മലയാളം
ബജറ്റ്	₹ 27 കോടി
സമയദൈർഘ്യം	200 മിനിറ്റ്

കഥാപാത്രങ്ങൾ

• മമ്മൂട്ടി – പഴശ്ശിരാജ
• ശരത് കുമാർ – എടച്ചേന കുങ്കൻ
• മനോജ് കെ. ജയൻ – തലക്കൽ ചന്തു
• പത്മപ്രിയ – നീലി
• കനിഹ‌ – കൈതേരി മാക്കം
• സുരേഷ് കൃഷ്ണ – കൈതേരി അമ്പു
• സുമൻ – പഴയംവീടൻ ചന്തു
• തിലകൻ – കുറുമ്പ്രനാട് രാജ വീരവർമ്മ
• ലിൻഡ ആർസെനിയോ – ഡോറ

സംഗീതം

ഒ.എൻ.വി. കുറുപ്പ്, ഗിരീഷ് പുത്തഞ്ചേരി, കാനേഷ് പുനൂർ എന്നിവർ എഴുതിയ ഗാനങ്ങൾക്ക് സംഗീതം പകർന്നതും ചിത്രത്തിന്റെ പശ്ചാത്തലസംഗീതം ഒരുക്കിയതും ഇളയരാജ ആണ്. മികച്ച പശ്ചാത്തസംഗീതത്തിനുള്ള ദേശീയപുരസ്കാരം ഈ ചിത്രത്തിലൂടെ ഇളയരാജയ്ക്ക് ലഭിച്ചു.

കഥാപാത്രത്തിന്റെ പേര്	ശബ്ദം നല്കിയത്
എടച്ചേന കുങ്കൻ	ഷോബി തിലകൻ

ഗാനങ്ങൾ
#	ഗാനം	ഗാനരചന	പാടിയവർ	ദൈർഘ്യം
1.	"മാതംഗാനനമബ്ജവാസരമണീ"	പരമ്പരാഗതം	കെ.ജെ. യേശുദാസ്	1:16
2.	"കുന്നത്തെ കൊന്നക്കും"	ഒ.എൻ.വി. കുറുപ്പ്	കെ. എസ്. ചിത്ര	5:12
3.	"ആദി ഉഷസ്സന്ധ്യ പൂത്തതിവിടെ"	ഒ.എൻ.വി. കുറുപ്പ്	കെ.ജെ. യേശുദാസ്, എം.ജി. ശ്രീകുമാർ	5:29
4.	"അമ്പും കൊമ്പും കൊമ്പൻ കാട്ടും"	ഗിരീഷ് പുത്തഞ്ചേരി	ഇളയരാജ, മഞ്ജരി, കുട്ടപ്പൻ	4:59
5.	"ഓടത്തണ്ടിൽ താളംകൊട്ടും കാറ്റിൽ"	ഗിരീഷ് പുത്തഞ്ചേരി	ചന്ദ്രശേഖരൻ, സംഗീത	5:07
6.	"ആലമണങ്കലമയ്ത്തവനല്ലേ"	കാനേഷ് പുനൂർ	എം.ജി. ശ്രീകുമാർ, വിധു പ്രതാപ്, സഫ്‌വാൻ, കൃഷ്ണൻ ഉണ്ണി, അഷ്രഫ് തായിനേരി, എടവന ഗഫൂർ, ഫൈസൽ എളേറ്റിൽ.	4:47

പുറത്തേക്കുള്ള കണ്ണികൾ

വിക്കിചൊല്ലുകളിലെ കേരള വർമ്മ പഴശ്ശിരാജ (ചലച്ചിത്രം) എന്ന താളിൽ ഈ ലേഖനവുമായി ബന്ധപ്പെട്ട ചൊല്ലുകൾ ലഭ്യമാണ്‌:

• ഔദ്യോഗിക വെബ്സൈറ്റ്
• കേരള വർമ്മ പഴശ്ശിരാജ ഇന്റർനെറ്റ് മൂവി ഡാറ്റാബേസിൽ
• കേരള വർമ്മ പഴശ്ശിരാജ – മലയാളസംഗീതം.ഇൻഫോ
• യുറ്റ്യൂബിൽ ചലച്ചിത്രം കേരളവർമ്മ പഴശ്ശിരാജ
• പഴശ്ശിരാജയെ കുറിച്ച ജി.പി. രാമചന്ദ്രന്റെ നിരൂപണം സ്വന്തം ബ്ലോഗിൽ