ശ്രീ ശങ്കരാചാര്യ സംസ്കൃത സർവകലാശാല
ശ്രീ ശങ്കരാചാര്യ സംസ്കൃത സർവകലാശാല എറണാകുളം ജില്ലയിലെ കാലടിയിൽ പൂർണ്ണാനദിയുടെ (പെരിയാർ) തീരത്താണ്[2] സ്ഥിതി ചെയ്യുന്നത്. പ്രമുഖ ദാർശനികനും സന്ന്യാസിയുമായിരുന്ന ആദി ശങ്കരാചാര്യരുടെ പേരിലുള്ള ഈ സർവകലാശാല 1993ലാണ് സ്ഥാപിതമായത്.
 സർവകലാശാലയുടെ മുദ്ര | |
| തരം | പൊതുമേഖല |
|---|---|
| സ്ഥാപിതം | 1993 |
| ചാൻസലർ | കേരള ഗവർണ്ണർ |
| വൈസ്-ചാൻസലർ | ഡോ. ധർമ്മരാജ് അടാട്ട് |
അദ്ധ്യാപകർ | 165[1] |
| സ്ഥലം | കാലടി, കേരളം, ഇന്ത്യ 10°10′13″N 76°26′19″E / 10.17028°N 76.43861°E |
| വെബ്സൈറ്റ് | ഔദ്യോഗിക വെബ്സൈറ്റ് |
ശ്രീ ശങ്കരാചാര്യ സംസ്കൃത സർവകലാശാലയുടെ പ്രധാന ലക്ഷ്യങ്ങൾ സംസ്കൃതത്തിന്റെ വിവിധ ശാഖകൾ, ഭാരതസംസ്കാരം, ഭാരതീയ ഭാഷകൾ, ഭാരതീയ തത്വജ്ഞാനം, കല, വിദേശ ഭാഷകൾ, സാമൂഹ്യശാസ്ത്രം എന്നീ മേഖലകളിൽ വിജ്ഞാനം പകരുക എന്നതാണ്.[2] കൂടാതെ സംസ്കൃതഭാഷയുടെ പഠനവും അതിലെ ഗവേഷണവും പ്രോത്സാഹിപ്പിക്കുക, സംസ്കൃതത്തെ പരിപോഷിപ്പിക്കുന്ന മറ്റു ഭാഷകളെ ദേശീയ-അന്തർദേശീയ തലങ്ങളിൽ അഭിവൃദ്ധിപ്പെടുത്തുക എന്നിവയും പ്രഖ്യാപിത ലക്ഷ്യങ്ങളിൽ പെടുന്നു.[2]
ശ്രീ ശങ്കരാചാര്യ സംസ്കൃത സർവകലാശാല സംസ്കൃതത്തിലും ഇതരഭാഷകളിലുമുള്ള രചനകൾ പ്രസിദ്ധീകരിക്കുകയും ഗ്രന്ഥങ്ങൾ ശേഖരിച്ച് സംരക്ഷിക്കുകയും ചെയ്യുന്നു.
പ്രാദേശിക കേന്ദ്രങ്ങൾ തിരുത്തുക
ഒൻപത് പ്രാദേശിക കേന്ദ്രങ്ങളിലൂടെ ശ്രീ ശങ്കരാചാര്യ സംസ്കൃത സർവകലാശാല ഇപ്പോൾ പ്രവർത്തിക്കുന്നു. കേരള കലാമണ്ഡലം അടുത്ത കാലത്തായി സർവകലാശാലയുടെ അംഗീകാരം നേടുകയുണ്ടായി.[2].
തദ്ദേശീയ കേന്ദ്രങ്ങൾ താഴെ പറയുന്നവയാണ്.
- തിരുവനന്തപുരം
- പന്മന
- തുറവൂർ
- ഏറ്റുമാനൂർ
- കാലടി(പ്രധാന കേന്ദ്രം)
- തൃശ്ശൂർ
- തിരൂർ
- കൊയിലാണ്ടി
- പയ്യന്നൂർ
വിഭാഗങ്ങൾ തിരുത്തുക
പത്തൊൻപത് വിഭാഗങ്ങളാണ് ശ്രീ ശങ്കരാചാര്യ സംസ്കൃത സർവകലാശാലയിൽ പ്രവർത്തിക്കുന്നത്. അവ താഴെ പറയുന്നവയാണ്.
|
|
|
|
ഭരണകർത്താക്കൾ തിരുത്തുക
| ചാൻസലർ | : | പി. സദാശിവം (കേരള ഗവർണർ) |
|---|---|---|
| പ്രൊ-ചാൻസലർ | : | സി. രവീന്ദ്രനാഥ് (കേരള വിദ്യാഭ്യാസ മന്ത്രി) |
| വൈസ് ചാൻസലർ | : | ഡോ. ധർമ്മരാജ് അടാട്ട് |
| പ്രോ-വൈസ് ചാൻസലർ | : | ഡോ. കെ.എസ്.രവികുമാർ |
| രജിസ്ട്രാർ | : | ഡോ. ടി . പി രവീന്ദ്രൻ |
നൽകുന്ന കോഴ്സുകൾ തിരുത്തുക
ബിരുദ തലം തിരുത്തുക
- ബി.എ. സംസ്കൃതം
- ബി.എ. സംഗീതം
- ബി.എ. നൃത്തം(ഭരതനാട്യം, മോഹിനിയാട്ടം)
- ബി.എഫ്.എ (ചിത്രകല, ചുമർചിത്രകല)
ബിരുദാനന്തരബിരുദ തലം തിരുത്തുക
|
|
ബിരുദാനന്തരബിരുദ ഡിപ്ലോമ തിരുത്തുക
- ഹിന്ദി മൊഴിമാറ്റം
ഇന്റഗ്രേറ്റഡ് എം.ഫിൽ/പിഎച്ച്.ഡി തിരുത്തുക
|
|
|
|
|
|
നേട്ടങ്ങൾ തിരുത്തുക
- തൃശൂരിലെ പാഞ്ഞാൾ ഗ്രാമത്തിലെ പരമ്പരാഗത വേദപണ്ഡിതരുടെ സാമവേദ ഉരുവിടൽ 100 മണിക്കൂർ റെക്കോർഡ് ചെയ്യാനുള്ള പദ്ധതി പൂർത്തിയാക്കി.
- കേരളത്തിന്റെ പരമ്പരാഗത കലാരൂപമായ കൂടിയാട്ടത്തെ പറ്റി 100 മണിക്കൂർ ദൈർഘ്യമുള്ള ഡോക്യുമെന്ററി നിർമിച്ചു. കേന്ദ്ര മാനവവിഭവശേഷി മന്ത്രാലയത്തിന്റെ സാമ്പത്തിക പിന്തുണയോടുകൂടി നടത്തിയ ഈ പദ്ധതിയുടെ ചിത്രീകരണം നടത്തിയത് കേരള സംസ്ഥാന ചലച്ചിത്രവികസന കോർപ്പറേഷൻ ആണ്. 100 മണിക്കൂറിലെ 75 മണിക്കൂർ കൂടിയാട്ടം അവതരണത്തിനും 25 മണിക്കൂർ പ്രമുഖ കലാകാരന്മാരുടെ അഭിമുഖങ്ങൾക്കുമായി മാറ്റിവെച്ചു. 10 ഭാഗങ്ങളായാണ് ഇതിന്റെ നിർമ്മാണം നിർവഹിച്ചത്. 25 മിനുട്ട് ദൈർഘ്യമുള്ള 9 ഭാഗങ്ങളും 50 മിനുട്ട് ദൈർഘ്യമുള്ള 1 ഭാഗവും ചേർന്ന ഈ ഡോക്യുമെന്ററി കേരള കലാമണ്ഡലം, വൈലോപ്പിള്ളി സംസ്കൃതി ഭവൻ, ചിത്രാഞ്ജലി സ്റ്റുഡിയോ, സർവകലാശാലയുടെ കാലടി കേന്ദ്രത്തിലുള്ള കൂത്തമ്പലം എന്നിവിടങ്ങളിലാണ് ചിത്രീകരിച്ചത്.
നുറുങ്ങുകൾ തിരുത്തുക
ചിത്രമതിൽ തിരുത്തുക
സർവ്വകലാശാല കാമ്പസിലെ ഒരു പ്രധാന നിർമ്മിതിയാണ് ഇവിടുത്തെ പുരാണചിത്രമതിൽ. 1999 - 2000 കാലഘട്ടത്തിൽ ഇവിടുത്തെ അദ്ധ്യാപകനും പ്രശസ്ത ചുമർച്ചിത്രകലാകാരനുമായ കെ.കെ. സുരേഷാണ് 1600 അടി നീളത്തിലും അഞ്ചടി വീതിയിലും സിമന്റിൽ ഇത് നിർമ്മിച്ചത്. പുരാണചിത്രങ്ങൾ ആലേഖനം ചെയ്യപ്പെട്ട ഈ മതിൽ 2000-ൽ ലിംകാ ബുക്ക് ഓഫ് റെക്കോഡ്സിലേക്ക് നിർദ്ദേശിക്കപ്പെട്ടതായിരുന്നു. തുടർന്നു വന്ന വർഷങ്ങളിലെ അശ്രദ്ധമായ കൈകാര്യം മൂലം ഇത് കാടുകയറുകയും ഒരു ഭാഗം നിലം പതിക്കുകയും ചെയ്തു. 2014-ൽ വീണ്ടും ഈ മതിൽ വൃത്തിയാക്കിയിരുന്നു.[3]
ഇതും കാണുക തിരുത്തുക
അവലംബം തിരുത്തുക
- ↑ "ആർക്കൈവ് പകർപ്പ്". മൂലതാളിൽ നിന്നും 2012-09-09-ന് ആർക്കൈവ് ചെയ്തത്. ശേഖരിച്ചത് 2012-09-07.
- ↑ 2.0 2.1 2.2 2.3 "ആർക്കൈവ് പകർപ്പ്". മൂലതാളിൽ നിന്നും 2012-09-09-ന് ആർക്കൈവ് ചെയ്തത്. ശേഖരിച്ചത് 2012-09-07.
- ↑ "സംസ്കൃത സർവ്വകലാശാല പുരാണ ചിത്രമതിലിന് ശാപമോക്ഷം". ജന്മഭൂമി. 20 സെപ്റ്റംബർ 2014. മൂലതാളിൽ (പത്രലേഖനം) നിന്നും 2014-09-22-ന് ആർക്കൈവ് ചെയ്തത്. ശേഖരിച്ചത് 22 സെപ്റ്റംബർ 2014.
പുറത്തേക്കുള്ള കണ്ണികൾ തിരുത്തുക
