സി. രവീന്ദ്രനാഥ്

ഇന്ത്യയിലെ ഒരു രാഷ്ട്രീയ പ്രവർത്തകൻ

സി. രവീന്ദ്രനാഥ് (English: C. Raveendranath) കേരളത്തിലെ ഒരു പ്രമുഖ രാഷ്ട്രീയപ്രവർത്തകനാണ്. ഇദ്ദേഹം തൃശൂർക്കാരനായ ഒരു സി.പി.ഐ.(എം.) അംഗമാണ്. പുതുക്കാട് നിയോജകമണ്ഡലത്തിൽ നിന്ന് ഇദ്ദേഹം കേരള നിയമസഭയിലേയ്ക്ക് തിരഞ്ഞെടുക്കപ്പെട്ടിട്ടുണ്ട്.[1][2] പതിനാലാം കേരള നിയമസഭയിലെ വിദ്യാഭ്യാസ വകുപ്പ് മന്ത്രിയാണ് നിലവിൽ. സർക്കാരിന്റെ ഒന്നാം വർഷത്തോടനുബന്ധിച്ച് കുട്ടികളുടെ സാമൂഹ്യ–സാമ്പത്തിക–വൈകാരിക പ്രശ്നങ്ങൾ മനസ്സിലാക്കി പഠനത്തിൽ മികവു പുലർത്താൻ കഴിയാത്ത വിദ്യാർഥികളുടെ കഴിവുകൾ ഉയർത്തുന്നതിനുള്ള ‘ശ്രദ്ധ’ പദ്ധതി നടപ്പാക്കും.[3]

സി. രവീന്ദ്രനാഥ്
C Raveendranath.jpg
കേരളത്തിലെ മുൻ വിദ്യാഭ്യാസവകുപ്പ് മന്ത്രി
In office
മേയ് 25 2016 – മേയ് 3 2021
മുൻഗാമിപി.കെ. അബ്ദുറബ്ബ്
പിൻഗാമിവി. ശിവൻകുട്ടി
മണ്ഡലംപുതുക്കാട്
കേരളനിയമസഭയിലെ അംഗം
In office
മേയ് 14 2011 – മേയ് 3 2021
പിൻഗാമികെ.കെ. രാമചന്ദ്രൻ
മണ്ഡലംപുതുക്കാട്
In office
മേയ് 13 2006 – മേയ് 14 2011
മുൻഗാമികെ.പി. വിശ്വനാഥൻ
മണ്ഡലംകൊടകര
Personal details
Born (1955-11-22) 22 നവംബർ 1955  (65 വയസ്സ്)
ചേരാനല്ലൂർ
Political partyസി.പിഎം.
Spouse(s)എം.കെ. വിജയം
Childrenഒരു മകൻ ഒരു മകൾ
Motherലക്ഷ്മിക്കുട്ടി കുഞ്ഞമ്മ
Fatherപിതാംബരൻ കർത്ത
Residenceകാനാട്ടുകര
As of ഓഗസ്റ്റ് 2, 2020
Source: നിയമസഭ

ജീവിതരേഖതിരുത്തുക

തൃശൂർ ജില്ലയിൽ നെല്ലായിക്കടുത്ത്‌ പന്തല്ലൂരിൽ സ്‌കൂൾ അധ്യാപകനായ കുന്നത്തേരി തെക്കേമഠത്തിൽ പീതാംബരൻ കർത്തയുടെയും ചേരാനെല്ലൂർ ലക്ഷ്‌മിക്കുട്ടി കുഞ്ഞമ്മയുടെയും മകനായി 1955 നവംബർ 22-ന് ചേരാനല്ലൂരിൽ ജനനം. ജെ.യു.പി.എസ്‌. പന്തല്ലൂർ. ജി.എൻ.ബി.എച്ച്‌.എസ്‌. കൊടകര, സെന്റ്‌ ആന്റണീസ്‌ ഹൈസ്‌കൂൾ പുതുക്കാട്‌, സെന്റ്‌ തോമസ്‌ കോളേജ്‌ തൃശൂർ എന്നിവിടങ്ങളിൽ വിദ്യാഭ്യാസം. തൃശൂർ സെന്റ്‌ തോമസ്‌ കോളേജിൽ കെമിസ്‌ട്രി വിഭാഗം അധ്യാപകനായിരുന്നു. 2006-ലും 2011-ലും 2016-ലും കേരള നിയമസഭയിലേയ്ക്ക് തിരഞ്ഞെടുക്കപ്പെട്ടിട്ടുണ്ട്. സമ്പൂർണ സാക്ഷരതാ പ്രസ്ഥാനം, സ്വാശ്രയസമിതി, കോളേജ്‌ അധ്യാപകരുടെ സംഘടനയായ എകെപിസിടിഎ,കേരള ശാസ്ത്രസാഹിത്യ പരിഷത്ത് എന്നിവയുടെ സജീവപ്രവർത്തകനാണ്. എം.കെ. വിജയമാണ് ഭാര്യ. ഒരു മകനും ഒരു മകളുമുണ്ട്. മൂന്ന് ഗ്രന്ഥങ്ങൾ പ്രസിദ്ധീകരിച്ചിട്ടുണ്ട്[2].

വിമർശനങ്ങൾതിരുത്തുക

2017 മാർച്ചിൽ നടന്ന കേരളത്തിലെ പത്താം ക്ലാസിലെ എസ് എസ് എൽ സി പരീക്ഷയുടെ കണക്ക് വിഷയത്തിന്റെ ചോദ്യപ്പേപ്പർ ചോർന്നത് വലിയ വിമർശനങ്ങൾ ക്ഷണിച്ചു വരുത്തി. പരീക്ഷ റദ്ദാക്കേണ്ടി വന്നത് വലിയ തിരിച്ചടിയായി. ഇതേ വർഷത്തെ ജ്യോഗ്രഫിയുടെ ചോദ്യപ്പേപ്പർ മോഡൽ പരീക്ഷയിലെ ചോദ്യങ്ങൾ ആവർത്തിച്ചത് വീണ്ടും വിവാദമായി. മലയാളം പരീക്ഷയുടെ ചോദ്യപ്പേപ്പറിൽ ഇംഗ്ലീഷ് ചോദ്യങ്ങൾ ഉണ്ടായതായി ആരോപണം ഉയർന്നു.[1]

കൃതികൾതിരുത്തുക

  • നിയമസഭാപ്രസംഗങ്ങൾ
  • നവലിബറൽ അഥവാ ദുരിതങ്ങളുടെ നയം
  • ആസിയാൻകാരറിന്റെ യഥാർത്ഥ്യങ്ങൾ

തിരഞ്ഞെടുപ്പുകൾതിരുത്തുക

തിരഞ്ഞെടുപ്പുകൾ [4] [5]
വർഷം മണ്ഡലം വിജയിച്ച സ്ഥാനാർത്ഥി പാർട്ടിയും മുന്നണിയും മുഖ്യ എതിരാളി പാർട്ടിയും മുന്നണിയും രണ്ടാമത്തെ മുഖ്യ എതിരാളി പാർട്ടിയും മുന്നണിയും
2016 പുതുക്കാട് നിയമസഭാമണ്ഡലം സി. രവീന്ദ്രനാഥ് സി.പി.എം., എൽ.ഡി.എഫ്. സുന്ദരൻ കുന്നത്തുള്ളി കോൺഗ്രസ് (ഐ.), യു.ഡി.എഫ്. എ. നാഗേഷ് (പരമേശ്വരൻ) ബി.ജെ.പി. എൻ.ഡി.എ.
2011 പുതുക്കാട് നിയമസഭാമണ്ഡലം സി. രവീന്ദ്രനാഥ് സി.പി.എം., എൽ.ഡി.എഫ്. കെ.പി. വിശ്വനാഥൻ കോൺഗ്രസ് (ഐ.), യു.ഡി.എഫ്. ശോഭ സുരേന്ദ്രൻ ബി.ജെ.പി. എൻ.ഡി.എ.
2006[6] കൊടകര നിയമസഭാമണ്ഡലം സി. രവീന്ദ്രനാഥ് സി.പി.എം., എൽ.ഡി.എഫ്. കെ.പി. വിശ്വനാഥൻ കോൺഗ്രസ് (ഐ.), യു.ഡി.എഫ്. എ. നാഗേഷ് (പരമേശ്വരൻ) ബി.ജെ.പി. എൻ.ഡി.എ.

അവലംബംതിരുത്തുക

  1. "Myneta Info". PROF.C.RAVEENDRANATH. ശേഖരിച്ചത് 2012-05-12.
  2. 2.0 2.1 "KERALA LEGISLATURE - MEMBERS". Niyamasabha. ശേഖരിച്ചത് 2012-05-12.
  3. http://specials.manoramaonline.com/News/2017/ldf-government-anniversary/index.html
  4. http://www.ceo.kerala.gov.in/electionhistory.html
  5. http://www.keralaassembly.org
  6. "Kerala Assembly Election Results in 2006". ശേഖരിച്ചത് 2020-08-03.
"https://ml.wikipedia.org/w/index.php?title=സി._രവീന്ദ്രനാഥ്&oldid=3564841" എന്ന താളിൽനിന്ന് ശേഖരിച്ചത്