കേരളസംസ്ഥാന ചലച്ചിത്രപുരസ്കാരം 2015
കേരള സർക്കാറിന്റെ 2015-ലെ കേരളസംസ്ഥാന ചലച്ചിത്രപുരസ്കാരം 2016 മാർച്ച് 1-നു് തിരുവനന്തപുരത്ത് പ്രഖ്യാപിച്ചു[1][2] സാംസ്കാാരിക വകുപ്പു മന്ത്രി തിരുവഞ്ചൂർ രാധാകൃഷ്ണൻ ഉച്ചക്ക് 12 മണിക്കാണു അവാർഡ് പ്രഖ്യാപിച്ചത്. ആകെ 79 ചിത്രങ്ങളാണു ജൂറിക്കു മുൻപിൽ അവാർഡിനായി പരിഗണിച്ചത്. സംവിധായകൻ മോഹനാണു ജൂറിയുടെ ചെയർമാൻ. ജോർജ് കിത്തു, എം.എ. വേണു, സുലക്ഷണ, ശരത്, ബി. ആർ. പ്രസാാദ്, വേണുഗോപാൽ, പ്രേംചന്ദ്, സോമൻ, സി.ആർ. രജമോഹൻ എന്നിവരാണു ചലച്ചിത്ര വിഭാഗത്തിലെ മറ്റു ജൂറി അംഗങ്ങൾ. എസ്. ജയചന്ദ്രൻ നായർ, രാജീവ് ഗോപാലകൃഷ്ണൻ, പവിത്രൻ, സി.ആർ. രാജമോഹൻ എന്നിവരാണു രചനാവിഭാഗത്തിലെ ജൂറി അംഗങ്ങൾ [3]സനൽ കുമാർ ശശിധരൻ സംവിധാനം ചെയ്ത ഒഴിവു ദിവസത്തെ കളി എന്ന ചലച്ചിത്രം മികച്ച ചലച്ചിത്രമായും, ചാർലി എന്ന ചിത്രത്തിലെ അഭിനയത്തിനു ദുൽഖർ സൽമാൻ മികച്ച നടനായും, ചാർലി, എന്ന് നിന്റെ മൊയ്തീൻ എന്നീ ചിത്രങ്ങളിലെ അഭിനയത്തിനു പാർവ്വതി മികച്ച നടിയായും തെരഞ്ഞെടുക്കപ്പെട്ടു.[3]
| കേരളസംസ്ഥാന ചലച്ചിത്രപുരസ്കാരം 2015 | ||||
|---|---|---|---|---|
| തിയതി | 1 മാർച്ച് 2016 | |||
| സ്ഥലം | തിരുവനന്തപുരം | |||
| രാജ്യം | ഇന്ത്യ | |||
| നൽകുന്നത് | കേരള ചലച്ചിത്ര അക്കാദമി | |||
| ആദ്യം നൽകിയത് | 1969 | |||
| ഔദ്യോഗിക വെബ്സൈറ്റ് | http://www.keralafilm.com | |||
| ||||
സു.. സു... സുധി വാത്മീകം, ലുക്കാ ചുപ്പി എന്നീ ചലച്ചിത്രങ്ങളിലെ അഭിനയത്തിനു ജയസൂര്യ, മോഹവലയം എന്ന ചലച്ചിത്രത്തിലെ അഭിനയത്തിനു ജോയ് മാത്യുവിനും, ഒരു സെക്കന്റ് ക്ലാസ് യാത്ര, ലുക്കാ ചുപ്പി എന്നീ ചലച്ചിത്രങ്ങളിലെ അഭിനയത്തിനു ജോജു ജോർജ്ജിനും, അമർ അക്ബർ അന്തോണി എന്ന ചിത്രത്തിലെ അന്നു ഞാനെന്റെ മുറ്റത്തെ മുല്ലയ്ക്കു.. എന്ന ഗാനം പാടിയതിനു ശ്രേയ ജയദീപിനും ജൂറിയുടെ പ്രത്യേക പരാമർശങ്ങൾ ലഭിച്ചു.[3]
2015-ലെ കേരളസംസ്ഥാന ചലച്ചിത്രപുരസ്കാരങ്ങൾ, 2016 ഒക്റ്റോബർ 15 ന് പാലക്കാട്‌ ഇന്ദിരാഗാന്ധി മുനിസിപ്പൽ സ്റ്റേഡിയത്തിൽ നടന്ന ചടങ്ങിൽ വച്ച് കേരള സംസ്ഥാന മുഖ്യമന്ത്രി പിണറായി വിജയൻ പുരസ്കാര ജേതാക്കൾക്ക് നൽകി. മലയാള ചലചിത്ര രംഗത്ത് പതിറ്റാണ്ടുകളായി നിറഞ്ഞു നിൽക്കുന്ന പ്രതിഭകളായ മധു, ശാരദ, ഷീല, ശ്രീകുമാരൻ തമ്പി, എം.കെ അർജുനൻ എന്നിവരെയും, ഓസ്‌കാർ പുരസ്കാര ജേതാവ് റസൂൽ പുക്കുട്ടിയെയും ചടങ്ങിൽ ആദരിച്ചു
ചലച്ചിത്രത്തിനു ലഭിച്ച പുരസ്കാരങ്ങൾ
തിരുത്തുക
| പുരസ്കാരം | ചലച്ചിത്രം | സംവിധായകൻ |
|---|---|---|
| മികച്ച ചിത്രം | ഒഴിവുദിവസത്തെ കളി | സനൽ കുമാർ ശശിധരൻ |
| മികച്ച രണ്ടാമത്തെ ചിത്രം | അമീബ | മനോജ് കാന |
| മികച്ച ജനപ്രിയ ചിത്രം | എന്നു നിന്റെ മൊയ്തീൻ | ആർ.എസ്. വിമൽ |
| മികച്ച കുട്ടികളുടെ ചിത്രം | മലേറ്റം | തോമസ് ദേവസ്യ |
വ്യക്തിഗത പുരസ്കാരങ്ങൾ
തിരുത്തുക
വിവാദങ്ങൾ
തിരുത്തുകഅവാർഡ് പ്രഖ്യാപനെത്തുടർന്ന് വിവാദങ്ങളും ഉണ്ടായി.
- മികച്ച കഥയ്ക്കുള്ള പുരസ്കാരം നേടിയ ഹരികുമാറിനെതിരെയായിരുന്നു ആദ്യം പുറത്തു വന്ന വിവാദം. കാറ്റും മഴയും എന്ന ചിത്രത്തിന്റെ കഥയ്ക്കാണ് ഹരികുമാറിനു മികച്ച കഥയ്ക്കുളള അവാർഡ് ലഭിച്ചത്.എന്നാൽ ഈ കഥ തന്റെതാണെന്ന വാദവുമായി നജീം കോയ രംഗത്തെത്തി[4].
- മികച്ച സംഗീതസംവിധായകനുള്ള പുരസ്കാരം ലഭിച്ചതിനു ശേഷം രമേശ് നാരായണൻ ചിത്രത്തിലെ നായകൻ പൃഥ്വിരാജിനെതിരെ രംഗത്തെത്തി. ചിത്രത്തിൽ തന്റെ ഗാനങ്ങൾ ഉൾപ്പെടുത്തരുതെന്ന് പൃഥ്വിരാജ് ആവശ്യപ്പെട്ടതായും രമേശ് നാരായണൻ പറഞ്ഞു.[5] രമേശ് നാരായണന്റെ ഈ പ്രഖ്യാപനത്തിനു ശേഷം എന്ന് നിന്റെ മൊയ്തീൻ സംവിധായകൻ രമേശ് നാരായണനെതിരെ രംഗത്തെത്തി.
- ശരീരത്തിന്റെ വലിപ്പവും നിറവും നോക്കിയാണ് അവാർഡുകൾ നൽകപ്പെടുന്നതെന്ന് നടൻ ഇന്ദ്രൻസ് അഭിപ്രായപ്പെട്ടു. തനിക്ക് നിറവും വലിപ്പവും, വീക്ക്ലിയുടെ കവറിൽ വരാഞ്ഞതു കൊണ്ടാണു അവസാന റൗണ്ടിലെത്തിയിട്ടും അവാർഡിനു പരിഗണിക്കാഞ്ഞതെന്നും, സ്പെഷൽ ജൂറി പരിഗണന പോലും നൽകാതിരുന്നതെന്നും ഇന്ദ്രൻസ് അഭിപ്രായപ്പെട്ടു. ഇന്ദ്രൻസിന്റെ ഈ അഭിപ്രായത്തോട് പിന്തുണയുമായി സംവിധായകൻ ബി. ഉണ്ണിക്കൃഷ്ണൻ, ചലച്ചിത്രനിരൂപകൻ ജി.പി. രാമചന്ദ്രൻ എന്നിവർ രംഗത്തെത്തി.[6]
- മികച്ച ജനപ്രിയ ചിത്രത്തിനായി പ്രേമം ഒരു ഘട്ടത്തിലും പരിഗണിച്ചില്ലിരുന്നെന്ന ജൂറി ചെയർമാൻ മോഹന്റെ അഭിപ്രായമാണു മറ്റൊരു വിവാദത്തിനു വഴി തെളിച്ചത്. പ്രേമത്തിന്റെ സംവിധായകൻ അൽഫോൺസ്‌ പുത്രന്‌ സിനിമ നന്നായി സംവിധാനം അറിയാഞ്ഞിട്ടല്ല. അദ്ദേഹത്തിന്റെ ആദ്യ ചിത്രമായ നേരം എല്ലാ തരത്തിലും ഒരു പെർഫെക്‌ട് സിനിമയാണ്‌. പക്ഷെ പ്രേമത്തിന്റെ മേക്കിംഗിലേക്ക്‌ വരുമ്പോൾ ഒരു ഉഴപ്പൻ നയമാണ്‌ സംവിധായകൻ സ്വീകരിച്ചിരിക്കുന്നത്‌. അതുകൊണ്ട്‌ തന്നെ പുരസ്‌ക്കാര ജേതാക്കളെ നിർണയിക്കുന്ന ഒരു ഘട്ടത്തിലും പ്രേമത്തിനെ പരിഗണിച്ചിരുന്നേയില്ല എന്നാണു മോഹൻ അഭിപ്രായപ്പെട്ടത്. ഇതിനെതിരെ ജൂറിക്കു പെരുന്തച്ചൻ കോംപ്ലക്സാണെന്ന് സംവിധായകൻ ആഷിഖ് അബു തന്റെ ഫേസ്ബുക്ക് പ്രൊഫൈലിൽ കുറിച്ചത്.[7]
പുറമെ നിന്നുള്ള കണ്ണികൾ
തിരുത്തുക- ഔദ്യോഗിക കണ്ണി - http://www.keralafilm.com/images/2016/filmaward/statefilmaward_declaration_2015.pdf[പ്രവർത്തിക്കാത്ത കണ്ണി] എന്ന കണ്ണിയിൽ നിന്നും ആർക്കൈവ് ചെയ്തത്.
അവലംബം
തിരുത്തുക- ↑ "'ഒഴിവു ദിവത്തെ കളി' മികച്ച ചിത്രം; ദുൽഖർ നടൻ, പാർവ്വതി നടി..." മാതൃഭൂമി. Archived from the original on 2016-03-01. Retrieved 2016 മാർച്ച് 1.
{{cite news}}: Check date values in:|accessdate=(help) - ↑ "മികച്ച നടൻ ദുൽഖർ സൽമാൻ, നടി പാർവ്വതി, സംവിധായകൻ മാർട്ടിൻ പ്രക്കാട്ട്..." manoramaonline. 2016 മാർച്ച് 1. Archived from the original on 2016-03-01. Retrieved 2016 മാർച്ച് 1.
{{cite news}}: Check date values in:|accessdate=and|date=(help) - ↑ 3.0 3.1 3.2 "കേരളസംസ്ഥാന ചലച്ചിത്രപുരസ്കാരം 2015- ഔദ്യോഗിക കണ്ണി" (PDF). Archived from the original (PDF) on 2019-02-09. Retrieved 2016-03-01.
- ↑ "ഹരികുമാർ കഥ മോഷ്ടിച്ചു; അവാർഡ് ലഭിച്ച കഥ തന്റേതെന്ന് നജീം കോയ". Archived from the original on 2016-03-02. Retrieved 2016 മാർച്ച് 2.
{{cite news}}: Check date values in:|accessdate=(help) - ↑ "സംസ്ഥാന അവാർഡ് രമേശ് നാരായണനെ വിമർശിച്ച് ആർ എസ് വിമൽ". Archived from the original on 2016-03-02. Retrieved 2016 മാർച്ച് 2.
{{cite news}}: Check date values in:|accessdate=(help) - ↑ "അവാർഡുകൾ വലിപ്പവും നിറവും നോക്കി; ഇന്ദ്രൻസ്". Archived from the original on 2016-03-02. Retrieved 2016 മാർച്ച് 2.
{{cite news}}: Check date values in:|accessdate=(help) - ↑ "'പ്രേമം' ചലച്ചിത്രപുരസ്‌കാരത്തിനായി പരിഗണിക്കാതിരുന്നതിന്‌ കാരണം!". Archived from the original on 2016-03-06. Retrieved 2016 മാർച്ച് 2.
{{cite news}}: Check date values in:|accessdate=(help)