വിവേകാനന്ദൻ വൈറലാണ്
2024 ജനുവരിയിൽ പുറത്തിറങ്ങിയ ഒരു മലയാള ചലച്ചിത്രമാണ് വിവേകാനന്ദൻ വൈറലാണ്[1][2]. കമൽ സംവിധാനം ചെയ്ത ചിത്രത്തിൽ, ഷൈൻ ടോം ചാക്കോ, സ്വാസിക വിജയ്, ഗ്രേസ് ആന്റണി, മറീന, ജോണി ആന്റണി എന്നിവരാണ് പ്രധാന അഭിനേതാക്കൾ.
| വിവേകാനന്ദൻ വൈറലാണ് | |
|---|---|
| സംവിധാനം | കമൽ |
| നിർമ്മാണം |
|
| സ്റ്റുഡിയോ | നെടിയത്ത് പ്രൊഡക്ഷൻസ് |
| വിതരണം | മാജിക് ഫ്രെയിംസ് |
| രാജ്യം | ഇന്ത്യ |
| ഭാഷ | മലയാളം |
ഷൈനിൻറെ 100-ാമത് ചിത്രമായി വിശേഷിപ്പിക്കപ്പെടുന്ന ഈ ചിത്രം, അഞ്ച് വർഷത്തെ ഇടവേളയ്ക്ക് ശേഷം, കമലിന്റെ തിരിച്ചുവരവ് ചിത്രമായും കണക്കാക്കപ്പെടുന്നു[3].
കഥാസംഗ്രഹം
തിരുത്തുകവിവേകാനന്ദൻ എന്ന സർക്കാർ ജീവനക്കാരന്റെയും അയാളുടെ ജീവിതത്തിലേക്ക് കടന്നുവരുന്ന അഞ്ച് സ്ത്രീകളുടെയും കഥയാണ് വിവേകാനന്ദൻ വൈറലാണ് പറയുന്നത്. ചില കാരണങ്ങളാൽ, വിവേകാനന്ദൻ ഓൺലൈനിൽ വൈറലാകുന്നു. പക്ഷെ അവന്റെ പ്രവൃത്തികൾക്ക് പിന്നിലെ നിഗൂഢത അവന്റെ അടുത്തുള്ളവർക്കും പ്രിയപ്പെട്ടവർക്കും അസുഖകരമായ അനുഭവങ്ങളുണ്ടാക്കുന്നു. [4]
അഭിനേതാക്കൾ
തിരുത്തുക- ഷൈൻ ടോം ചാക്കോ - വിവേകാനന്ദൻ
- സ്വാസിക വിജയ്
- ഗ്രേസ് ആന്റണി
- മറീന മൈക്കിൾ കുരിശിങ്കൽ
- മഞ്ജു പിള്ള
- ജോണി ആന്റണി
- മാലാ പാർവതി
- സ്മിനു സിജോ
- ശരത് സഭ
- സിദ്ധാർത്ഥ ശിവ
- പ്രമോദ് വെള്ളിനാട്
- നീന കുറുപ്പ്
- നിയാസ് ബെക്കർ
- റിയാസ്
- അനുഷ മോഹൻ
- രാധാ ഗോമതി
ചിത്രീകരണം
തിരുത്തുക2023 ജൂൺ 15ന് ചിത്രീകരണം ആരംഭിച്ച ഈ ചിത്രം, 2023 ജൂലൈ 25 ന്, തൊടുപുഴ, എറണാകുളം എന്നിവിടങ്ങളിലായി പൂർത്തിയാക്കി[5]. 2024 ജനുവരി 19നായിരുന്നു റിലീസ്[6][7][8][9][10].
"ഈ കാലഘട്ടത്തിൽ ചർച്ച ചെയ്യപ്പെടാത്ത, സ്ത്രീകൾ നേരിടുന്ന നിർണായകമായ ഒരു വിഷയമാണ് ഈ സിനിമയിൽ ഞങ്ങൾ അഭിസംബോധന ചെയ്യുന്നത്" എന്ന് ചിത്രത്തിന്റെ സംവിധായകൻ കമൽ പ്രസ്താവിക്കുകയുണ്ടായി. വലിയ താരപ്രതിച്ഛായയുടെ ഭാരമില്ലാത്ത നടനെയാണ് തനിക്ക് ആവശ്യമെന്നു പറഞ്ഞ അദ്ദേഹം, തന്റെ ശിഷ്യനായ ഷൈൻ ടോം ചാക്കോയെ നായകനാക്കുകയും ചെയ്തു[10]. വിവേകാനന്ദന്റെ (ഷൈൻ ടോം ചാക്കോ) ജീവിതത്തിൽ വരുന്ന സ്ത്രീകളെ അവതരിപ്പിക്കാൻ സ്വാസിക വിജയ്, ഗ്രേസ് ആന്റണി, മറീന, മാലാ പാർവതി, സ്മിനു സിജോ എന്നീ 5 നടിമാരെയാണ് കമൽ തെരഞ്ഞെടുത്തത്[7][11].
ചിത്രത്തിന്റെ വിതരണാവകാശം നിർമ്മാതാവ് ലിസ്റ്റിൻ സ്റ്റീഫൻ സ്വന്തമാക്കി. നെടിയത്ത് നസീബ്, പി.എസ്.ഷെല്ലിരാജ് എന്നിവർ ചേർന്ന് നിർമ്മിക്കുന്ന ചിത്രത്തിൽ കമാലുദ്ധീൻ സലീം, സുരേഷ് സാക്ക് എന്നിവർ സഹ നിർമ്മാതാക്കളാണ്[12]. ചിത്രത്തിൻറെ ആദ്യ ഗാനം റിലീസിങ്ങിനു മുന്നേ പുറത്തിറങ്ങിയിരുന്നു. 'ഒരു ചില്ലുപാത്രമുടയുന്ന പോലെ' എന്നു തുടങ്ങുന്ന ഈ ഗാനം ആലപിച്ചിരിക്കുന്നത് സിതാരയാണ്. ബി.കെ. ഹരിനാരായണൻറെ വരികൾക്ക് ബിജിബാൽ സംഗീതം നൽകി[13][14].
അവലംബങ്ങൾ
തിരുത്തുക- ↑ "Movie Listings - Malayalam - Vivekanandan Viralanu". The Times of India. 10 January 2024. Retrieved 16 January 2024.
- ↑ "Kamal's social satire looks at pressing current women-centric issue". The Times of India. 22 September 2023. Retrieved 16 January 2024.
- ↑ "ഷൈൻ ടോം ചാക്കോയുടെ നൂറാമത് ചിത്രം; 'വിവേകാനന്ദൻ വൈറലാണ്' തിയേറ്ററുകളിലേക്ക്". Reporter TV. 10 January 2024. Retrieved 16 January 2024.
- ↑ "'Vivekanandan Viralanu' Teaser Review: Shine Tom Chacko Goes Viral For A Mysterious Reason". Outlook (Indian magazine). 5 January 2024. Retrieved 16 January 2024.
- ↑ "Shine Tom Chacko to headline Kamal's 'Vivekanandan Viralanu' ". The Times of India. 15 June 2023. Retrieved 16 January 2024.
- ↑ "Vivekanandan Viralaanu - ശിഷ്യനായ ഷൈൻ ടോം നായകനായ കമലിന്റെ ചിത്രം 'വിവേകാനന്ദൻ വൈറലാണ്' ഷൂട്ടിംഗ് പൂർത്തിയായി". News 18. 25 July 2023. Retrieved 16 January 2024.
- ↑ 7.0 7.1 "ഷൈൻ ടോമിന് അഞ്ച് നായികമാർ; വിവേകാനന്ദൻ വൈറലാണ് ട്രെയിലർ". Onmanorama. 12 January 2024. Retrieved 16 January 2024."ഷൈൻ ടോമിന് അഞ്ച് നായികമാർ; വിവേകാനന്ദൻ വൈറലാണ് ട്രെയിലർ". Onmanorama. 12 January 2024.Retrieved 16 January 2024.
- ↑ "ഷൈൻ ടോമിന് അഞ്ച് നായികമാർ; വിവേകാനന്ദൻ വൈറലാണ് ട്രെയിലർ". manorama. 12 January 2024. Retrieved 16 January 2024.
- ↑ "ഷൈൻ ടോം ചാക്കോ - കമൽ ചിത്രം 'വിവേകാനന്ദൻ വൈറലാണ്' ജനുവരി 19ന് തീയറ്ററുകളിലേക്ക്". India Today. 8 January 2024. Retrieved 16 January 2024.
- ↑ 10.0 10.1 "Kamal's social satire looks at pressing current women-centric issue". The Times of India. 22 September 2023. Retrieved 16 January 2024."Kamal's social satire looks at pressing current women-centric issue". The Times of India. 22 September 2023. Retrieved 16 January 2024.
- ↑ "'ഷൈൻ ടോം ചാക്കോയും കാമുകിമാരും വൈറലാണ്..!' 'വിവേകാനന്ദൻ വൈറലാണ്' സെക്കൻഡ് ലുക്ക് പോസ്റ്റർ". India Today. 24 December 2023. Retrieved 16 January 2024.
- ↑ "'വിവേകാനന്ദൻ വൈറലാണ്' ജനുവരി 19ന് തിയേറ്ററുകളിലേക്ക് ; കൗതുകമുണർത്തി ട്രെയിലർ". ETV Network. 10 January 2024. Retrieved 16 January 2024.
- ↑ "Oru Chillupaathram Song from Vivekanandan Viralanu is out!". The Times of India. 15 January 2024. Retrieved 16 January 2024.
- ↑ "'ഒരു ചില്ലുപാത്രം'; 'വിവേകാനന്ദൻ വൈറലാണ്'ലെ ആദ്യ ഗാനം പുറത്ത്". Mathrubhumi. 15 January 2024. Retrieved 16 January 2024.
പുറത്തേക്കുള്ള കണ്ണികൾ
തിരുത്തുക
|
ചലച്ചിത്രവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |