കേരള സാഹിത്യ അക്കാദമി പുരസ്കാരം 2016

2016 -ലെ കേരള സാഹിത്യ അക്കാദമി 2018 ഫെബ്രുവരി 21-ന് പ്രഖ്യാപിച്ചു. നോവൽ വിഭാഗത്തിൽ ടി.ഡി. രാമകൃഷ്ണന്റെ സുഗന്ധി എന്ന ആണ്ടാൾ ദേവനായകി എന്ന നോവലും മികച്ച ചെറുകഥയ്ക്ക് എസ്. ഹരീഷിന്റെ ആദം എന്ന കഥാ സമാഹാരവും മികച്ച കവിതാസമാഹാരത്തിന് സാവിത്രി രാജീവന്റെ 'അമ്മയെ കുളിപ്പിക്കുമ്പോൾ ' എന്ന കാവ്യ സമാഹാരവും അർഹമായി.

സമഗ്രസംഭാവനാ പുരസ്കാരം

ഇയ്യങ്കോട് ശ്രീധരൻ, സി. ആർ. ഓമനക്കുട്ടൻ, ലളിത ലെനിൻ, ജോസ് പുന്നാംപറമ്പിൽ, പി.കെ. പാറക്കടവ്, പൂയ്യപ്പിള്ളി തങ്കപ്പൻ എന്നിവർ സമഗ്രസംഭാവനാ പുരസ്കാരത്തിന് അർഹരായി.

പുരസ്കാരങ്ങൾ

• നോവൽ - സുഗന്ധി എന്ന ആണ്ടാൾ ദേവനായകി - ടി.ഡി. രാമകൃഷ്ണൻ
• കവിത - അമ്മയെ കുളിപ്പിക്കുമ്പോൾ - സാവിത്രി രാജീവൻ
• നാടകം – ലല്ല - ഡോ. സാംകുട്ടി പട്ടംകരി
• ചെറുകഥ- ആദം- എസ്. ഹരീഷ്
• സാഹിത്യവിമർശനം- ആശാൻ കവിത: സ്ത്രീ പുരുഷ സമവാക്യങ്ങളിലെ കലാപം – എസ്. സുധീഷ്
• വൈജ്ഞാനിക സാഹിത്യം – ചവിട്ടുനാടക വിജ്ഞാനകോശം – ഫാ. വി.പി.ജോസഫ് വലിയവീട്ടിൽ
• ജീവചരിത്രം/ആത്മകഥ - എ.കെ.ജി: ഒരു സമഗ്രജീവചരിത്രം – ഡോ. ചന്തവിള മുരളി
• യാത്രാവിവരണം – നൈൽവഴികൾ – ഡോ. ഹരികൃഷ്ണൻ
• വിവർത്തനം – പ്രണയവും മൂലധനവും – സി.എം. രാജൻ
• ബാലസാഹിത്യം - സാമൂഹ്യപാഠം – കെ.ടി. ബാബുരാജ്
• ഹാസസാഹിത്യം – ചില നാട്ടുകാര്യങ്ങൾ – മുരളി തുമ്മാരുകുടി

എൻഡോവ്‌മെന്റുകൾ

• ഐ.സി. ചാക്കോ അവാർഡ് - വടക്കൻ മലയാളം - ഡോ. പി.എ. അബൂബക്കർ (ഭാഷാശാസ്ത്രം,വ്യാകരണം, ശാസ്ത്രപഠനം),
• സി.ബി.കുമാർ അവാർഡ് - പൂർണേന്ദുമുഖി - രവി മേനോൻ (ഉപന്യാസം),
• കെ.ആർ.നമ്പൂതിരി അവാർഡ് - നിരുക്തമെന്ന വേദാംഗം - ഡോ. കെ.പി. ശ്രീദേവി ( വൈദികസാഹിത്യം),
• കനകശ്രീ അവാർഡ് - അവസാനത്തെ മനുഷ്യൻ - ആര്യ ഗോപി (കവിത)
• ഗീതാ ഹിരണ്യൻ അവാർഡ് - കക്കാടിന്റെപുരാവൃത്തം - സുനിൽ ഉപാസന (ചെറുകഥാ സമാഹാരം)
• ജി.എൻ. പിള്ള അവാർഡ് - ബുദ്ധനെ എറിഞ്ഞ കല്ല് - രവിചന്ദ്രൻ. സി (വൈജ്ഞാനിക സാഹിത്യം)
• കുറ്റിപ്പുഴ അവാർഡ് - ഡോ. പി. സോമൻ - കവിതയുടെ കാവുതീണ്ടൽ
• തുഞ്ചൻ സ്മാരക പ്രബന്ധ മത്സരം - സിസ്റ്റർ അനു ഡേവിഡ്