എ.പി. കുര്യൻ
കേരളത്തിലെ ഒരു കമ്മ്യൂണിസ്റ്റ് പ്രവർത്തകനും മുൻ കേരള നിയമസഭാസ്പീക്കറുമായിരുന്നു എ.പി. കുര്യൻ (ജീവിതകാലം: 06 ഒക്ടോബർ 1930 - 30 ഓഗസ്റ്റ് 2001)[1]. അങ്കമാലി നിയമസഭാമണ്ഡലത്തിൽ നിന്നും സി.പി.ഐ.എം. സ്ഥാനാർഥിയായി വിജയിച്ച് മൂന്നും നാലും അഞ്ചും ആറും കേരളനിയമസഭകളിൽ അദ്ദേഹം അംഗമായിട്ടുണ്ട്. ആറാം കേരള നിയമസഭയുടെ സ്പീക്കറായിരുന്ന കുര്യൻ ഈ പദവിയിലെത്തുന്ന ആദ്യത്തെ സി.പി.ഐ.എം നേതാവായിരുന്നു[2]. നാല് തവണയായി പതിനേഴര വർഷം അദ്ദേഹം അങ്കമാലി മണ്ഡലത്തെ പ്രതിനിധീകരിച്ചു[2].
എ.പി. കുര്യൻ | |
|---|---|
 | |
| കേരളാ നിയമസഭാസ്പീക്കർ | |
| ഓഫീസിൽ ഫെബ്രുവരി 15 1980 – ഫെബ്രുവരി 1 1982 | |
| മുൻഗാമി | ചാക്കീരി അഹമ്മദ് കുട്ടി |
| പിൻഗാമി | എ.സി. ജോസ് |
| കേരള നിയമസഭയിലെ അംഗം | |
| ഓഫീസിൽ മാർച്ച് 3 1967 – മാർച്ച് 17 1982 | |
| പിൻഗാമി | എം.വി. മണി |
| മണ്ഡലം | അങ്കമാലി |
| വ്യക്തിഗത വിവരങ്ങൾ | |
| ജനനം | ഒക്ടോബർ 6, 1930 തുറവൂർ |
| മരണം | ഓഗസ്റ്റ് 30, 2001 (പ്രായം 70) തിരുവനന്തപുരം |
| രാഷ്ട്രീയ കക്ഷി | സി.പി.ഐ.എം. |
| പങ്കാളി | കുഞ്ഞമ്മ |
| കുട്ടികൾ | മൂന്ന് മകൻ |
| മാതാപിതാക്കൾ |
|
As of ജനുവരി 12, 2021 ഉറവിടം: നിയമസഭ | |
കുടുംബം തിരുത്തുക
അങ്കമാലിയിലെ തുറവൂർ പഞ്ചായത്തിൽ എ.കെ. പൗലോസിന്റേയും മറിയാമ്മയുടെയും മകനായി 1930 ഒക്ടോബർ ആറിന് ജനിച്ചു. തുറവൂർ സെന്റ് അഗസ്റ്റിൻ അപ്പർ പ്രൈമറി സ്കൂൾ, മാണിക്യമംഗലം എൻ.എസ്.എസ്. ഹൈസ്കൂൾ എന്നിവിടങ്ങളിൽ പഠനം പൂർത്തിയാക്കിയതിനുശേഷം[3] തുടർപഠനത്തിനായി ആലുവ യു.സി. കോളേജിൽ ഇന്റർമീഡീയറ്റിന് ചേർന്നു, യു.സി. കോളേജിൽ വിദ്യാർത്ഥിയായിരിക്കെ രാഷ്ട്രീയത്തിൽ സജീവമായതിനാൽ പഠനം പൂർത്തിയാക്കാൻ കഴിഞ്ഞില്ല[2]. കർഷകരുടെയും കുടികിടപ്പുകാരുടെയും ദീനതകൾക്ക് പരിഹാരം കാണുന്നതിനുവേണ്ടി അദ്ദേഹം നിരവധി സമരങ്ങൾക്ക് നേതൃത്വം നൽകി[2].
കുഞ്ഞമ്മയാണ് അദ്ദേഹത്തിന്റെ ഭാര്യ, പെൻ ബുക്സ് ഉടമ പോളി കെ. അയ്യമ്പള്ളി, വിജി, ജോബ് എന്നിവർ മക്കളും ഷിബി, ബോബി എന്നിവർ മരുമക്കളുമാണ്. നട്ടെല്ലിൽ അർബുദം ബാധിച്ചതിനേത്തുടർന്ന് തിരുവനന്തപുരം മെഡിക്കൽ കോളേജിൽ ചികിത്സയിലിരിക്കെ 2001 ഓഗസ്റ്റ് 30ന് ഇദ്ദേഹം അന്തരിച്ചു[2].
തിരഞ്ഞെടുപ്പ് ചരിത്രം തിരുത്തുക
| ക്രമം | വർഷം | മണ്ഡലം | വിജയിച്ച സ്ഥാനാർത്ഥി | പാർട്ടി | ലഭിച്ച വോട്ടുകൾ | ഭൂരിപക്ഷം | തൊട്ടടുത്ത സ്ഥാനാർത്ഥി | പാർട്ടി | വോട്ടുകൾ |
|---|---|---|---|---|---|---|---|---|---|
| 1 | 1991[4] | മുകുന്ദപുരം ലോകസഭാമണ്ഡലം | സാവിത്രി ലക്ഷ്മണൻ | കോൺഗ്രസ് (ഐ) | 362023 | 12,359 | എ.പി. കുര്യൻ | സി.പി.ഐ.എം. | 349,664 |
| 2 | 1982[5] | അങ്കമാലി നിയമസഭാമണ്ഡലം | എം.വി. മണി | കേരള കോൺഗ്രസ് (എം) | 40,056 | 2,377 | എ.പി. കുര്യൻ | സി.പി.ഐ.എം. | 37,679 |
| 3 | 1980[6] | അങ്കമാലി നിയമസഭാമണ്ഡലം | എ.പി. കുര്യൻ | സി.പി.ഐ.എം. | 40,565 | 1,806 | പി.ജെ. ജോയ് | ജനതാ പാർട്ടി | 38,759 |
| 4 | 1977[7] | അങ്കമാലി നിയമസഭാമണ്ഡലം | എ.പി. കുര്യൻ | സി.പി.ഐ.എം. | 36,261 | 561 | പി.പി. തങ്കച്ചൻ | കോൺഗ്രസ് | 35,700 |
| 5 | 1970[8] | അങ്കമാലി നിയമസഭാമണ്ഡലം | എ.പി. കുര്യൻ | സി.പി.ഐ.എം. | 26,626 | 1,306 | ജി. അരീകൽ | കോൺഗ്രസ് | 25,320 |
| 6 | 1967[9] | അങ്കമാലി നിയമസഭാമണ്ഡലം | എ.പി. കുര്യൻ | സി.പി.ഐ.എം. | 21,427 | 6,190 | എ.സി. ജോർജ്ജ് | കോൺഗ്രസ് | 15,237 |
പുറത്തേക്കുള്ള കണ്ണികൾ തിരുത്തുക
അവലംബം തിരുത്തുക
- ↑ "Members - Kerala Legislature". Retrieved 2021-01-12.
- ↑ 2.0 2.1 2.2 2.3 2.4 Staff (2001-09-01). "മുൻ സ്പീക്കർ എ.പി. കുര്യന് അന്ത്യാഞ്ജലി". Retrieved 2021-01-12.
- ↑ http://www.niyamasabha.org/codes/14kla/Speakers%20since%201957(eng%20&mal)/A.P.Kurian.pdf
- ↑ "Indian Parliament Election Results- Kerala 1991". Retrieved 2021-01-12.
- ↑ "Kerala Assembly Election Results 1982: ANGAMALI- M. V. Mani". Retrieved 2021-01-12.
- ↑ "Kerala Assembly Election Results in 1980". Retrieved 2021-01-12.
- ↑ "Kerala Assembly Election Results in 1977". Retrieved 2021-01-12.
- ↑ "Kerala Assembly Election Results in 1970". Retrieved 2020-12-15.
- ↑ "Kerala Assembly Election Results in 1967". Retrieved 2020-12-11.