രേവതി (നടി)
സംവിധായിക, ഡബ്ബിംഗ് ആർട്ടിസ്റ്റ് എന്നീ നിലകളിൽ പ്രശസ്തയായ തെന്നിന്ത്യൻ ചലച്ചിത്ര അഭിനേത്രിയാണ് രേവതി.(ജനനം : 8 ജൂലൈ 1966) ആൺകിളിയുടെ താരാട്ട്(1987), കാക്കോത്തിക്കാവിലെ അപ്പൂപ്പൻ താടികൾ(1988), വരവേൽപ്പ്(1989), ദേവാസുരം(1993), മായാമയൂരം(1993), അഗ്നിദേവൻ(1995) എന്നിവയാണ് രേവതിയുടെ പ്രധാന മലയാള സിനിമകൾ.[1][2][3][4]
രേവതി | |
|---|---|
_(cropped).jpg) | |
| ജനനം | ആശ കേളുണ്ണി നായർ 8 ജൂലൈ 1966 കൊച്ചി |
| തൊഴിൽ | തെന്നിന്ത്യൻ ചലച്ചിത്ര അഭിനേത്രി, സംവിധായിക, ഡബ്ബിംഗ് ആർട്ടിസ്റ്റ് |
| സജീവ കാലം | 1983-തുടരുന്നു |
| ജീവിതപങ്കാളി(കൾ) | സുരേഷ് മേനോൻ(വിവാഹമോചനം : 1986-2002) |
| കുട്ടികൾ | മഹിമ |
ജീവിതരേഖ തിരുത്തുക
ഇന്ത്യൻ ആർമി ഉദ്യോഗസ്ഥനായിരുന്ന മേജർ കേളുണ്ണി നായരുടേയും ലളിതയുടേയും മകളായി 1966 ജൂലൈ എട്ടിന് കൊച്ചിയിൽ ജനിച്ചു.
ഏഴാം വയസ് മുതൽ ഭരതനാട്യം അഭ്യസിച്ച രേവതി 1979-ൽ ചെന്നൈയിൽ ഭരതനാട്യത്തിൽ അരങ്ങേറ്റം കുറിച്ചു.
1983-ൽ ചെന്നൈയിൽ താമസിച്ചിരുന്ന കാലത്ത് നായികയെ അന്വേഷിച്ച് നടന്ന ഭാരതിരാജ രേവതിയെ കാണാനിടയായി. അദ്ദേഹത്തിൻ്റെ മൺ വാസനൈ എന്ന ചിത്രത്തിൽ നായികയായി തുടക്കം കുറിക്കാൻ അവസരം ലഭിച്ചു. തുടർന്ന് നാല് ദക്ഷിണേന്ത്യൻ ഭാഷകളിലും ഹിന്ദിയിലുമായി നൂറോളം ചിത്രങ്ങളിൽ ഇതുവരെ അഭിനയിച്ചു.
1983-ൽ ഭരതൻ സംവിധാനം ചെയ്ത കാറ്റത്തെ കിളിക്കൂട് എന്ന സിനിമയാണ് അദ്യ മലയാളം ചിത്രം.
തേവർ മകൻ, മറുപടി, പ്രിയങ്ക, മൗനരാഗം, കിഴക്ക് വാസൽ, തലൈമുറൈ എന്നിവ രേവതിയുടെ ശ്രദ്ധേയമായ തമിഴ് ചിത്രങ്ങളാണ്‌. മിത്ര് മൈ ഫ്രണ്ട് എന്ന ഇംഗ്ലീഷ് ചിത്രത്തിലൂടെ 2002-ൽ സംവിധായകയായി മാറി. മികച്ച ഇംഗ്ലീഷ് സിനിമയ്ക്കുള്ള 2002-ലെ ദേശീയ പുരസ്കാരം ഈ സിനിമ നേടി.
2011-ൽ രഞ്ജിത്ത് സംവിധാനം നിർവഹിച്ച് റിലീസായ കേരള കഫേയിലെ മകൾ എന്ന ഹസ്വചിത്രം സംവിധാനം ചെയ്തത് രേവതിയാണ്.
ഭരതൻ സംവിധാനം ചെയ്ത തേവർമകൻ എന്ന ചിത്രത്തിലെ അഭിനയത്തിന് 1992-ൽ മികച്ച സഹനടിക്കുള്ള ദേശീയ പുരസ്കാരം നേടി.
സംവിധാനം, കഥ
- കേരള കഫെ 2011
ശബ്ദം നൽകിയ സിനിമകൾ
- സോളോ 2017
- ചന്ദ്രോത്സവം 2005
- മേഘം 1999
- ദേവരാഗം 1996
പുരസ്കാരങ്ങൾ
കേരള സംസ്ഥാന ചലച്ചിത്ര അവാർഡ്
- മികച്ച നടി
- ഭൂതകാലം 2022
ഫിലിംഫെയർ അവാർഡ്
- മികച്ച നടി
- കാക്കോത്തിക്കാവിലെ അപ്പൂപ്പൻ താടികൾ 1988[5].
അഭിനയിച്ച മലയാള സിനിമകൾ തിരുത്തുക
- കാറ്റത്തെ കിളിക്കൂട് (1983)
- എന്റെ കാണാക്കുയിൽ (1985)
- ആൺകിളിയുടെ താരാട്ട് (1987)
- വന്ദനം (1987)
- കാക്കോത്തിക്കാവിലെ അപ്പൂപ്പൻ താടികൾ 1988
- പുരാവൃത്തം 1988
- മൂന്നാംമുറ 1988
- വരവേൽപ്പ് 1989
- ഞങ്ങളുടെ കൊച്ചു ഡോക്ടർ 1989
- ഒറ്റയടിപ്പാതകൾ 1990
- അദ്വൈതം 1991
- ദേവാസുരം 1993
- മായാമയൂരം 1993
- പാഥേയം 1994
- അഗ്നിദേവൻ 1995
- രാവണപ്രഭു 2001
- നന്ദനം 2002
- കൈയെത്തും ദൂരത്ത് 2002
- കൃഷ്ണപക്ഷ കിളികൾ 2002
- ഗ്രാമഫോൺ 2003
- മിഴിരണ്ടിലും 2003
- അനന്തഭദ്രം 2005
- നമ്മൾ തമ്മിൽ 2009
- പെൺപട്ടണം 2010
- ഇന്ത്യൻ റുപ്പി 2011
- ഫാദേഴ്സ് ഡേ (2012)
- മോളി ആന്റി റോക്ക്സ് (2012)
- കിണർ (2018)
- വൈറസ് (2019)
- ഭൂതകാലം (2022)
- മേജർ (2022)
അവലംബം തിരുത്തുക
- ↑ "രേവതി - Revathi | M3DB" https://m3db.com/revathi
- ↑ "ഇവളെന്റെ രക്തം: മകൾക്കൊപ്പം ആദ്യമായി രേവതി | Revathy Daughter" https://www.manoramaonline.com/movies/movie-news/2019/04/16/revathy-with-daughter-mahima-pictue.html
- ↑ "അന്നൊന്നും ഭാഗ്യം തുണച്ചില്ല; രേവതിക്ക് ആദ്യ സംസ്ഥാന പുരസ്കാരം | Revathy State Film Award" https://www.manoramaonline.com/movies/movie-news/2022/05/27/revathy-first-kerala-state-film-award.html
- ↑ "മമ്മൂക്കാ, ലാലേട്ടാ... ഇത്തരം 'തമാശകൾ' ഇനി വേണ്ട: രേവതി | Revathy Mammootty Mohanlal" https://www.manoramaonline.com/movies/exclusives/2018/07/02/actress-revathy-about-wcc-amma-association.html
- ↑ "പിറന്നാൾക്കിലുക്കം" (ഭാഷ: Malayalam). Malayala Manorama. മൂലതാളിൽ നിന്നും 2009-07-10-ന് ആർക്കൈവ് ചെയ്തത്. ശേഖരിച്ചത് 2009-07-08.
{{cite web}}: CS1 maint: unrecognized language (link)
പുറത്തേക്കുള്ള കണ്ണികൾ തിരുത്തുക
- Revathi's blog Archived 2008-09-04 at the Wayback Machine.
- ഇന്റർനെറ്റ് മൂവി ഡാറ്റാബേസിൽ നിന്ന് Revathi
- Official Website Archived 2019-12-06 at the Wayback Machine.