കൊല്ലം വികസന സമിതി
കൊല്ലം നഗരത്തിന്റെ വികസനപദ്ധതികൾ ആവിഷ്കരിക്കുന്നതിനായി രൂപീകരിച്ചിട്ടുള്ള ഒരു സ്വയംഭരണാധികാര ഉപദേശകസമിതിയാണ് കൊല്ലം വികസന സമിതി (ഇംഗ്ലീഷ്: Kollam Development Authority). കൊല്ലം കോർപ്പറേഷന്റെ അധികാരപരിധിയിൽ വരുന്ന കൊല്ലം നഗരത്തിന്റെ ഭാഗങ്ങളുടെയും ഇരവിപുരം, ശക്തികുളങ്ങര, നീണ്ടകര, ഉളിയക്കോവിൽ, അഞ്ചാലുംമൂട്, കൊട്ടിയം എന്നിങ്ങനെയുള്ള പ്രദേശങ്ങളുടെയും വികസനമാണ് ഈ സമിതിയുടെ ലക്ഷ്യം.[3] കേരളത്തിലെ അഞ്ച് നഗരവികസനസമിതികളിലൊന്നാണ് കൊല്ലം വികസന സമിതി. കൊല്ലം കൂടാതെ കോഴിക്കോട്, തൃശ്ശൂർ, ഇടുക്കി, വർക്കല എന്നീ നഗരങ്ങൾക്കാണ് വികസന സമിതികളുള്ളത്.[4]
| കൊല്ലം വികസന സമിതി കൊല്ലം ഡെവലപ്മെന്റ് അതോറിറ്റി | |
| ഏജൻസി അവലോകനം | |
|---|---|
| രൂപപ്പെട്ടത് | 1981 |
| പിരിച്ചുവിട്ടത് | 2016 |
| അധികാരപരിധി | കേരള സർക്കാർ |
| ആസ്ഥാനം | താമരക്കുളം, കൊല്ലം ജില്ല, കേരളം[1] |
| മേധാവി/തലവൻ | A.K Hafees[2], Chairman |
| മാതൃ ഏജൻസി | Government of Kerala |
ചരിത്രം
തിരുത്തുക1981-ൽ നഗരാസൂത്രണ നിയമപ്രകാരം കേരള സർക്കാർ രൂപീകരിച്ചതാണ് കൊല്ലം വികസന സമിതി. 2007-ലും 2012-ലും ഇത് പുനഃസംഘടിപ്പിച്ചിരുന്നു.[5] 2013 ഏപ്രിൽ 7-ന് കൊല്ലം വികസന സമിതിയുടെ ചെയർമാനായി എ.കെ. ഹഫീസിനെ നിയമിച്ചു.[6] 2016 സെപ്റ്റംബറിൽ കേരള സർക്കാർ കൊല്ലം വികസന സമിതി പിരിച്ചുവിടാൻ തീരുമാനിച്ചു.[7]
പദ്ധതികൾ
തിരുത്തുക2014 ഫെബ്രുവരിയിൽ കേരള സർക്കാർ സംഘടിപ്പിച്ച 'പാർട്ട്നർ കേരള' എന്ന സമ്മേളനത്തിൽ കൊല്ലത്തിന്റെ വികസനവുമായി ബന്ധപ്പെട്ട് കൊല്ലം ഡെവലപ്മെന്റ് അതോറിറ്റി ചില പദ്ധതികൾ മുന്നോട്ടുവച്ചു.[8][9]
- തിരുമുല്ലവാരത്തും തങ്കശ്ശേരിയിലും ഉദ്യാനം നിർമ്മിക്കുക.
- പായിക്കടയുടെ പുനർനവീകരണം
- കൊല്ലം ബോട്ടുജെട്ടി മുതൽ ഇരവിപുരം വരെയുള്ള ടി.എസ്. കനാലിന്റെ നവീകരണം
- കടപ്പാക്കടയുടെയും ഹൈസ്കൂൾ ജംഗ്ഷന്റെയും വികസനം
- കൊല്ലം പബ്ലിക് ലൈബ്രറിയ്ക്കു മുമ്പിൽ മൊബിലിറ്റി ഹബ്ബ്
- കൊല്ലം ബീച്ചിൽ ഓഷ്യാനേറിയം
- എസ്.പി. ഓഫീസ് റെയിൽവേ മേൽപ്പാലം മുതൽ വെള്ളയിട്ടമ്പലം വരെയുള്ള പാതയുടെ നവീകരണം
- താമരക്കുളത്ത് ഷോപ്പിംഗ് കോംപ്ലെക്സുകളുടെ നിർമ്മാണം. 2015 ഡിസംബർ 31-ന് കേരള മുഖ്യമന്ത്രി ഉമ്മൻ ചാണ്ടി ഈ പദ്ധതിക്കു തറക്കല്ലിട്ടു.[10]
അവലംബം
തിരുത്തുക- ↑ "Government Offices in Kollam". Retrieved 2014-05-18.
- ↑ "A.K. Hafees is KDA Chairman". The Hindu. Retrieved 2014-05-18.
- ↑ "Kollam city population Census". census2011.co.in. Retrieved 16 December 2013.
- ↑ "Move to wind up five development authorities". The Hindu. Archived from the original on 2014-08-27. Retrieved 2014-05-18.
- ↑ "Reconstitution of Kollam, Kozhikode and Thrissur Development Authorities" (PDF). Kerala Government. Archived from the original (PDF) on 2012-10-29. Retrieved 2012-10-29.
- ↑ "A.K. Hafees is KDA Chairman". The Hindu. Retrieved 2014-05-18.
- ↑ "Govt to disband four development authorities in Kerala". Times of India. 2016-09-11. Retrieved 2017-06-29.
- ↑ Partner Kerala eyes Rs.2Kcr for 100 projects
- ↑ "Partner Kerala Meet - Projects". Archived from the original on 2018-11-06. Retrieved 2017-12-27.
- ↑ "Chandy to lay foundation stone for KDA complex - The Hindu". Retrieved 30 December 2015.