കാന്തല്ലൂർ
കേരളത്തിലെ ഇടുക്കി ജില്ലയിലെ ദേവികുളം താലൂക്കിലെ കാന്തല്ലൂർ പഞ്ചായത്തിലെ തമിഴ് പ്രധാന ഭാഷയായി സംസാരിക്കുന്ന, തമിഴ്നാടുമായി അതിർത്തി പങ്കിടുന്ന ഗ്രാമമാണ് കാന്തല്ലൂർ.[1] വിസ്തീർണ്ണം 4842 ഹെക്റ്റർ. കീഴാന്തൂർ, മറയൂർ, കൊട്ടാക്കമ്പൂർ, വട്ടവട, എന്നിവകളാണ് ഈ ഗ്രാമത്തിന്റെ അതിർത്തി പ്രദേശങ്ങൾ. ശൈത്യകാല പച്ചക്കറികൾ വ്യാപകമായി ഇവിടെ കൃഷി ചെയ്തുവരുന്നു. ആപ്പിൾ, പ്ലം, മാതളനാരകം, പേരയ്ക്ക, നെല്ലിക്ക, മുട്ടപ്പഴം, പീച്ച്, കോളീഫ്ലവർ, കാരറ്റ്, ബീൻസ്, ഉരുളക്കിഴങ്ങ്, ബീറ്റ്റൂട്ട്, വെളുത്തുള്ളി തുടങ്ങിയ കേരളത്തിൽ കണ്ടുവരുന്നതും അല്ലാത്തതുമായ പഴം, പച്ചക്കറി വർഗ്ഗങ്ങൾ ഇവിടെ കൃഷി ചെയ്തുവരുന്നു. കാന്തല്ലൂരിൽ വിളയുന്ന ആപ്പിൾ പ്രശസ്തമാണ്.[2]
കാന്തല്ലൂർ
காந்தலூர் (തമിഴ്) | |
|---|---|
ഗ്രാമം | |
 കാന്തല്ലൂരിലെ ചരിത്രാതീതകാലത്തെ മുനിയറകളിലൊന്ന് | |
  കാന്തല്ലൂർ കേരളത്തിലെ സ്ഥാനം  കാന്തല്ലൂർ കാന്തല്ലൂർ (India) | |
| Coordinates: 10°13′N 77°11′E / 10.217°N 77.183°E | |
| രാജ്യം |  ഇന്ത്യ |
| സംസ്ഥാനം | കേരളം |
| ജില്ല | ഇടുക്കി |
| താലൂക്ക് | ദേവികുളം |
| തദ്ദേശ സ്വയംഭരണ സ്ഥാനം | കാന്തല്ലൂർ ഗ്രാമപഞ്ചായത്ത് |
| ജനസംഖ്യ (2011) | |
• ആകെ | 6,758 |
| ഭാഷകൾ | |
| • ഭരണ ഭാഷകൾ | തമിഴ്, മലയാളം |
| സമയമേഖല | UTC+5:30 (ഔദ്യോഗിക ഇന്ത്യൻ സമയം) |
| പിൻകോഡ് | 685620 |
ഗതാഗതം
തിരുത്തുകമൂന്നാറിൽനിന്നും മറയൂർവഴി 57ഉം , ഉടുമൽപേട്ട - മറയൂർ വഴി 42കിലോമീറ്ററുംസഞ്ചരിച്ചാൽ കാന്തല്ലൂരിൽ എത്താനാകും.ഏറ്റവും അടുത്ത വിമാനത്താവളങ്ങൾ കൊച്ചിയും(170 KM) കോയമ്പത്തൂരുമാണ്(115 KM) അടുത്ത റയിൽവേസ്റ്റേഷനുകൾ ഉടുമൽപേട്ട (115 KM) ആലുവ(172 KM)എന്നിവയാണ്.
ഭൂമിശാസ്ത്രം
തിരുത്തുകമറയൂരിനടുത്ത്, പശ്ചിമഘട്ടത്തിന്റെ കിഴക്കുവശത്തായി സ്ഥിതി ചെയ്യുന്ന കാന്തല്ലൂർ ഒരു മഴനിഴൽ ഗ്രാമമാണ്.[3] തണുപ്പുകാലത്തെ പഴങ്ങൾക്കും പച്ചക്കറികൾക്കും പേരുകേട്ട സ്ഥലമാണിത്. ആപ്പിൾ, ഓറഞ്ച്, പ്ലം, പീച്ച് തുടങ്ങി കേരളത്തിലെ മറ്റ് ഭാഗങ്ങളിൽ കൃഷി ചെയ്യാത്ത മറ്റ് പഴങ്ങളുടെയും പച്ചക്കറികളുടെയും വിളവെടുപ്പിന് കാന്തല്ലൂർ പ്രശസ്തമാണ്. കാന്തല്ലൂരിനെ ചുറ്റിപ്പറ്റിയുള്ള ഒരു നിത്യഹരിത വനമാണ് ആനമുടി ഷോലൈ ദേശീയോദ്യാനം (മുമ്പ് മന്നവൻ ചോള എന്നറിയപ്പെട്ടിരുന്നു). പട്ടിശ്ശേരി അണക്കെട്ട്, കുളച്ചിവയൽ പാറകൾ, കീഴന്തൂർ വെള്ളച്ചാട്ടങ്ങൾ, ഇരച്ചിൽപ്പാറ വെള്ളച്ചാട്ടം, ശ്രീരാമന്റെ ഗുഹാക്ഷേത്രം എന്നിവയാണ് ഇവിടുത്തെ പ്രധാന ആകർഷണങ്ങൾ.
പഞ്ചായത്ത്
തിരുത്തുകപതിമൂന്ന് വാർഡുകൾ ഉൾപ്പെടുന്ന ഗ്രാമപഞ്ചായത്ത് ആണ് കാന്തല്ലൂർ. പി. ടി തങ്കച്ചനാണ് കാന്തല്ലൂർ ഗ്രാമപഞ്ചായത്തിന്റെ നിലവിലെ പ്രസിഡന്റ്. ലോകത്തിലെ ഏറ്റവും വേഗതയേറിയ പെർഫോമിംഗ്‌ ചിത്രകാരനും ലോകസഞ്ചാരിയുമായ ഡോ. ജിതേഷ്ജി യാണ് ഗ്രാമപഞ്ചായത്തിന്റെയും കാന്തല്ലൂർ ടൂറിസത്തിന്റെയും ഇന്റർനാഷണൽ ബ്രാൻഡ് അമ്പാസഡർ
അവലംബം
തിരുത്തുക- ↑ "ശർക്കരയുടെ മാധുര്യം നുണഞ്ഞ്, ആപ്പിൾ കൈയെത്തി പറിച്ച് കാന്തല്ലൂരിലേക്ക്". metrovaartha.com. 28 April 2019. Archived from the original on 2019-07-06.
- ↑ "ഈ ആപ്പിൾ താഴ്‌വര കാശ്മീരിൽ അല്ല, നമ്മുടെ സ്വന്തം കേരളത്തിൽ". Retrieved 2023-07-13.
- ↑ "Rain Shadow village..." Kerala Government. Archived from the original on 7 August 2011. Retrieved 3 October 2011.
|
ഇടുക്കി ജില്ലയുടെ ഭൂമിശാസ്ത്രവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |