ഫൈല്ലാന്തേസീ
സപുഷ്പികളിൽപ്പെടുന്ന ഒരു സസ്യകുടുംബമാണ് ഫൈല്ലാന്തേസീ (Phyllanthaceae). ഉഷ്ണമേഖലാ പ്രദേശങ്ങളിൽ കാണപ്പെടുന്ന ഈ സസ്യകുടുംബത്തിൽ 58 ജീനസ്സുകളിലായി ഏകദേശം 2000 സ്പീഷിസുകൾ ഉൾപ്പെടുന്നു. കുറ്റിച്ചെടികളും ചെറുമരങ്ങളും വൃക്ഷങ്ങളും ഉൾപ്പെടുന്ന സസ്യകുടുംബമാണ് ഫൈല്ലാന്തേസീ.[2]
കേരളത്തിൽ കണ്ടുവരുന്ന പുളിനെല്ലി, മുള്ളുവേങ്ങ, ഒടുക്ക്, മൂട്ടിപ്പഴം, ചോലവേങ്ങ, നെല്ലി, മലയച്ചീര, നെയ്‌ത്താലി, അമ്പൂരിപ്പച്ചില, കീഴാർനെല്ലി, മലയീച്ചിൽ, വെട്ടി, ചെറുപനച്ചി, ആശാരിപ്പുളി, കാട്ടുനിരൂരി, അരിയാപൊരിയൻ, പെരുംനിരൂരി, കാട്ടുനെല്ലി, മലംവെട്ടി, നെല്ലിക്കപ്പുളി, തത്തലമരം, കരനെല്ലി, ചാത്തക്കടമ്പ്, നീർവെട്ടി, കുളച്ചൻ, എട്ടിമരം, തുടങ്ങിയവയെല്ലാം ഈ കുടുംബത്തിലെ അംഗങ്ങളാണ്.
| ഫൈല്ലാന്തേസീ | |
|---|---|
| |
| നെല്ലിക്ക | |
| Scientific classification | |
| Kingdom: | |
| (unranked): | |
| (unranked): | |
| (unranked): | |
| Order: | |
| Family: | Phyllanthaceae |
സവിശേഷതകൾതിരുത്തുക
ഫൈല്ലാന്തേസീ സസ്യകുടുംബത്തിൽ ലഘുപത്രത്തോടുകൂടിയ സസ്യങ്ങളും സംയുക്ത പത്രത്തോടുകൂടിയ സസ്യങ്ങളും കാണപ്പെടുന്നു. ഇവയുടെ ഇലകൾ ഏകാന്തരന്യാസത്തിലോ (alternate) അല്ലെങ്കിൽ വർത്തുള വിന്യാസത്തിലോ ക്രമീകരിച്ചതും ഞെട്ടോടു കൂടിയവയുമാണ്. ഇലകൾ ഉപപർണ്ണങ്ങളോടു കൂടിയവയാണ്. ഇലകളിലെ സിരാവിന്യാസം ജാലികാസിരാവിന്യാസമാണ്. ഇലയുടെ വക്കുകൾ പൂർണ്ണവുമാണ്.[3]
ഏകലിംഗ സ്വഭാവത്തോടു കൂടിയ പൂക്കളും ദ്വിലിംഗ സ്വഭാവത്തോടു കൂടിയ പൂക്കളും കണ്ടുവരുന്നു. പൂക്കൾ പ്രസമത (കൃത്യം മൂന്നായി വിഭജിക്കാവുന്ന-actinomorphy)പാലിക്കുന്നവയാണ്. ഇവയ്ക് 4-6 ഓ പരസ്പരം വെവ്വേറെ നിൽക്കുന്നവയോ അല്ലെങ്കിൽ ഭാഗീകമായി കൂടിച്ചേർന്നതോ പരസ്പരം കവിഞ്ഞു നിൽക്കുന്നവയോ അടുക്കിവെച്ച പോലെയുള്ളതോ ആയിരിക്കും ഇവയുടെ വിദളങ്ങൾ. സാധാരണ വെവ്വേറെ നിൽക്കുന്നതോ അല്ലെങ്കിൽ പരസ്പരം കവിഞ്ഞു നിൽക്കുന്നവതോ ആയ5 പുഷ്പദളങ്ങളാണിവയ്ക്കുള്ളത്. 2-50 ഓളം കേസരങ്ങളും ഉയർന്ന അണ്ഡാശയവുമാണിവയ്ക്കുള്ളത്. മാംസളമായ പഴങ്ങളും മാംസളമല്ലാത്ത പഴങ്ങളും കാണപ്പെടുന്നു.[4]
ജീനസ്സുകൾതിരുത്തുക
ഈ സസ്യകുടുംബത്തിൽ 58 ജീനസ്സുകളാണുള്ളത്.
അവലംബംതിരുത്തുക
- ↑ Angiosperm Phylogeny Group (2009). "An update of the Angiosperm Phylogeny Group classification for the orders and families of flowering plants: APG III". Botanical Journal of the Linnean Society. 161 (2): 105–121. doi:10.1111/j.1095-8339.2009.00996.x. മൂലതാളിൽ (PDF) നിന്നും 2017-05-25-ന് ആർക്കൈവ് ചെയ്തത്. ശേഖരിച്ചത് 2013-06-26.
- ↑ "Phyllanthaceae". The Plant List (2010). ശേഖരിച്ചത് 6 മാർച്ച് 2016.
- ↑ José da Silva, Marcos. "Neotropical Phyllanthaceae". മൂലതാളിൽ നിന്നും 2015-01-05-ന് ആർക്കൈവ് ചെയ്തത്. ശേഖരിച്ചത് 6 മാർച്ച് 2016.
- ↑ José da Silva, Marcos. "Neotropical Phyllanthaceae". മൂലതാളിൽ നിന്നും 2015-01-05-ന് ആർക്കൈവ് ചെയ്തത്. ശേഖരിച്ചത് 6 മാർച്ച് 2016.
പുറത്തേക്കുള്ള കണ്ണികൾതിരുത്തുക
- Phyllanthaceae NCBI Taxonomy browser
- Wurdack and Davis on Malpighiales doi:10.3732/ajb.0800207 PMID 21628300
- Molecular Phylogenetics of Phyllanthaceae doi:10.1016/j.ympev.2004.12.002
- Pruesapan on tribe Phyllantheae doi:10.1093/aob/mcn193
- Phyllanthaceae At: Angiosperm Phylogeny Website At: Missouri Botanical Garden Website
- Tokuoka on Euphorbiaceae doi:10.1007/s10265-007-0090-3 PMID 17530165
- Supporting Online Material for Davis on Rafflesiaceae doi:10.1126/science.1135260
- Key to Euphorbiaceae sensu lato Archived 2009-07-15 at the Wayback Machine. At: Index of /herbarium/keys Archived 2012-12-06 at the Wayback Machine.
