പെരിന്തൽമണ്ണ

കേരളത്തിലെ മലപ്പുറം ജില്ലയിലുള്ള ഒരു പട്ടണമാണ് പെരിന്തൽമണ്ണ. കേരളത്തിലെ ഒരു നാട്ടുരാജ്യമായിരുന്ന വള്ളുവനാടിന്റെ തലസ്ഥാനമെന്ന പേരിൽ ചരിത്രപ്രാധാന്യമുള്ള ഇടമാണിത്. നൂറ്റാണ്ടുകളായി പെരിന്തൽമണ്ണക്ക് ചുറ്റുമുള്ള ഗ്രാമങ്ങൾ വാണിജ്യകേന്ദ്രങ്ങളായിരുന്നു. 1990 ഫെബ്രുവരി 10-നാണ് പെരിന്തൽമണ്ണ നഗരസഭ രൂപീകൃതമായത്. പെരിന്തൽമണ്ണ റവന്യൂ ഡിവിഷൻ്റെയും താലൂക്കിന്റെയും അതേ പേരിൽ ഒരു ബ്ലോക്ക്ൻ്റേയും ആസ്ഥാനം കൂടിയാണ് പെരിന്തൽമണ്ണ. 1980-2000 കാലത്ത് ഗൾഫ് പണത്താൽ വലിയ വികസന കുതിപ്പ് നഗരത്തിലുണ്ടായി.

പെരിന്തൽമണ്ണ വലിയ തല്ല് (കായികാഭ്യാസം) നടന്ന മണ്ണ്
നഗരം, മുൻസിപ്പാലിറ്റി
City of Perinthalmanna
മുനിസിപ്പൽ കോംപ്ലക്സ് സമുച്ചയം
Nickname(s):  PMNA
രാജ്യം	ഇന്ത്യ
സംസ്ഥാനം	കേരളം
ജില്ല	മലപ്പുറം
ഭരണസമ്പ്രദായം
• ഭരണസമിതി	പെരിന്തൽമണ്ണ നഗരസഭ
• ചെയർമാൻ	പി. ഷാജി (എൽ.ഡി.എഫ്)
• വൈസ് ചെയർപേഴ്സൺ	നസീറ. എ
വിസ്തീർണ്ണം
• ആകെ	34.41 ച.കി.മീ.(13.29 ച മൈ)
ജനസംഖ്യ  (2011) നഗരസഭാ പരിധിയിലെ കണക്കാണിത്
• ആകെ	49,723
• ജനസാന്ദ്രത	1,400/ച.കി.മീ.(3,700/ച മൈ)
ഭാഷകൾ
• ഔദ്യോഗികം	മലയാളം, ഇംഗ്ലീഷ്
സമയമേഖല	UTC+5:30 (IST)
പിൻ കോഡ്	679322
ടെലിഫോൺ കോഡ്	04933
വാഹന റെജിസ്ട്രേഷൻ	KL-53
ലോക്സഭാ മണ്ഡലം	മലപ്പുറം ലോക്‌സഭാ നിയോജകമണ്ഡലം
നിയമസഭാ മണ്ഡലം	പെരിന്തൽമണ്ണ നിയമസഭാമണ്ഡലം
താലൂക്ക്	പെരിന്തൽമണ്ണ
വെബ്സൈറ്റ്	http://www.perinthalmannamunicipality.lsgkerala.gov.in/

ആമുഖം

മൂസക്കുട്ടി സ്മാരക മോഡേൺ ബസ് സ്റ്റാൻഡ് കം ഷോപ്പിംഗ് കോംപ്ലക്സ്, പെരിന്തൽമണ്ണ

മലപ്പുറം ജില്ലയിൽ പെരിന്തൽമണ്ണ താലൂക്കിലാണ് പെരിന്തൽമണ്ണ മുനിസിപ്പാലിറ്റി സ്ഥിതി ചെയ്യുന്നത്. പെരിന്തൽമണ്ണ, പാതായിക്കര എന്നീ രണ്ടു വില്ലേജുകളിലായി വ്യാപിച്ചുകിടക്കുന്ന പെരിന്തൽമണ്ണ നഗരസഭയ്ക്ക് 34.41 ചതുരശ്ര കിലോമീറ്റർ വിസ്തീർണ്ണമുണ്ട്. 1933-ൽ പെരിന്തൽമണ്ണ പഞ്ചായത്തായി. പിന്നീട് 1990 ഫെബ്രുവരി 10-ന് മുനിസിപ്പാലിറ്റിയായി ഉയർത്തപ്പെട്ടു. വടക്കുഭാഗത്ത് അങ്ങാടിപ്പുറം, വെട്ടത്തൂർ പഞ്ചായത്തുകളും, കിഴക്കുഭാഗത്ത് താഴെക്കോട്, ആലിപ്പറമ്പ് പഞ്ചായത്തുകളും, തെക്കുഭാഗത്ത് ഏലംകുളം പഞ്ചായത്തും, പടിഞ്ഞാറുഭാഗത്ത് അങ്ങാടിപ്പുറം പഞ്ചായത്തുമാണ് പെരിന്തൽമണ്ണ നഗരസഭയുടെ അതിരുകൾ . ഭൂപ്രകൃതിയനുസരിച്ച് പെരിന്തൽമണ്ണ നഗരസഭയെ ഉയർന്ന സമതലം, ചെറിയ ചെരിവ്, ഇടത്തരം ചെരിവ്, കുത്തനെയുള്ള ചെരിവ്, സമതലം, താഴ്വര, വെള്ളം കയറുന്ന താഴ്ന്ന സ്ഥലം എന്നിങ്ങനെ ഏഴു ഭാഗങ്ങളായി തരം തിരിക്കാം. ചെങ്കല്ല് (ലാറ്ററൈറ്റ്), എക്കൽമണ്ണ്, ഗ്രാനൈറ്റ് എന്നിവയാണ് ഇവിടെ കാണപ്പെടുന്ന പ്രധാന മണ്ണിനങ്ങൾ . മലപ്പുറം ജില്ലയിൽ അതിദ്രുതം വികസിച്ചുകൊണ്ടിരിക്കുന്ന വാണിജ്യകമ്പോളവും നഗരവുമാണ് പെരിന്തൽമണ്ണ. പുരാതന വള്ളുവനാട് ദേശത്തിന്റെ ഹൃദയമായിരുന്നു പെരിന്തൽമണ്ണ. ജ്ഞാനപ്പാനയുടെ കർത്താവായ പൂന്താനം നമ്പൂതിരിയുടെ ഇല്ലവും ഇ.എം.എസ് നമ്പൂതിരിപ്പാടിന്റെ ജന്മസ്ഥലമായ ഏലംകുളവും പെരിന്തൽമണ്ണക്കടുത്താണ്. ആസ്പത്രികളുടെ നഗരം എന്ന് പെരിന്തൽമണ്ണ അറിയപ്പെടുന്നു. നാല് സൂപ്പർ സ്പെഷ്യാലിറ്റി ആസ്പത്രികൾ പെരിന്തൽമണ്ണയിൽ പ്രവർത്തിക്കുന്നുണ്ട്. ഇതിനുപുറമേ ഒരു മെഡിക്കൽ കോളേജും ചെറുതും ഇടത്തരവും ആയ നിരവധി ആശൂപത്രികളും ക്ലിനിക്കുകളും ഇവിടെ പ്രവർത്തിക്കുന്നു. ദക്ഷിണേന്ത്യയിലെ ഏറ്റവും വലിയ സഹകരണ ആസ്പത്രിയായ ഇ.എം.എസ് സ്മാരക ആശുപത്രി ഇവിടെയാണുള്ളത്. കൂടാതെ രാമദാസ്,അൽശിഫ, മൗലാന, എം ഇഎസ്, ഗവ. ജില്ലാശുപത്രി, അൽസലാമ എന്നിവ സ്ഥിതി ചെയ്യുന്നു.

പദോൽപത്തി

വള്ളുവകോനാതിരിയുടെ സേനാനായകനായിരുന്ന കക്കൂത്ത് നായരുടെ അധ്യക്ഷതയിൽ പണ്ടുകാലത്ത് വർഷം തോറും ഇവിടെ കായികാഭ്യാസപ്രകടനങ്ങൾ അരങ്ങേറിയിരുന്നു. ഇന്നത്തെ അങ്ങാടിപ്പുറത്തിന് കിഴക്കുഭാഗത്തായി സ്ഥിചെയ്യുന്ന സ്ഥലത്തായിരുന്നു ഈ കായികാഭ്യാസം നടന്നിരുന്നത്. “പെരും തല്ല്” നടന്നിരുന്ന സ്ഥലമാണ് പിന്നീട് പെരിന്തൽമണ്ണയായത്.

ഭരണ സംവിധാനം

പെരിന്തൽമണ്ണ നഗരസഭയാണ് നഗരത്തിൻ്റെയും പ്രാന്തപ്രദേശങ്ങലുടെയും ഭരണം നടത്തുന്നത്. ഭരണസൗകര്യത്തിനായി 34 വാർഡുകൾ ആയി തിരിച്ചിട്ടുണ്ട്. ഓരോ വാർഡിൽ നിന്നും ആ വാർഡിലെ സമ്മദിതായകർ അവരുടെ കൗൺസിലറെ തിരഞ്ഞെടുക്കുന്നു. ഭൂരിപക്ഷം നഗരസഭാംഗങ്ങൾ ഉള്ള മുന്നണി അല്ലെങ്കിൽ കക്ഷി ആണ് ഭരണം നടത്തുന്നത്. ചെയർപേഴ്സൺ, വൈസ് ചെയർപേഴ്സൺ എന്നിവരാണ് ഭരണത്തിന് നേതൃത്വം നൽകുന്നത്. കൗൺസിലർമാർ ആണ് ഇവരെ തിരഞ്ഞെടുക്കുന്നത്. നിലവിൽ ഇടതു പക്ഷ ജനാധിപത്യ മുന്നണിയാണ് ഭരണം നടത്തുന്നത്. ശ്രീ. പി. ഷാജി ആണ് നഗരസഭാധ്യക്ഷൻ. ശ്രീമതി. എ. നസീറ ആണ് വൈസ് ചെയർപേഴ്സൺ.

മുനിസിപ്പാലിറ്റിയിലെ വാർഡുകൾ

പെരിന്തൽമണ്ണ മുനിസിപ്പാലിറ്റിയിൽ 34 വാർഡുകൾ ഉൾക്കൊള്ളുന്നു.വാർഡുകൾ താഴെ കൊടുത്തിരിക്കുന്നു :

വാർഡ് നമ്പർ	പേര്	വാർഡ് നമ്പർ	പേര്
1	ചീരട്ടമണ്ണ	2	മാനത്തുമംഗലം
3	കക്കൂത്ത്	4	വലിയങ്ങാടി
5	കുളിർമല	6	ചെമ്പങ്കുന്ന്
7	കുമരകുളം	8	ലക്ഷം വീട്
9	ഇടുക്കുമുഖം	10	മനഴി സ്റ്റാൻഡ്
11	പഞ്ചമ	12	കുട്ടിപ്പാറ
13	മനപ്പടി	14	പാതയ്ക്കര യുപി സ്കൂൾ
15	കോവിലകംപടി	16	ഒലിങ്കര
17	കിഴക്കേക്കര	18	തെക്കേക്കര
19	അനാതനം	20	പടിഞ്ഞാറേക്കര
21	കുന്നപ്പള്ളി സൗത്ത്	22	കളത്തിലക്കര
23	മാറുകര പറമ്പ്	24	വളയം മൂച്ചി
25	അസാരിക്കര	26	തോട്ടക്കര
27	ജെ എൻ റോഡ്	28	ജെ എൻ റോഡ് സെൻട്രൽ
29	തേക്കിൻകോഡ്	30	കാവുങ്ങൽ പറമ്പ്
31	പുത്തൂർ	32	സംഗീത
33	ആലിക്കൽ	34	ലെമൺ വാലി

ക്രമസമാധാനം

പെരിന്തൽമണ്ണയിലെ കോടതി സമുച്ചയത്തിൽ മുൻസിഫ് കോടതി, മജിസ്ട്രേറ്റ് കോടതി, പ്രതേക കോടതി എന്നിവ ഉൾക്കൊള്ളുന്നു.

പെരിന്തൽമണ്ണ പോലീസ് സ്റ്റേഷൻ നഗരത്തിൻ്റെ ഹൃദയഭാഗത്ത് ആണ് സ്ഥിതി ചെയ്യുന്നത്. പെരിന്തൽമണ്ണ നഗരവും സമീപ പഞ്ചായത്തുകളായ താഴേക്കോട്, ആലിപ്പറമ്പ്, ഏലംകുളം, അങ്ങാടിപ്പുറം, പുലാമന്തോൾ എന്നിവയും ഈ സ്റ്റേഷൻ പരിധിയിൽ വരുന്നു. മലപ്പുറം ജില്ലാ പോലീസിൻ്റെ പെരിന്തൽമണ്ണ സബ് ഡിവിഷൻ കാര്യാലയവും ഇവിടെയാണ് സ്ഥിതി ചെയ്യുന്നത്. നഗരത്തിലെ ഗതാഗത നിയന്ത്രണത്തിനും ഗതാഗത നിർവഹണത്തിന് മായി പ്രത്യേക ട്രാഫിക് പോലിസ് യൂണിറ്റുമുണ്ട്.

രാഷ്ട്രീയം

ലീഗ് തട്ടകമായ ജില്ലയിൽ ഇടത്പക്ഷത്തിന് കൂടുതൽ സ്വാധീനമുള്ളത് ഇവിടെ യാണ് . കമ്മ്യൂണിസ്റ്റ് ആചാര്യൻ ഇ എം സ് മന ഏലംകുളത്ത് ആണ് . നഗര ഭരണം തുടർച്ചയായി ഇടതു പക്ഷത്തിൻ്റെ നേതൃത്തിൽ ആണ്. പെരിന്തൽമണ്ണ നിയമസഭ മണ്ഡലം മുസ്‌ലിം ലീഗിൻ്റെ നജീബ് കാന്തപുരം ആണ് പ്രതിനിധീകരിക്കുന്നത്. പെരിന്തൽമണ്ണ നിയമസഭാ മണ്ഡലത്തിൽ ഇനി പറയുന്ന തദ്ദേശസ്വയംഭരണസ്ഥാപനങൾ ഉൾപ്പെടുന്നു: പെരിന്തൽമണ്ണ നഗരസഭ, താഴെക്കോട്, ആലിപ്പറമ്പ്, ഏലംകുളം, മേലാറ്റൂർ, പുലാമന്തോൾ, വെട്ടത്തൂർ എന്നീ ഗ്രാമഞ്ചായത്തുകൾ. നിലവിലെ എം.എൽ. എ. മുസ്ലിം ലീഗിൻ്റെ ശ്രീ. നജീബ് കാന്തപുരം ആണ്. നിലവിലെ എം.പി. ശ്രീ. ഇ.ടി. മുഹമ്മദ് ബഷീർ ആണ്.

പെരിന്തൽമണ്ണയുടെ സമീപ ഗ്രാമങ്ങളുടെ ഭരണത്തിനും വികസനത്തിനുമായി പെരിന്തൽമണ്ണ ബ്ലോക്ക് പഞ്ചായത്തും, അതാത് ഗ്രാമപഞ്ചായത്തുകളുമുണ്ട്.

പെരിന്തൽമണ്ണ ബ്ലോക്ക്

താഴെപ്പറയുന്ന ഗ്രാമപഞ്ചായത്തുകളുടെ ബ്ലോക്ക് തല ഭരണത്തിന്റെ ചുമതലയുള്ള തദ്ദേശ സ്വയംഭരണ സ്ഥാപനമാണ് പെരിന്തൽമണ്ണ ബ്ലോക്ക് പഞ്ചായത്ത്:

• ആലിപ്പറമ്പ് ഗ്രാമപഞ്ചായത്ത്
• ഏലംകുളം ഗ്രാമപഞ്ചായത്ത്
• പുലാമന്തോൾ ഗ്രാമപഞ്ചായത്ത്
• അങ്ങാടിപ്പുറം ഗ്രാമപഞ്ചായത്ത്
• കീഴാറ്റൂർ ഗ്രാമപഞ്ചായത്ത്
• മേലാറ്റൂർ ഗ്രാമപഞ്ചായത്ത്
• വെട്ടത്തൂർ ഗ്രാമപഞ്ചായത്ത്
• താഴേക്കോട് ഗ്രാമപഞ്ചായത്ത്

ഗതാഗതം

=== റോഡ് ===മധ്യകേരളത്തിൽ ഏറ്റവും കൂടുതൽ റോഡുകൾ സംഗമിക്കുന്ന ഒരു നഗരമാണ് പെരിന്തൽമണ്ണ. കോഴിക്കോട് പാലക്കാട് ചെറുപ്പുളശ്ശേരി ,കുന്നംകുളം നിലമ്പൂർ മേലാറ്റൂർ വളാഞ്ചേരി ,തിരൂര്, മഞ്ചേരി എന്നീ ഭാഗത്ത് നിന്നുള്ള റോഡുകൾ ഇവിടെ സംഗമിക്കുന്നു.ആശുപത്രി നഗരമായി വളർന്ന വരാനുള്ള ഒരു പ്രധാന കാരണവും ഈ പ്രത്യേകതയാണ്

• ഷൊർണൂർ-പെരിന്തൽമണ്ണ സംസ്ഥാനപാത 23 പെരിന്തൽമണ്ണയിൽ ദേശീയപാത 966-ൽ ചേർന്ന് അവസാനിക്കുന്നു.
• പെരുമ്പിലാവ്-നിലമ്പൂർ സംസ്ഥാനപാത 39 പെരിന്തൽമണ്ണ നഗരത്തിലൂടെയാണ് കടന്നുപോകുന്നത്.
• സംസ്ഥാനപാത 53 - പാലക്കാട് നിന്നും ചെർപ്പുളശ്ശേരി വഴി പെരിന്തൽമണ്ണയെ ബന്ധിപ്പിക്കുന്നു.
• വളാഞ്ചേരി-നിലമ്പൂർ സംസ്ഥാന പാത 73.

ഒരു കെഎസ്ആർടിസി സബ് ഡിപ്പോയും മൂന്ന് സ്വകാര്യ ബസ് സ്റ്റാൻഡുകളുമാണ് നഗരത്തിന് സൗകര്യമൊരുക്കുന്നത്.

റെയിൽ

നിലമ്പൂർ-ഷൊറണൂർ തീവണ്ടി പാതയിൽ പെരിന്തൽമണ്ണയ്ക്ക് സമീപം മൂന്ന് സ്റ്റേഷനുകളുണ്ട്: ടൗണിൽ നിന്ന് 2.5 കി.മീ (1.6 മൈൽ) പടിഞ്ഞാറ് അങ്ങാടിപ്പുറത്ത് ഒരു പ്രധാന സ്റ്റേഷൻ, പട്ടിക്കാട്, ചെറുകര എന്നിവിടങ്ങളിൽ രണ്ട് ചെറിയ സ്റ്റേഷനുകൾ.

ഏറ്റവും അടുത്തുള്ള വിമാനത്താവളം കോഴിക്കോട് കരിപ്പൂരാണ്

സർക്കാർ സ്ഥാപനങ്ങൾ

• റവന്യൂ ഡിവിഷണൽ ഓഫീസ്, പെരിന്തൽമണ്ണ
• താലൂക്ക് ഓഫീസ്, പെരിന്തൽമണ്ണ
• മിനി സിവിൽ സ്റ്റേഷൻ, പെരിന്തൽമണ്ണ
• താലൂക്ക് സപ്ലൈ ഓഫീസ്, പെരിന്തൽമണ്ണ
• നഗരസഭ കാര്യാലയം, പെരിന്തൽമണ്ണ
• പെരിന്തൽമണ്ണ ബ്ലോക്ക് പഞ്ചായത്ത് കാര്യാലയം
• സബ് രജിസ്ട്രാർ ഓഫീസ്, പെരിന്തൽമണ്ണ
• കെ.എസ്.ഇ.ബി, ഡിവിഷൻ ഓഫീസ്, പെരിന്തൽമണ്ണ
• സബ് ഡിവിഷണൽ പോലീസ് ഓഫീസ്, പെരിന്തൽമണ്ണ
• ഫയർ ആൻ്റ് റെസ്ക്യൂ സ്റ്റേഷൻ, പെരിന്തൽമണ്ണ
• സബ് റീജിയണൽ ട്രാസ്പോർട്ട് ഓഫീസ്, പെരിന്തൽമണ്ണ
• സബ് ട്രഷറി, പെരിന്തൽമണ്ണ
• സബ് ജയിൽ, പെരിന്തൽമണ്ണ
• പെരിന്തൽമണ്ണ പോലീസ് സ്റ്റേഷൻ
• പെരിന്തൽമണ്ണ എക്സൈസ് സർക്കിൾ ഓഫീസ്
• ട്രാഫിക് എൻഫോഴ്സ്മെൻ്റ് യൂണിറ്റ്, പെരിന്തൽമണ്ണ

വിദ്യാഭ്യാസ സ്ഥാപനങ്ങൾ

സ്കൂളുകൾ

• ഗവ: മോഡൽ ഹയർ സെക്കൻഡറി സ്കൂൾ, പെരിന്തൽമണ്ണ
• ഗവ: ഗേൾസ് വൊക്കേഷണൽ ഹയർ സെക്കണ്ടറി സ്കൂൾ, പെരിന്തൽമണ്ണ
• ടെക്നിക്കൽ ഹയർ സെക്കൻഡറി സ്കൂൾ, പെരിന്തൽമണ്ണ
• പ്രസെൻ്റേഷൻ ഹയർ സെക്കണ്ടറി സ്കൂൾ, പെരിന്തൽമണ്ണ
• ഗവ: മോഡൽ ലോവർ പ്രൈമറി സ്ക്കൂൾ, പെരിന്തൽമണ്ണ
• അസ്സീസി ഹയർ സെക്കണ്ടറി ബധിര വിദ്യാലയം, പലച്ചോട് പോസ്റ്റ്, മാ ലാ പറമ്പ്

കോളേജുകൾ

• പൂക്കോയ തങ്ങൾ സ്മാരക ഗവൺമെൻ്റ് കോളജ്, പെരിന്തൽമണ്ണ
• ഗവ: പോളിടെക്നിക് കോളജ്, പെരിന്തൽമണ്ണ
• എം. ഇ.എസ്. മെഡിക്കൽ കോളജ്, പെരിന്തൽമണ്ണ

ആരാധനാലയങ്ങൾ

• ടൗൺ ജുമാ മസ്ജിദ്, പെരിന്തൽമണ്ണ
• ഹനഫി മസ്ജിദ്, പെരിന്തൽമണ്ണ
• കക്കൂത്ത്- വലിയങ്ങാടി ജുമാ മസ്ജിദ്
• കുമരകുളം ജുമാ മസ്ജിദ്
• തിരുമാന്ധാംകുന്ന് ഭഗവതി ക്ഷേത്രം, അങ്ങാടിപ്പുറംവള്ളുവനാട് രാജ്യത്തിൻ

റ മൂലസ്ഥാനം ഇവിടെ യായിരുന്നു ==

            ആശുപത്രികൾ മധ്യകേരളത്തിൻ്റെ മെഡിസിറ്റി എന്ന് പെരിന്തൽ മണ്ണ അറിയ പെടുന്നു.

• മൗലാന ഹോസ്പിറ്റൽ, പെരിന്തൽമണ്ണ
• അൽശിഫ ഹോസ്പിറ്റൽ, പെരിന്തൽമണ്ണ
• എം.ഇ.എസ്. മെഡിക്കൽ കോളജ് ഹോസ്പിറ്റൽ, പെരിന്തൽമണ്ണ
• ഇ.എം.എസ്. സഹകരണ ആശുപത്രി, പെരിന്തൽമണ്ണ

രാമദാസ് ആശുപത്രി KSRTC            ജില്ല ആശുപത്രി KSRTC ക്കു സമീപം                             അൽ സലാമ കണ്ണ് ആശുപത്രി മനഴി സ്റ്റാൻ്റ്

ശ്രദ്ധേയരായ ആളുകൾ

• ഇ.എം.എസ്. നമ്പൂതിരിപ്പാട് - കേരളത്തിൻ്റെ ആദ്യത്തെ മുഖ്യമന്ത്രിഏലംകുളം ആണ് ജന്മദേശം.
• പൂന്താനം നമ്പൂതിരി ജ്‌ഞാനപ്പാന എന്ന കവിതയുടെ രചയിതാവ് പൂതാനം ഇല്ലം കീഴാറ്റൂർ ആക്കപ്പറമ്പ് സമീപം
• നാലകത്ത് സൂപ്പി - മുൻ വിദ്യാഭ്യാസ മന്ത്രി
• പി. ശ്രീരാമകൃഷ്ണൻ - മുൻ കേരള നിയമസഭ സ്പീക്കർ പട്ടിക്കാട് സ്വദേശി
• പാലോളി മുഹമ്മദ് കുട്ടി - രാഷ്ട്രീയ പ്രവർത്തകൻ
• മഞ്ഞളാംകുഴി അലി - രാഷ്ട്രീയ പ്രവർത്തകൻ, നിർമാതാവ്, മുൻ എംഎൽഎ
• സൂരജ് തേലക്കാട്, അഭിനേതാവ്
• ബൈജു. സി പി - കവി, കഥാകൃത്ത്