സജി ചെറിയാൻ

ഇന്ത്യൻ രാഷ്ട്രീയ നേതാവ്

കേരളത്തിലെ ഒരു രാഷ്ട്രീയപ്രവർത്തകനും ചെങ്ങന്നൂർ എംഎൽഎയുമാണ് സജി ചെറിയാൻ.[1] കെ.കെ. രാമചന്ദ്രൻ നായരുടെ മരണത്തെത്തുടർന്ന് 2018-ൽ നടത്തിയ നിയമസഭാ ഉപതിരഞ്ഞെടുപ്പിൽ ചെങ്ങന്നൂർ നിയോജക മണ്ഡലത്തിൽ നിന്നും നിയമസഭയിലേക്ക് തിരഞ്ഞെടുക്കപ്പെട്ടു. 2018 മേയ് 28-ന് വോട്ടെടുപ്പ് നടത്തി 2018 മേയ് 31-ന് ഫലം പ്രഖ്യാപിച്ച ഈ ഉപതിരഞ്ഞെടുപ്പിൽ 20956 വോട്ടുകളുടെ ഭൂരിപക്ഷമാണ് സജി ചെറിയാൻ നേടിയത്.[2] 2006ൽ ചെങ്ങന്നൂരിൽ നിന്നും നിയമസഭയിലേക്ക് മത്സരിച്ചിരുന്നു. എന്നാൽ അയ്യായിരത്തിലധികം വോട്ടുകൾക്ക് യു.ഡി.എഫിലെ പി.സി. വിഷ്ണുനാഥിനോടു പരാജയപ്പെട്ടു.  നേരത്തെ സിപിഐഎം ചെങ്ങന്നൂർ ഏരിയ കമ്മിറ്റി സെക്രട്ടറിയുമായിരുന്നു സജി ചെറിയാൻ. ചെങ്ങന്നൂർ ബ്ലോക്ക് പഞ്ചായത്ത് പ്രസിഡന്റ്, ആലപ്പുഴ ജില്ലാ പഞ്ചായത്ത് അംഗം, കേരള സർവകലാശാല സിൻഡിക്കേറ്റ് അംഗം, സിഐടിയു ജില്ലാ പ്രസിഡന്റ്, ഡിവൈഎഫ്‌ഐ ആലപ്പുഴ ജില്ലാ പ്രസിഡന്റ്, എസ്എഫ്‌ഐ ജില്ലാ പ്രസിഡന്റ്, സെക്രട്ടറി തുടങ്ങിയ പദവികളും സജി ചെറിയാൻ വഹിച്ചിരുന്നു. ബിഷപ്പ് മൂർ കോളജ്, മാവേലിക്കരയിൽ പഠിച്ചു.[3]

സജി ചെറിയാൻ
കേരളനിയമസഭയിലെ അംഗം
പദവിയിൽ
പദവിയിൽ വന്നത്
ജൂൺ 4 2018
മുൻഗാമികെ.കെ. രാമചന്ദ്രൻ നായർ
മണ്ഡലംചെങ്ങന്നൂർ
വ്യക്തിഗത വിവരണം
ജനനം (1965-05-28) 28 മേയ് 1965  (55 വയസ്സ്)
കൊഴുവള്ളൂർ
രാഷ്ട്രീയ പാർട്ടിസി.പി.എം.
പങ്കാളിക്രിസ്റ്റീന ചെറിയാൻ
മക്കൾ3 മക്കൾ

അവലംബംതിരുത്തുക

  1. News, Mathrubhumi. "സജി ചെറിയാൻ ചെങ്ങന്നൂരിൽ എൽഡിഎഫ് സ്ഥാനാർഥി". Mathrubhuni.
  2. News, Mathrubhumi. "ചെങ്ങന്നൂരിൽ ഇടത് തന്നെ; സജി ചെറിയാന് ചരിത്ര ഭൂരിപക്ഷം". Mathrubhuni.
  3. "Chengannur Election Results".
"https://ml.wikipedia.org/w/index.php?title=സജി_ചെറിയാൻ&oldid=3433946" എന്ന താളിൽനിന്ന് ശേഖരിച്ചത്