ശാലിനി (നടി)

തെന്നിന്ത്യയിലെ ഒരു പ്രമുഖ ചലച്ചിത്രനടിയായിരുന്നു ബേബി ശാലിനി എന്ന പേരിൽ ബാലതാരമായി അഭിനയിച്ച് പ്രശസ്തി നേടിയ ശാലിനി അജിത്കുമാർ (ജനനം: 20 നവംബർ 1980) നവോദയ അപ്പച്ചൻ നിർമ്മിച്ച്, മോഹൻലാൽ അഭിനയിച്ച എന്റെ മാമാട്ടിക്കുട്ടിയമ്മക്ക് (സംവിധാനം: ഫാസിൽ ) എന്ന ചിത്രത്തിൽ ബേബി ശാലിനി അഭിനയിച്ച കഥാപാത്രം വളരെയധികം ജനശ്രദ്ധ നേടിയിരുന്നു. അനിയത്തിപ്രാവ് എന്ന കുഞ്ചാക്കോ ബോബൻ നായകനായ ചിത്രത്തിലെ നായികയായി അഭിനയിച്ചു. നടൻ അജിത് കുമാറുമായുള്ള വിവാഹത്തിനു ശേഷം സിനിമയിൽ നിന്ന് വിരമിച്ചു

ശാലിനി അജിത്കുമാർ
ജനനം	(1980-11-20) 20 നവംബർ 1980 ചെന്നൈ, തമിഴ് നാട് ഇന്ത്യ
മറ്റ് പേരുകൾ	ബേബി ശാലിനി
ജീവിതപങ്കാളി(കൾ)	അജിത് കുമാർ
കുട്ടികൾ	അനൌഷ്ക, അദ്വിക്

ജീവിതരേഖ

1980 നവംബർ 20നു ഷറഫ് ബാബുവിൻ്റെയും ആലീസിൻ്റെയും മകളായി. ചെന്നൈയിലെ ഒരു ക്രിസ്ത്യൻ മലയാളി കുടുംബത്തിലാണ് ശാലിനി ജനിച്ചത്. ശ്യാമിലി, റിച്ചാർഡ് എന്നിവർ സഹോദരങ്ങളാണ്. ചെന്നൈ ആദർശ് വിദ്യാലയ, ചർച്ച്പാർക്ക് കോൺ വെന്റ് എന്നിവിടങ്ങളിൽ വിദ്യാഭ്യാസം പൂർത്തിയാക്കി

മലയാള സിനിമ

1983-ൽ തന്റെ അഞ്ചാമത്തെ വയസ്സിലാണ് ശാലിനി എന്റെ മാമാട്ടിക്കുട്ടിയമ്മക്ക് എന്ന ചിത്രത്തിൽ ബാലതാരമായി അഭിനയിച്ച് ചലച്ചിത്രജീവിതം തുടങ്ങുന്നത്. ഇതിലെ അഭിനയത്തിന് മികച്ച ബാലതാരത്തിനുള്ള സംസ്ഥാന ചലച്ചിത്ര പുരസ്കാരം ശാലിനിക്ക് ലഭിച്ചു. ഇതിനോടകം 80-ലധികം മലയാളം, തമിഴ്, തെലുങ്ക് എന്നീ ഭാഷകളിലുള്ള ചലച്ചിത്രങ്ങളിൽ അഭിനയിച്ചുണ്ട് ശാലിനി. നായിക നടിയായി അഭിനയിച്ച ആദ്യ ചിത്രം അനിയത്തിപ്രാവ് ആണ്. മണിരത്നം സംവിധാനം ചെയ്ത അലൈപ്പായുതേ എന്ന ചിത്രത്തിൽ മാധവന്റെ നായികയായി അഭിനയിച്ചതും ഒരു വൻ വിജയമായിരുന്നു. തമിഴ് ചലച്ചിത്രനടൻ അജിത്തുമായുള്ള തന്റെ വിവാഹത്തിനു ശേഷം ശാലിനി അഭിനയജീവിതത്തിൽ നിന്നും വിരമിച്ചു

സ്വകാര്യ ജീവിതം

ശാലിനി വിവാഹം ചെയ്തിരിക്കുന്നത് തമിഴ് ചലച്ചിത്രനടനായ അജിത്തിനെയാണ്. വിവാഹത്തിനു ശേഷം 2000 ൽ ശാലിനി അഭിനയ രംഗത്ത് നിന്ന് വിരമിച്ചു. അനൗഷ്ക, അദ്വിക് എന്നിവർ മക്കളാണ്

ചലച്ചിത്രങ്ങൾ

ബാലതാരമായി

Year	Film	Role	Language	Notes
1983	എൻറെ മാമാട്ടിക്കുട്ടിയമ്മയ്ക്ക്	മാമാട്ടിക്കുട്ടിയമ്മ/ടിൻറു	മലയാളം	മികച്ചബാലതാരത്തിനുള്ള സംസ്ഥാനസർക്കാർ പുരസ്കാരം
1983	ആദ്യത്തെ അനുരാഗം	രാജുമോൻ	മലയാളം
1984	മുത്തോടു മുത്ത്	അചിമോൾ	മലയാളം
1984	ഒന്നും മിണ്ടാത്ത ഭാര്യ	അച്യുതൻ നായരുടെ മകൾ	മലയാളം
1984	സന്ദർഭം	രവിയുടെ മകൾ	മലയാളം
1984	NH 47	മിനി	മലയാളം
1984	ഒന്നാണു നമ്മൾ	സോണിക്കുട്ടി	മലയാളം
1984	കൃഷ്ണാ ഗുരുവായൂരപ്പാ	ഉണ്ണിക്കൃഷ്ണൻ	മലയാളം
1984	ഒരു സുമംഗലിയുടെ കഥ	രാജി	മലയാളം
1984	മിനിമോൾ വത്തിക്കാനിൽ	മിനിമോൾ	മലയാളം
1984	ചക്കരയുമ്മ	ശാലു മോൾ	മലയാളം
1984	കൂട്ടിനിളംകിളി	നന്ദിനി/രാജിമോൾ	മലയാളം
1985	വന്നു കണ്ടു കീഴടക്കി	ശാലു	മലയാളം
1985	ബന്ധം	ആശ	തമിഴ്
1985	പിള്ളൈ നിലാ	ശാലിനി	തമിഴ്
1985	ജീവൻറെ ജീവൻ	ബിജു	മലയാളം
1985	അക്കച്ചിയുടെ കുഞ്ഞുവാവ	ചക്കിമോൾ	മലയാളം
1985	ഒരു നോക്കു കാണാൻ	ചിന്നുക്കുട്ടി / ഉണ്ണിമോൾ	മലയാളം
1985	കഥ ഇതുവരെ	രമ്യാമോൾ	മലയാളം
1985	ഒരു കുടക്കീഴിൽ	ബേബി ശ്രീദേവി	മലയാളം
1985	ആഴി		മലയാളം
1985	ആനക്കൊരുമ്മ	ബിന്ദു	മലയാളം
1985	ഇനിയും കഥ തുടരും	രവീന്ദ്രൻറെ മകൾ	മലയാളം
1985	ഓർമിക്കാൻ ഓമനിക്കാൻ		മലയാളം
1985	മുഹൂർത്തം പതിനൊന്നു മുപ്പതിന്	രാജി	മലയാളം
1985	വിടുതലൈ	ശാലിനി	തമിഴ്
1985	അമ്മേ ഭഗവതി	ദുർഗ	മലയാളം
1986	പ്രത്യേകം ശ്രദ്ധിക്കുക	മിനിമോൾ	മലയാളം
1986	[[നിലാവേമലരേ		തമിഴ്
1986	എൻറെ എൻറേതു മാത്രം	ശ്രീമോൾ, ബിന്ദു	മലയാളം	ഡബിൾ റോൾ
1986	ഈ ജീവ നിനഗഗി	ലത	കന്നട
1986	ആയിരം കണ്ണുകൾ		തമിഴ്
1987	Shankar Guru	ദേവി	തമിഴ്
1987	സിരൈ പാർവൈ		തമിഴ്
1989	രാജാ ചിന്ന റോജ	ചിത്ര	തമിഴ്
1990	ജഗദേഗ വീരുഡു അതിലോക സുന്ദരി	ശാമിലി	തെലുങ്ക്

നായികാ വേഷത്തിൽ

Year	Film	Role	Language	Notes
1997	അനിയത്തിപ്രാവ്	മിനി	മലയാളം
1997	കാതലുക്കു മര്യാദൈ	മിനി	തമിഴ്
1998	നക്ഷത്രത്താരാട്ട്	ഹേമ	മലയാളം
1998	കൈക്കുടന്ന നിലാവ്	വേണി	മലയാളം
1998	സുന്ദരകില്ലാഡി	ദേവയാനി	മലയാളം
1998	കളിയൂഞ്ഞാൽ	അമ്മു	മലയാളം
1999	നിറം	സോന	മലയാളം
1999	അമർക്കളം	മോഹന	തമിഴ്
1999	പ്രേം പൂജാരി	ഹേമ	മലയാളം
2000	കണ്ണുക്കുൾ നിലവ്	ഹേമ	തമിഴ്
2000	അലൈ പായുതൈ	ശക്തി	തമിഴ്
2001	പിരിയാത വരം വേണ്ടും	നിധി	തമിഴ്

പുറത്തേക്കുള്ള കണ്ണികൾ

• ഇന്റർനെറ്റ് മൂവി ഡാറ്റാബേസിൽ നിന്ന് ശാലിനി