പി. രവീന്ദ്രൻ

ഇന്ത്യയിലെ ഒരു രാഷ്ട്രീയ പ്രവർത്തകൻ
രവീന്ദ്രൻ എന്ന പേരിൽ ഒന്നിലധികം വ്യക്തികളുണ്ട്. അവരെക്കുറിച്ചറിയാൻ രവീന്ദ്രൻ (വിവക്ഷകൾ) എന്ന താൾ കാണുക. രവീന്ദ്രൻ (വിവക്ഷകൾ)

കേരളത്തിലെ മുൻമന്ത്രിയും മുതിർന്ന സി.പി.ഐ. നേതാവുമായിരുന്നു പി. രവീന്ദ്രൻ (14 നവംബർ 1922 - 13 നവംബർ 1997). മൂന്നാം കേരളനിയമസഭയിൽ അച്യുതമേനോൻ മന്ത്രിസഭയിലെ തൊഴിൽ, വനം, വ്യവസായം എന്നീ വകുപ്പുകൾ കൈകാര്യം ചെയ്തിരുന്നത് പി. രവീന്ദ്രനായിരുന്നു[1]. പദ്മനാഭൻ എന്നായിരുന്നു പിതാവിന്റെ പേര്. കെ. സാവിത്രിക്കുട്ടിയാണ് ഭാര്യ ഒരു മകളുണ്ട്.

പി. രവീന്ദ്രൻ
P. Raveedran.jpg
കേരളത്തിലെ തൊഴിൽ, വനം, വ്യവസായം വകുപ്പ് മന്ത്രി
ഔദ്യോഗിക കാലം
നവംബർ 1 1969 – ഓഗസ്റ്റ് 1 1970
മുൻഗാമിമത്തായി മാഞ്ഞൂരാൻ, എം.കെ. കൃഷ്ണൻ, ടി.വി. തോമസ്
പിൻഗാമിബേബി ജോൺ, കെ.ജി. അടിയോടി ,എൻ.ഇ. ബാലറാം
കേരള നിയമസഭ അംഗം
ഔദ്യോഗിക കാലം
മേയ് 14 1996 – നവംബർ 13 1997
മുൻഗാമിസി.വി. പത്മരാജൻ
പിൻഗാമിഎൻ. അനിരുദ്ധൻ
മണ്ഡലംചാത്തന്നൂർ
ഔദ്യോഗിക കാലം
മാർച്ച് 25 1987 – ഏപ്രിൽ 5 1991
മുൻഗാമിസി.വി. പത്മരാജൻ
പിൻഗാമിസി.വി. പത്മരാജൻ
മണ്ഡലംചാത്തന്നൂർ
ഔദ്യോഗിക കാലം
മാർച്ച് 3 1967 – മാർച്ച് 22 1977
പിൻഗാമിജെ. ചിത്തരഞ്ജൻ
മണ്ഡലംചാത്തന്നൂർ
ഔദ്യോഗിക കാലം
മാർച്ച് 16 1957 – സെപ്റ്റംബർ 10 1964
പിൻഗാമിആർ.എസ്. ഉണ്ണി
മണ്ഡലംഇരവിപുരം
വ്യക്തിഗത വിവരണം
ജനനം(1922-11-14)നവംബർ 14, 1922
മരണംനവംബർ 13, 1997(1997-11-13) (പ്രായം 74)
രാഷ്ട്രീയ പാർട്ടിസി.പി.ഐ.
പങ്കാളികെ. സാവിത്രിക്കുട്ടി
മക്കൾഒരു മകൾ
As of ഡിസംബർ 13, 2011
ഉറവിടം: നിയമസഭ

രാഷ്ട്രീയ ജീവിതംതിരുത്തുക

നിയമത്തിൽ ബിരുദധാരിയായിരുന്ന പി. രവീന്ദ്രൻ ട്രേഡ് യൂണിയൻ പ്രവർത്തനങ്ങളിലും, സഹകരണപ്രസ്ഥാനങ്ങളുമായി ബന്ധപ്പെട്ട പ്രവർത്തനങ്ങളിലും സജീവ പങ്കാളിയായിരുന്നു. രാഷ്ട്രീയ തടവുകാരനായി ജയിൽ വാസവും അനുഷ്ഠിക്കേണ്ടതായി വന്നിട്ടുണ്ട്. 1951ലും 1954ലും തിരുക്കൊച്ചി നിയമസഭയിലേക്ക് തിരഞ്ഞെടുക്കപ്പെട്ട ഇദ്ദേഹം കേരള നിയമസഭയിലേക്ക് നിരവധി തവണ തിരഞ്ഞെടുക്കപ്പെട്ടിട്ടുണ്ട്. സി.പി.ഐ.യുടെ പ്രതിനിധിയായാണ് എല്ലാത്തവണയും ഇദ്ദേഹം തിരഞ്ഞെടുക്കപ്പെട്ടിട്ടുള്ളത്. ഒന്നും രണ്ടും കേരളനിയംസഭകളിൽ ഇരവിപുരം മണ്ഡലത്തിൽ നിന്നും മൂന്നും, നാലും, എട്ടും, പത്തും നിയമസഭകളിൽ ചാത്തന്നൂർ മണ്ഡലത്തിൽ നിന്നുമാണ് ഇദ്ദേഹം നിയമസഭയിലേക്കെത്തിയത്.

മൂന്നാം കേരളനിയമസഭയിലെ അച്യുതമേനോൻ മന്ത്രിസഭയിൽ 1969 നവംബർ ഒന്നു മുതൽ 1970ഓഗസ്റ്റ് ഒന്ന് വരെ തൊഴിൽ, വനം, വ്യവസായം എന്നീ വകുപ്പുകളുടെ ചുമതലയുള്ള ഒരു മന്ത്രിയായിരുന്ന പി.രവീന്ദ്രൻ പത്താം കേരളനിയമസഭയിലെ(1996) പ്രോ-ടൈം സ്പീക്കറുമായിരുന്നു[2].

സി.പി.ഐ. സംസ്ഥാന എക്സിക്യൂട്ടിവംഗം, സി.പി.ഐ. നിയമസഭാകക്ഷി നേതാവ് (1967-69), എന്നീ നിലകളിലും ഇദ്ദേഹം പ്രവർത്തിച്ചിരുന്നു. പത്താം കേരളനിയമസഭയിലെ സാമാജികനായിരിക്കെ 1997 നവംബർ 13ന് 75ആം ജന്മദിനത്തലേന്ന് ഇദ്ദേഹം അന്തരിച്ചു.

അവലംബംതിരുത്തുക

"https://ml.wikipedia.org/w/index.php?title=പി._രവീന്ദ്രൻ&oldid=3518858" എന്ന താളിൽനിന്ന് ശേഖരിച്ചത്