പിണറായി ഗ്രാമപഞ്ചായത്ത്

കണ്ണൂർ ജില്ലയിൽ തലശ്ശേരി താലൂക്കിലെ തലശ്ശേരി ബ്ലോക്കിൽ സ്ഥിതിചെയ്യുന്ന പിണറായി, എരുവട്ടി എന്നീ വില്ലേജുകൾ ഉൾ‍പ്പെടുന്ന ഗ്രാമപഞ്ചായത്താണ് പിണറായി ഗ്രാമപഞ്ചായത്ത്

വാണിജ്യ-ഗതാഗത പ്രാധാന്യം

ഓലയമ്പലം-കേളാലൂർ-കായലോട്-കോട്ടയത്തങ്ങാടി റോഡാണ്‌ പഞ്ചായത്തിലെ പുരാതനമായ റോഡ്. തലശ്ശേരി, കണ്ണൂർ എന്നിവയാണ്‌ ഏറ്റവുമടുത്ത പ്രധാന റെയിൽവേ സ്റ്റേഷനുകൾ. കണ്ണൂർ അന്താരാഷ്ട്ര വിമാനത്താാവളമണ് ഏറ്റവും അടുത്ത വിമാനത്താവളം. കോഴിക്കോട് അന്താരാഷ്ട്രവിമാനത്താവളം(93 കി. മീ), മംഗലാപുരം അന്താരാഷ്ട്ര വിമാനത്താവളം എന്നിവയാണ്‌ ഏറ്റവുമടുത്ത വിമാനത്താവളങ്ങൾ.

ഗ്രാമ പഞ്ചായത്ത് വാർഡുകൾ

1. പാറപ്രം
2. പിണറായി നോർത്ത്
3. ചേരിക്കൽ
4. ഓലയമ്പലം
5. വെണ്ടുട്ടായി
6. കോഴൂർ
7. പാനുണ്ട
8. ഓലായിക്കര
9. എരുവട്ടി
10. കാപ്പുമ്മൽ
11. പൊക്കിമൊട്ട
12. പന്തക്കപ്പാറ
13. ഉമ്മൻചിറ
14. കിഴക്കും ഭാഗം
15. പടന്നക്കര
16. പിണറായി തെരു
17. കോളാട്
18. പിണാറായി വെസ്റ്റ്

അതിരുകൾ

• വടക്ക്:പെരളശ്ശേരി, വേങ്ങാട് , അഞ്ചരക്കണ്ടി പുഴ
• പടിഞ്ഞാറ്: മുഴപ്പിലങ്ങാട്, ധർമ്മടം (അണ്ടല്ലൂർ-മേലൂർ പുഴ)
• കിഴക്ക്: കതിരൂർ
• തെക്ക്: എരഞ്ഞോളി

ഭൂപ്രകൃതി

ഭൂമിശാസ്ത്രപരമായി പുഴയോട് ചേർന്നുള്ള ചതുപ്പുനിലം, ഏക്കൽമണ്ണുള്ള വയൽപ്രദേശം, സമതലപ്രദേശം, ഇടത്തരം ചെരിവുകൾ, ചെറിയ കുന്നിൻപ്രദേശം എന്നിങ്ങനെ തരംതിരിക്കാവുന്നതാണ്. ‌

ജലപ്രകൃതി

അഞ്ചരക്കണ്ടി പുഴ, ഇതിന്റെ ഭാഗമായ അണ്ടല്ലൂർ-മേലൂർ പുഴ, ചിറകൾ, തോടുകൾ എന്നിവയാണ്‌ പ്രധാന ജലസ്രോതസ്സുകൾ.

സ്ഥിതിവിവരക്കണക്കുകൾ

വിസ്തീർണ്ണം(ച.കി.മി)	വാർഡുകൾ	ആകെ ജനസംഖ്യ	ആകെ പുരുഷന്മാർ	ആകെ സ്ത്രീകൾ	ജനസാന്ദ്രത	സ്ത്രീ പുരുഷ അനുപാതം	ആകെ സാക്ഷരത	സാക്ഷരരായ പുരുഷന്മാർ	സാക്ഷരരായ സ്ത്രീകൾ
20.04	18	28579	13871	14888	1435	1073	94.14	97.48	91.07

പഞ്ചായത്ത് രൂപവത്കരണം/ആദ്യകാല ഭരണസമിതികൾ

1961-വരെ എരുവട്ടിയും, പിണറായിയും രണ്ട് പഞ്ചായത്തുകളായിരുന്നു, 1961-ലാണ്‌ ഈ പഞ്ചായത്തുകളെ യോജിപ്പിച്ച് പിണറായി പഞ്ചായത്ത് നിലവിൽ വന്നത്. കുഞ്ഞുകുട്ടി മാസ്റ്ററായിരുന്നു ആദ്യത്തെ പ്രസിഡണ്ട്.

ഇതും കാണുക

കേരളത്തിലെ ഗ്രാമപഞ്ചായത്തുകളുടെ പട്ടിക