ചിത്രമേള

ചിത്രമേള
ചിത്രമേള
സംവിധാനം	ടി.എസ്. മുത്തയ്യ
നിർമ്മാണം	ടി.എസ്. മുത്തയ്യ; എം. കൃഷ്ണൻ നായർ
രചന	ഭവാനിക്കുട്ടി; ശ്രീകുമാരൻ തമ്പി; എം.കെ. മക്ണി
തിരക്കഥ	ശ്രീകുമാരൻ തമ്പി; എം.കെ. മണി
അഭിനേതാക്കൾ	പ്രേം നസീർ; തിക്കുറിശ്ശി; അടൂർ ഭാസി; ശാരദ; ഷീല; ടി.ആർ. ഓമന
സംഗീതം	ജി. ദേവരാജൻ
ഗാനരചന	ശ്രീകുമാരൻ തമ്പി
ഛായാഗ്രഹണം	എൻ.എസ് മണി
ചിത്രസംയോജനം	ജി. വെങ്കിട്ടരാമൻ
വിതരണം	സെൻട്രൽ പിക്ചേഴ്സ് റിലീസ്
റിലീസിങ് തീയതി	29/09/1967
രാജ്യം	ഇന്ത്യ
ഭാഷ	മലയാളം

ശ്രീമൂവീസിനുവേണ്ടി ടി.എസ്. മുത്തയ്യ നിർമിച്ച മലയാളചലച്ചിത്രമാണ് ചിത്രമേള. സെൻട്രൽ പിക്ചേഴ്സ് റിലീസ് വിതരണം ചെയ്ത ഈ ചിത്രം 1967 സെപ്റ്റംബർ 29-ന് കേരളത്തിൽ പ്രദർശനം തുടങ്ങി.^[1]

ഈചിത്രത്തിന്റെ പ്രത്യേകതകൾ തിരുത്തുക

വ്യത്യസ്തമായ മൂന്നു കഥകൾ ഒരേ ചിത്രത്തിൽ അവതരിപ്പിക്കുക എന്ന പരീക്ഷണം ആദ്യമായി നടത്തിയത് ചിത്രമേളയിലാണ്.

ഇവയിൽ പ്രധാനപ്പെട്ടതും, ദൈർഘ്യമേറിയതുമായ ചിത്രം "അപസ്വരങ്ങൾ" ആയിരുന്നു.

പ്രശസ്ത നടൻ ടി എസ് മുത്തയ്യ ആയിരുന്നു ചിത്രമേളയുടെ നിർമ്മാതാവും സംവിധായകനും
ശ്രീകുമാരൻ തമ്പി ഒരു തിരക്കഥാകൃത്തെന്ന നിലയിൽ ആദ്യം പ്രത്യക്ഷപ്പെടുന്നത് ചിത്രമേളയിലാണ്.
ഈ ചിത്രത്തിലെ എട്ട് ഗാനങ്ങളും രചിച്ചത് ശ്രീകുമാരൻ തമ്പിയാണ്.
എട്ട് ഗാനങ്ങളും പാടിയത് യേശുദാസാണ്. യേശുദാസ് എല്ലാ ഗാനങ്ങളും പാടുന്ന ആദ്യ ചിത്രവും ഇതു തന്നെ.
താഷ്കെന്റ് മേളയിലേയ്ക്ക് ഈ ചിത്രം ക്ഷണിയ്ക്കപ്പെട്ടു.^[2]