ഖേൽരത്ന പുരസ്കാരം

കായിക പുരസ്കാരം
(ഖേൽരത്ന എന്ന താളിൽ നിന്നും തിരിച്ചുവിട്ടതു പ്രകാരം)

ഇന്ത്യയിലെ പരമോന്നത കായികബഹുമതിയാണ് മേജർ ധ്യാൻചന്ദ് ഖേൽരത്ന പുരസ്കാരം. 1992 മുതൽ 2021 ആഗസ്ത് വരെ ഇതിന്റെ പേര് രാജീവ് ഗാന്ധി ഖേൽരത്ന എന്നായിരുന്നു. ഈ പുരസ്കാരത്തിന്റെ തുടക്കത്തിലുള്ള സമ്മാനതുക 5,00,000 രൂപയായിരുന്നു . ഇത് 2009ൽ 7,50,000 രൂപയായി ഉയർത്തി.[1] നിലവിൽ 25 ലക്ഷം രൂപയാണ് ഖേൽ രത്ന പുരസ്കാരത്തിൽ നൽകുന്നത്.

ഖേൽരത്ന പുരസ്കാരം
ഇനം കായികം (വ്യക്തിഗതം/ടീം)
വിഭാഗം സിവിലിയൻ
തുടങ്ങിയ വർഷം 1991 - 1992
ആദ്യപുരസ്കാരം 1991 - 1992
അവസാനപുരസ്കാരം 2011 - 2012
ആകെ 16
പുരസ്കാരം നല്കുന്നത് ഭാരത സർക്കാർ
സമ്മാനത്തുക 5,00,000 രൂപ
സ്വഭാവം പരമോന്നത കായികബഹുമതി
ആദ്യവിജയി വിശ്വനാഥൻ ആനന്ദ് 1991 - 1992
അവസാനവിജയി ഗഗൻ നാരംഗ് 2010 - 2011
പിൻഗാമി അർജുന അവാർഡ്

1991-92-ലാണ് പുരസ്കാരം ഏർപ്പെടുത്തിയത്. കായികരംഗത്ത് ഏറ്റവും മികച്ച പ്രകടനം പുറത്തെടുക്കുന്ന കായികതാരത്തിനോ ടീമിനോ ആണ് ഈ പുരസ്കാരം നൽകിപ്പോരുന്നത്. ചെസ് കളിക്കാരനായ വിശ്വനാഥൻ ആനന്ദ് ആണ് ആദ്യത്തെ ഖേൽരത്ന വിജയി.[2]

തിരഞ്ഞെടുപ്പ് തിരുത്തുക

കേന്ദ്ര യുവജനകാര്യ-കായിക വകുപ്പ് മന്ത്രാലയം ഓരോ വർഷവും നിയമിക്കുന്ന പ്രത്യേക സമിതിയാണ് അതത് വർഷത്തെ രാജീവ് ഗാന്ധി ഖേൽരത്ന വിജയിയെ കണ്ടെത്തുന്നത്. നടപ്പുവർഷം ഏപ്രിൽ 1 മുതൽ അടുത്തവർഷം മാർച്ച് 31 വരെയുള്ള കായികപ്രകടനമാണ് കണക്കിലെടുക്കുക. ഒളിമ്പിക്സ്, ഏഷ്യൻ ഗെയിംസ്, കോമൺവെൽത്ത് ഗെയിംസ്, പ്രൊഫഷണൽ കായികഇനങ്ങളായ ബില്യാർഡ്സ്, സ്നൂക്കർ, ചെസ്, ക്രിക്കറ്റ് എന്നിവയിൽ കായികതാരങ്ങൾ നടത്തുന്ന പ്രകടനമാണ് പരിഗണിക്കുക. ഒരു കായികതാരത്തിന് ഒരിക്കൽ മാത്രമേ ഈ പുരസ്കാരം നൽകുകയുള്ളൂ. പുരസ്കാരത്തിന് പരിഗണിക്കാനുള്ള കായികതാരങ്ങളെ ഇന്ത്യൻ പാർലമെന്റ്, സംസ്ഥാന സർക്കാരുകൾ, സ്പോർട്സ് അതോറിറ്റി ഓഫ് ഇന്ത്യ, ദേശീയ സ്പോർട്സ് ഫെഡറേഷനുകൾ എന്നിവയിലേതെങ്കിലുമൊന്ന് നാമനിർദ്ദേശം ചെയ്യുകയും വേണം.[3] ഈ നിർദ്ദേശങ്ങൾ കമ്മിറ്റി പരിഗണിക്കുകയും വിജയിയുടെ പേര് ഇന്ത്യൻ സർക്കാരിന് നിർദ്ദേശിക്കുകയും ചെയ്യും. വിജയിയുടെ പേര് പ്രഖ്യാപിക്കുക സർക്കാരാണ്. പുരസ്കാരം സമർപ്പിക്കുന്ന ഇന്ത്യൻ രാഷ്ട്രപതിയും.

ഖേൽരത്ന നേടിയ മലയാളികൾ തിരുത്തുക

ഇതുവരെയായി മൂന്ന് മലയാളികൾ രാജീവ് ഗാന്ധി ഖേൽരത്ന പുരസ്കാരം നേടിയിട്ടുണ്ട്. 2002-03 വർഷത്തിൽ ഓട്ടക്കാരി കെ.എം. ബീനമോൾ ആണ് ഈ പുരസ്കാരം ആദ്യം കേരളത്തിലേക്കെത്തിച്ചത്.[4] അടുത്തവർഷം ലോങ്ജമ്പ് താരം അഞ്ജു ബോബി ജോർജ്ജും ഈ പുരസ്കാരത്തിന് അർഹയായി. 2021 വർഷത്തിൽ ഹോക്കിതാരം പി ആർ ശ്രീജേഷ് ഈ പുരസ്ന്കാരത്തിന് അർഹനായി. ഖേൽ രത്ന നേടുന്ന ആദ്യ പുരുഷ മലയാളി താരമാണ് പി ആർ ശ്രീജേഷ്.

വിജയികളുടെ പട്ടിക‍ തിരുത്തുക

ക്രമനം. വർഷം വിജയി കായിക ഇനം
01 1991-92 വിശ്വനാഥൻ ആനന്ദ് ചെസ്സ്
02 1992-93 ഗീത് സേഥി ബില്ല്യാർഡ്സ്
03 1993-94 വിജയി ഇല്ല -
04 1994-95 ഹോമി ഡി. മോത്തിവാല, പി.കെ. ഗാർഗ് വഞ്ചിതുഴയൽ (ടീം)
05 1995-96 കർണം മല്ലേശ്വരി ഭാരോദ്വഹനം
06 1996-97 ലിയാണ്ടർ പേസ് (സംയുക്തം) ടെന്നീസ്,
കുഞ്ചറാണിദേവി (സംയുക്തം) ഭാരോദ്വഹനം
07 1997-98 സച്ചിൻ ടെണ്ടുൽക്കർ ക്രിക്കറ്റ്
08 1998-99 ജ്യോതിർമയി സിക്ദർ അത്‌ലറ്റിക്സ്
09 1999-2000 ധൻരാജ് പിള്ള ഹോക്കി
10 2000-01 പുല്ലേല ഗോപീചന്ദ് ബാഡ്മിന്റൺ
11 2001-02 അഭിനവ് ബിന്ദ്ര ഷൂട്ടിംഗ്
12 2002-03 അഞ്ജലി ഭഗവത്(സംയുക്തം) ഷൂട്ടിംഗ്
കെ.എം. ബീനാമോൾ (സംയുക്തം) അത്‌ലറ്റിക്സ്
13 2003-04 അഞ്ജു ബോബി ജോർജ്ജ് അത്‌ലറ്റിക്സ്
14 2004-05 രാജ് വർദ്ധൻ റാഥോഡ് ഷൂട്ടിംഗ്
15 2005-06 പങ്കജ് അദ്വാനി ബില്ല്യാർഡ്സ്, സ്നൂക്കർ
16 2006-07 മാനവ്ജിത് സിങ് സന്ധു ഷൂട്ടിംഗ്
17 2007-08 മഹേന്ദ്ര സിങ് ധോണി ക്രിക്കറ്റ്
18 2008-09 മേരി കോം (സംയുക്തം) ബോക്സിങ്
വിജേന്ദർ കുമാർ (സംയുക്തം) ബോക്സിങ്
സുശീൽ കുമാർ (സംയുക്തം) ഗുസ്തി
19 2009-10 സൈന നേവാൾ ബാഡ്മിന്റൺ
20 2010-11 ഗഗൻ നാരംഗ് ഷൂട്ടിംഗ്
18 2011-12 വിജയകുമാർ (സംയുക്തം) ഷൂട്ടിംഗ്
യോഗേശ്വർ ദത്ത് (സംയുക്തം) ഗുസ്തി
19 2012–13 രഞ്ജൻ സോധി Shooting
20 2014–15 സാനിയ മിർസ ടെന്നീസ്
21 2015–16 പി.വി. സിന്ധു ബാഡ്മിന്റൺ[5]
ദിപാ കർമാകർ ജിംനാസ്റ്റിക്സ്[5]
ജിത്തു റായ് ഷൂട്ടിംഗ്[5]
സാക്ഷി മാലിക് ഗുസ്തി[5]

അവലംബം തിരുത്തുക

  1. "Khel Ratna, Arjuna Award prize money increased". മിഡ്ഡേ. 2009-07-29. Retrieved 9 ഒക്ടോബർ 2012.
  2. "Rajiv Gandhi Khel Ratna Award". WebIndia 123. Retrieved ഓഗസ്റ്റ് 29 2008. {{cite web}}: Check date values in: |accessdate= (help)
  3. "Rajiv Gandhi Khel Ratna Award". Sports Development Authority of Tamil Nadu. Archived from the original on 2007-07-06. Retrieved ഓഗസ്റ്റ് 29 2008. {{cite web}}: Check date values in: |accessdate= (help)
  4. "Anjali, Beenamol get Khel Ratna". Rediff. Retrieved ഓഗസ്റ്റ് 29 2008. {{cite web}}: Check date values in: |accessdate= (help)
  5. 5.0 5.1 5.2 5.3 [https://archive.today/20160824085901/http://pib.nic.in/newsite/PrintRelease.aspx?relid=149084#selection-39.0-43.36 Press Information Bureau Government of India Ministry of Youth Affairs and Sports]
"https://ml.wikipedia.org/w/index.php?title=ഖേൽരത്ന_പുരസ്കാരം&oldid=3968749" എന്ന താളിൽനിന്ന് ശേഖരിച്ചത്